កីឡា
ឥណ្ឌូណេស៊ី កំណត់គោលដៅឈរលើគេក្នុងអាស៊ានប៉ារ៉ាហ្គេម នៅកម្ពុជា
អត្តពលិកជនមានពិការភាពឥណ្ឌូណេស៊ី មានបំណងឈរលើកំពូលតារាងមេដាយក្នុងព្រឹត្តិការណ៍កីឡាអាស៊ានប៉ារ៉ាហ្គេម លើកទី១២ ដែលគ្រោងធ្វើនៅខែមិថុនាឆ្នាំនេះនៅកម្ពុជា។
ក្នុងពិធីបញ្ជូនអត្តពលិកឥណ្ឌូណេស៊ីសម្រាប់ការចូលរួមប្រកួតព្រឹត្តិការណ៍អាស៊ានប៉ារ៉ាហ្គេម នៅសាលប្រជុំក្រុង Surakarta កាលពីថ្ងៃចន្ទ រដ្ឋមន្ត្រីក្រសួងយុវជន និងកីឡា លោក Dito Ariotedjo បាននិយាយថា អត្តពលិកពិការឥណ្ឌូណេស៊ីបាននិងកំពុងរៀបចំខ្លួនតាំងពីឆ្នាំ២០២២ តាមរយៈការហ្វឹកហាត់ថ្នាក់ជាតិដែលមិនមានការរំខាន។
លោកបានបញ្ជាក់ថា ៖«នេះគឺជាឧទាហរណ៍មួយនៃការអនុវត្តបទបញ្ជារបស់ប្រធានាធិបតី លេខ៨៦ ឆ្នាំ២០២១ ទាក់ទងនឹងការកែប្រែដ៏ធំរបស់កីឡាជាតិ។ ដូច្នេះយើងទាំងអស់គ្នាគួរតែថ្លែងអំណរគុណចំពោះលោកប្រធានាធិបតី Joko Widod»។
លោករដ្ឋមន្ត្រីក៏បានសម្តែងក្តីសង្ឃឹមថា អត្តពលិកឥណ្ឌូណេស៊ីនឹងបង្កើនសមត្ថភាព និងសមិទ្ធផលរបស់ពួកគេទាំងក្នុងព្រឹត្តិការណ៍អាស៊ានប៉ារ៉ាហ្គេម និងអាស៊ីប៉ារ៉ាហ្គេម (Asian Para Games) ធ្វើជាកន្លែងត្រៀមខ្លួន មុននឹងឈានទៅប្រកួតកីឡាប៉ារ៉ាឡាំពិក នាពេលខាងមុខ។
លោកបានបញ្ជាក់ថា ៖«ដូច្នេះហើយ ខ្ញុំសូមជំរុញអ្នកទាំងអស់គ្នាឱ្យតស៊ូ ប្រកួតជាមួយនឹងស្នាដៃដ៏ល្អបំផុតរបស់អ្នក ហើយបន្តរក្សានូវស្មារតីនៃការប្រកួតកីឡា។ លទ្ធផលនៅអាស៊ានប៉ារ៉ាហ្គេមនឹងប្រើជាគំរូដើម្បីរៀបចំខ្លួនយើងឱ្យកាន់តែល្អសម្រាប់ការប្រកួតកីឡាអូឡាំពិកខាងមុខ (ប៉ារ៉ាឡាំពិក)»។
ក្នុងឱកាសនោះដែរ នាយបេសកកម្មប្រតិភូឥណ្ឌូណេស៊ី លោក Andi Suherman បានមានប្រសាសន៍ថា បេក្ខភាពនេះមានចំនួន ៥០០នាក់ ក្នុងនោះមានអត្តពលិក ២៨៦នាក់ ដែលនឹងត្រូវចូលរួមប្រកួតប្រជែងក្នុងកីឡាចំនួន ១២ប្រភេទ។
ចំពោះគោលដៅសរុបមេដាយវិញ ឥណ្ឌូណេស៊ីកំពុងសម្លឹងរកយកមេដាយមាស ១២១គ្រឿង ប្រាក់ ៩២គ្រឿង និងសំរឹទ្ធ ៨៤គ្រឿង។
លោក Andi Suherman បានសង្កត់ធ្ងន់ថា ៖«យើងបានធ្វើការវិភាគ និងវាយតម្លៃលើសក្ដានុពល និងសមិទ្ធផលរបស់អត្តពលិកក្នុងអំឡុងពេលហ្វឹកហាត់នៅមជ្ឈមណ្ឌលហ្វឹកហ្វឺនជាតិ។ ផ្អែកលើលទ្ធផល យើងបានកំណត់គោលដៅឈរលើគេនៅអាស៊ានប៉ារ៉ាហ្គេម ឆ្នាំ២០២៣»។
លោកបានបញ្ជាក់ថា គោលដៅត្រូវបានកំណត់ជាក់ស្តែង ហើយរំពឹងទុកជាការជំរុញដល់អត្តពលិកឲ្យអស់ពីសមត្ថភាពក្នុងព្រឹត្តិការណ៍ពហុកីឡា លើកទី១២នេះ៕
ប្រែសម្រួល ៖ មន្នីរ័ត្ន
ប្រភព ៖ en.antaranews.com
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ