U-22 សិង្ហបុរី ត្រូវបានសហព័ន្ធដាក់ទណ្ឌកម្មចំពោះលទ្ធផល​អាក្រក់ក្នុងស៊ីហ្គេម២០២៣

ក្រុមតោ​វ័យក្មេង​អាយុ​ក្រោម​២២​ឆ្នាំ​សិង្ហបុរី (U-22) កំពុងត្រូវបានដាក់ពិន័យសម្រាប់ការចេញទៅប្រកួតកីឡាអាស៊ីអាគ្នេយ៍មិន​ល្អ​របស់ពួកគេ ខណៈ​ប្រធានស្តីទីសមាគមកីឡាបាល់ទាត់សិង្ហបុរី (FAS) លោក Bernard Tan បានប្រាប់សារព័ត៌មាន​ CNA នៅក្នុងបទសម្ភាស​មួយថា ក្រុម Young Lions នឹងមិនចូលរួមក្នុងការប្រកួតអន្តរជាតិណាមួយឡើយ រហូតទាល់តែមានការពិនិត្យឡើងវិញអំពីបច្ចេកទេស។ 

បរាជ័យក្នុង​ស៊ីហ្គេម ឆ្នាំ​២០២៣ នៅកម្ពុជា​បានបញ្ចប់ហើយរហូតដល់ពេលមួយ ក្រុម Young Lions មានសមត្ថភាពគ្រប់គ្រាន់ក្នុងការប្រកួត។ លោកក៏បានប្រកាសផងដែរថា គណៈកម្មការ​ពិនិត្យបច្ចេកទេសកំពុងត្រូវបានដឹកនាំដោយអតីតគ្រូបង្វឹកជម្រើសជាតិលោក Jita Singh។

លោក Jita អាយុជិត៧៥ឆ្នាំកំពុងត្រូវបានជួយដោយអនុប្រធានសហព័ន្ធ Razali Saad និងសមាជិកក្រុមប្រឹក្សាសហព័ន្ធ Lim Tong Hai និង Harman Ali។ 

លោក​មិនដឹងថា FAS សម្រេចយ៉ាងណាឲ្យអ្នកទាំងបួននេះដឹកនាំការពិនិត្យឡើងវិញអំពី​យុទ្ធនាការស៊ីហ្គេមដ៏បរាជ័យនោះទេ។

ការបញ្ឈប់ក្រុម Young Lions ពីការចូលរួមក្នុងការប្រកួតអន្តរជាតិហាក់ដូចជាដាក់ទណ្ឌកម្ម​លើ​កីឡាករចំពោះ​បរាជ័យ​នៅស៊ីហ្គេមដែលពួកគេបានបញ្ចប់នៅបាតតារាង​ពូល B និងនៅបាតតារាងក្នុងចំណោមក្រុម​ចូលរួមទាំង១០។

ក្រុម Young Lions ដឹកនាំដោយ Philippe Aw ក៏បានចាញ់ម៉ាឡេស៊ី ៧-០ ហើយអាចត្រឹមតែស្មើជាមួយឡាវប៉ុណ្ណោះ ក្រៅពីនេះចាញ់ថៃ និងវៀតណាម ៣-១ ដូច​គ្នា។

ព្រឹត្តិការណ៍បន្ទាប់​សម្រាប់ក្រុម Young Lions នឹងរួមបញ្ចូលការប្រកួតជម្រុះយុវជនអាស៊ីអាយុក្រោម ២៣ឆ្នាំ (AFC U23) ​នៅខែកញ្ញា និងកីឡាអាស៊ី Asian Games នាពេលខាងមុខ នៅទីក្រុង Hangzhou ប្រទេសចិន ចាប់ពីខែកញ្ញា ដល់ខែតុលា៕

ប្រែសម្រួល៖ មន្នីរ័ត្ន
ប្រភព៖ themonitor.sg