កីឡា
ផ្លូវការ! AFC ពិន័យថៃ និងឥណ្ឌូណេស៊ី ១៤នាក់រឿងប៉ះទង្គិចគ្នាក្នុងស៊ីហ្គេមនៅកម្ពុជា
សហព័ន្ធកីឡាបាល់ទាត់ទ្វីបអាស៊ី (AFC) បានប្រកាសពីការដាក់ពិន័យលើកីឡាករ និងក្រុមគ្រូបង្វឹកនៃសហព័ន្ធកីឡាបាល់ទាត់ថៃ និងឥណ្ឌូណេស៊ីហើយ ជុំវិញករណីប៉ះទង្គិចគ្នាវគ្គផ្តាច់ព្រ័ត្រក្នុងព្រឹត្តិការណ៍កីឡាស៊ីហ្គេម លើកទី៣២ កាលពីខែឧសភា ដែលប្រទេសកម្ពុជាធ្វើជាម្ចាស់ផ្ទះ។
![](https://www.kampucheathmey.com/wp-content/uploads/2023/07/photo_6158701138317260187_w-1024x683.jpg)
យោងតាមបញ្ជីឈ្មោះនៃការដាក់ពិន័យគឺឥណ្ឌូណេស៊ីមានកីឡាករ ៣នាក់ និងក្រុមការងារគ្រូបង្វឹក ៤នាក់ ខណៈថៃមានកីឡាករ ២នាក់ និងក្រុមការងារគ្រូបង្វឹក ៥នាក់ ដែលត្រូវបានពិន័យមិនឲ្យចូលរួមសកម្មភាពប្រកួត និងជាប្រាក់ដែលមានដូចខាងក្រោម៖
កីឡាករ ៣នាក់របស់ឥណ្ឌូណេស៊ី រួមមាន Agung Bagus Fawwazi , Komang Teguh និង Taufany Muslihuddin ត្រូវបានពិន័យមិនចូលលេងនៅលើទីលានចំនួន ៦ប្រកួត និងពិន័យជាប្រាក់ ១ពាន់ដុល្លារអាមេរិក ដូចគ្នា។
ក្រុមការងារគ្រូបង្វឹករបស់ឥណ្ឌូណេស៊ីមាន ៤នាក់ គឺ លោក Tegar Diokta, លោក Ahmad Nizar និងលោក Toid Sarnadi ត្រូវបានពិន័យមិនឲ្យចូលរួមដឹកនាំក្នុងសកម្មភាពលើទីលានចំនួន ៦ប្រកួត និងពិន័យជាប្រាក់ ១ពាន់ដុល្លារអាមេរិកដូចគ្នា ខណៈលោក Sahari Gultom ត្រូវបានពិន័យមិនចូលរួមដឹកនាំក្នុងសកម្មភាពលើទីលានចំនួន ៦ប្រកួត។
![](https://www.kampucheathmey.com/wp-content/uploads/2023/07/photo_6158701138317260188_w-1024x683.jpg)
ដោយឡែកថៃមានកីឡាករ ២នាក់ត្រូវបានពិន័យ គឺ Soponwit Rakyart និង Chayapipat Supunpasuch ត្រូវបានពិន័យមិនឲ្យចូលលេងចំនួន ៦ប្រកួត និងពិន័យជាប្រាក់ ១ពាន់ដុល្លារអាមេរិកដូចគ្នា។
ក្រុមការងារគ្រូបង្វឹករបស់ថៃមានមាន៥នាក់គឺលោក Pattarawut Wongsriphuek និងលោក Mayeid Mad-Adam ត្រូវបានពិន័យមិនឲ្យដឹកនាំក្នុងសកម្មភាពលើទីលានចំនួន ៦ប្រកួត និងពិន័យជាប្រាក់ ១ពាន់ដុល្លារដូចៗគ្នា។ ៣នាក់ផ្សេងទៀតគឺលោក Purachet Todsanit, Thirapak Prueangna និងលោក Bamrung Boonprom ត្រូវបានពិន័យមិនឲ្យដឹកនាំក្នុងសកម្មភាពលើទីលានចំនួន ៦ប្រកូត។ ជាមួយគ្នានេះ សហព័ន្ធកីឡាបាល់ទាត់ថៃ ត្រូវបានសហព័ន្ធកីឡាបាល់ទាត់ទ្វីបអាស៊ីបញ្ជាឲ្យបង់ប្រាក់ពិន័យ ១ម៉ឺនដុល្លារអាមេរិក។
![](https://www.kampucheathmey.com/wp-content/uploads/2023/07/photo_6158701138317260189_w-1024x683.jpg)
ចាំបានថា សមាគមកីឡាបាល់ទាត់ថៃ កាលពីថ្ងៃទី២៣ ខែឧសភា បានដាក់ពិន័យលើមន្ត្រីជំនួយការ និងកីឡាករអាយុក្រោម ២២ឆ្នាំរបស់ខ្លួន ចំនួន ៥រូប បន្ទាប់ពីការស៊ើបអង្កេតរកឃើញពីកំហុសឆ្គងរបស់ពួកគេ។
កាលពីថ្ងៃទី១៦ ខែឧសភា ក្នុងជំនួបវគ្គផ្ដាច់ព្រ័ត្រដណ្តើមមេដាយមាសស៊ីហ្គេម លើកទី៣២ ឆ្នាំ២០២៣ លើវិញ្ញាសាបាល់ទាត់បុរស រវាងថៃ និងឥណ្ឌូណេស៊ី មានការប៉ះទង្គិចគ្នាពីរដង ក្នុងការប្រកួតនោះ។ ការប្រកួតបានបញ្ចប់ទៅដោយក្រុមឥណ្ឌូណេស៊ី ជាម្ចាស់មេដាយមាស ខណៈ ថៃទទួលបានមេដាយប្រាក់៕
អត្ថបទ៖ វីរបុត្រ
-
សន្តិសុខសង្គម៥ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+១ សប្តាហ៍ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៥ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៥ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៤ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៥ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+២ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ