កីឡា

សំដីគ្រូទាំងពីរមុនប៉ះគ្នារវាងក្រុមទ័ពនិងព្រះខ័នរាជស្វាយរៀងថ្ងៃអាទិត្យនេះ

បានផុស

២ years មុន

នៅ

ថ្ងៃសៅរ៍ ៥ សីហា ២០២៣

ដោយ

ក្រុមម្ចាស់ផ្ទះក្រសួងការពារជាតិនឹងបើកទ្វារស្តាតចាស់ទទួលក្រុមព្រះខ័នរាជស្វាយរៀង វេលាម៉ោង៦ល្ងាច ថ្ងៃអាទិត្យ ទី៦ ខែសីហា ឆ្នាំ២០២៣ សម្រាប់ការប្រកួតបើកឆាកខេមបូឌានព្រីមៀរលីគរដូវកាលថ្មី។

ចំណាប់អារម្មណ៍សំដីគ្រូ

លោក Pep Muñoz គ្រូបង្គោលព្រះខ័នរាជស្វាយរៀងបាននិយាយថា ៖«ក្រុមរបស់យើងត្រៀមខ្លួនបានល្អហើយ។ កីឡាករទាំងអស់បានឈានដល់កម្រិតដែលខ្ញុំចង់បានក្នុងលក្ខខណ្ឌបច្ចេកទេស និងកាយសម្បទា។ យើងទាំងអស់គ្នាទន្ទឹងរង់ចាំការប្រកួតដំបូងនេះ»។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ភា សុភក្ត្រា គ្រូបង្វឹកក្រសួងការពារជាតិបាននិយាយថា ៖«ការប្រកួតជាមួយព្រះខ័នរាជស្វាយរៀងជាហ្គេមសំខាន់។ បើយើងធ្វើបានល្អ យើងនឹងធ្វើដំណើរទៅមុខរលូន។ ផ្ទុយទៅវិញ បើយើងធ្វើមិនបានល្អទាំងលទ្ធផល និងចង្វាក់លេង ឬខ្វះខាតច្រើន យើងនឹងត្រូវការពេលវេលាច្រើនទៀតដើម្បីពង្រឹងក្រុម»។

សំដីកីឡាករ

កីឡាករ អ៉ឹម សំអូន ខ្សែប្រយុទ្ធរបស់ក្រសួងការពារជាតិបាននិយាយថា ក្រុមទាំងមូលបានត្រៀមខ្លួនរួចរាល់ហើយ។ ការត្រៀមខ្លួនរបស់យើងគឺ១០០%។ ពួកយើងបានខិតខំហ្វឹកហាត់ខ្លាំងណាស់។ ស្វាយរៀងជាក្រុមខ្លាំង តែក្រុមយើងនឹងធ្វើឲ្យបានល្អបំផុត»។

កីឡាករ សារ៉េត គ្រីយ៉ា ខ្សែការពាររបស់ព្រះខ័នរាជស្វាយរៀងបាននិយាយថា ៖«ការប្រកួតបើកឆាកជាមួយទ័ពគឺជាជំនួបមួយតានតឹង។ កន្លងមក ពួកគាត់លេងជាក្រុមបានល្អក្នុងលីគខាប់។ ពួកគាត់មានកីឡាករវ័យក្មេងល្អៗ គួបផ្សំនឹងកីឡាករបរទេសថ្មីៗមានបទពិសោធលេងនៅក្រៅស្រុកច្រើន។ អ្វីដែលសំខាន់ពួកគាត់មានគ្រូបង្វឹកថ្មីដែលជាគ្រូបង្វឹកដ៏ល្អម្នាក់»។

ប្រវត្តិជួបគ្នា

ក្រសួងការពារជាតិ និងព្រះខ័នរាជស្វាយរៀងធ្លាប់ជួបគ្នា៩លើកក្នុងពានរង្វាន់លីគកំពូលកម្ពុជាគិតចាប់តាំងពីឆ្នាំ២០១៨មក ក្នុងនោះព្រះខ័នរាជស្វាយរៀង ឈ្នះ៨ដង និងស្មើគ្នា១ ខណៈក្រសួងការពារជាតិមិនដែលទទួលបានជ័យជម្នះឡើយ។