Ronaldo កើនអ្នកតាមដាន ៦០០លាននាក់ដំបូងគេលើលោក ខណៈតម្លៃនៃការបង្ហោះម្ដងៗស៊ីថ្លៃជាង ៣លានដុល្លារ

ក្រោយក្លាយជាមនុស្សដំបូងគេដែលមានអ្នកតាមដានលើ Instagram ពីរឆ្នាំជាប់គ្នា ពេលនេះកំពូលតារាបាល់ទាត់ Cristiano Ronaldo បន្តបង្កើតកំណត់ត្រាថ្មីម្ដងទៀត ខណៈអ្នកតាមដានបច្ចុប្បន្នកើនលើស ៦០០លាននាក់។

កាលពីថ្ងៃទី១១ ខែសីហា ឆ្នាំ២០២៣ កន្លងទៅ គណនី Instagram ផ្ទាល់ខ្លួនរបស់កីឡាករបាល់ទាត់ព័រទុយហ្គាល់ Cristiano Ronaldo បានកើន ​Follower ចំនួន ៦០០លាននាក់ ជាផ្លូវការ ក្លាយជាមនុស្សដំបូងបំផុតមានអ្នកតាមដានច្រើនជាងគេនៅលើលោក ជាលើកទី៣ ​ដែលកាលពីឆ្នាំ២០២១ កន្លងទៅ លោកជាមនុស្សដំបូងគេក្នុងពិភពលោកមានអ្នកតាមដានរហូតដល់ ៤០០លាននាក់ និងនៅចុងឆ្នាំ២០២២ មានអ្នកតាមដាន ៥០០លាននាក់ ដំបូងគេ។

តួលេខថ្មីនេះ អាចធ្វើឱ្យតារាវ័យ ៣៨ឆ្នាំ ទទួលបានចំណូលកាន់តែខ្ពស់បន្ថែមទៀតពីម្ចាស់ផលិតផលដែលជួលឱ្យលោកផ្សាយនៅលើគណនី IG របស់លោក ខណៈកន្លងទៅ Sponsor ត្រូវចំណាយប្រាក់ចំនួន ៣.២៣លានដុល្លារពីការបង្ហោះម្ដង៕

ប្រែសម្រួល៖ សន្យា

ចុចអាន៖ Ronaldo បញ្ជាក់ពីអនាគតរបស់ខ្លួននិងកម្រិតលីគអារ៉ាប៊ីសាអ៊ូឌីត