Connect with us

កីឡា

អតីតអាជ្ញាកណ្តាលល្បី ទុយ វិច្ឆិកា កំពុងរៀនអនុបណ្ឌិតគ្រប់គ្រងកីឡានៅកូរ៉េ

បានផុស

នៅ

លោក ទុយ វិច្ឆិកា អតីត​អាជ្ញា​កណ្តាល​បាល់ទាត់​កម្ពុជា​ដ៏​ល្បី​ម្នាក់​​កំពុង​បន្ត​ការ​សិក្សា​​ថ្នាក់​អនុបណ្ឌិត​ជំនាញ​គ្រប់​គ្រង​កីឡា​នៅ​សាកល​វិទ្យាល័យ​ជាតិសេអ៊ូល​ (Seoul National University របស់​ប្រទេស​កូរ៉េ​ខាង​ត្បូង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បុគ្គលិក​របស់​ក្រសួង​អប់រំ យុវជន និង​កីឡា​បាន​ឲ្យ​ដឹង​ថា លោក​ទទួល​បាន​អាហារូបករណ៍​តាម​រយៈ​ការ​ដាក់​ពាក្យ​ដោយ​ខ្លួន​ឯង បន្ទាប់​ពី​ទទួល​បាន​ព័ត៌មាន​ពី​អាហារូបករណ៍​តាម​រយៈ​គណៈកម្មាធិការ​ជាតិ​អូឡាំពិក​កម្ពុជា។ អាហារូបករណ៍​ថ្នាក់​អនុបណ្ឌិត​គ្រប់​គ្រង​កីឡា​​នេះ​​មាន​រយៈ​ពេល​១៧​ខែ។

លោក ទុយ វិច្ឆិកា បាន​ប្រាប់​ថា ៖«ការ​សិក្សា​ថ្នាក់​អនុបណ្ឌិត​នេះ​គឺ​​មាន​រយៈ​ពេល​១៧​ខែ​ទើប​ចប់ តែ​បើ​យើង​មិន​អាច​បញ្ចប់រួច​រាល់​​​ក្នុង​រយៈ​ពេល​នេះ គេ​ទុក​​ពេល​ឲ្យ​យើង​៦​ខែ​ទៀត​ ហើយ​​ខ្ញុំ​ទើប​មក​​បាន​៣​ខែ។ ខ្ញុំ​ត្រូវ​បញ្ចប់​នៅ​ខែ​ធ្នូ ឆ្នាំ​២០២៤»។

ទោះ​បី​ជា​យ៉ាង​ណា អតីត​អាជ្ញា​កណ្តាល​បាល់ទាត់​កម្ពុជា​រូប​នេះ​ជួប​បញ្ហា​លំបាក​ច្រើន​ក្នុង​ការ​សិក្សា ពី​ព្រោះ​ខ្វះ​មូលដ្ឋាន​គ្រឹះ​កីឡា​ច្រើន ខណៈ​​ការ​សិក្សា​ជំនាញ​គ្រប់​គ្រង​កីឡា​នៅ​ប្រទេស​កម្ពុជា​ទើប​តែ​មាន​ត្រឹម​ថ្នាក់​បរិញ្ញាបត្រ​ប៉ុណ្ណោះ។

«ការ​​រៀន​នេះ ខ្ញុំ​​ជួប​ការ​លំបាក​ច្រើន ពី​ព្រោះ​ខ្ញុំ​អត់​សូវ​មាន​មូលដ្ឋានគ្រឹះ​​ច្រើន​ទេ អីចឹងត្រូវ​ខំ​ប្រឹង​មែន​ទែន។ ​សាកល​វិទ្យាល័យ​នេះ​តឹង​តែង​ជាង​គេ​នៅ​កូរ៉េ ទាំង​វិន័យ ទាំង​ការ​សិក្សា មុខ​វិជ្ជា​មួយ​ៗ គេ​ឲ្យ​ធ្វើ​មួយ​សប្តាហ៍មួយ​មុខ​វិជ្ជា គេ​ឲ្យ​យើង​ស្រាវជ្រាវ​ផង ធ្វើ​ការ​ងារ​ក្រុម​ផង កិច្ច​ការ​ផ្ទះ​ផ្ទាល់​ខ្លួន​ផង ត្រូវ​​ធ្វើ​បទ​បង្ហាញ​រាល់​សប្តាហ៍​»។ លោក ទុយ វិច្ឆិកា បាន​បញ្ជាក់។

រហូត​​ដល់​ពេល​នេះ លោក​ ទុយ វិច្ឆិកា បាន​ក្លាយ​ជា​ជន​ជាតិ​កម្ពុជា​ទី​៦ ដែល​​ទទួល​បាន​អាហារូបករណ៍​​ថ្នាក់​អនុបណ្ឌិត​គ្រប់​គ្រង​កីឡា​នៅសាកល​វិទ្យាល័យ​ជាតិសេអ៊ូល​​ បន្ទាបពី​មាន​បុគ្គល​៥​រូប​​គឺ​​​លោក វ៉ា វណ្ណៈ លោក​ សំអាត លោក ប៊ុយ សោភ័ណ្ឌ និង កញ្ញា អ៊ុកស៊ីវខេង ​បាន​រៀន​ចប់​ ខណៈ​ លោក ហ៊ឹម ខេមរ៉ា មក​ពី​សហព័ន្ធ​កីឡា​ប៊ូល និងប៉េតង់កម្ពុជា​ត្រូវ​បញ្ចប់​ការ​សិក្សា​នៅ​ចុង​ឆ្នាំ​២០២៣​នេះ។

លោក ទុយ វិច្ឆិកា ជា​អតីត​អាជ្ញាកណ្ដាល​បាល់ទាត់​កម្រិត​អន្តរជាតិ (FIFA) របស់​កម្ពុជា​ដែល​មាន​បទ​ពិសោធ​ច្រើន​​ឆ្នាំ​ក្នុង​ការ​ដឹក​នាំ​ការ​ប្រកួត​លើ​ទី​លាន​​ទាំង​​ថ្នាក់​​ជាតិ និង​អន្តរជាតិ ដូច​ជា​ពាន​រង្វាន់ខេមបូឌានលីគ AFF, AFC Cup, AFC Asian Cup និងជម្រុះ World Cup ជា​ដើម។ ទោះ​បី​ជា​យ៉ាងណា លោក​បាន​ចាក​ចេញ​ពី​សហព័ន្ធ​កីឡា​បាល់ទាត់​កម្ពុជា និង​កំពុងបម្រើ​ការងារ​នៅ​ក្រសួង​អប់រំ យុវជន និង​កីឡា៕

អត្ថបទ៖ វីរបុត្រ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៦ ម៉ោង មុន

តើវិបត្តិនៅសមុទ្រក្រហម បង្កឱ្យមានផលប៉ះពាល់អ្វីខ្លះដល់សហភាពអ៊ឺរ៉ុប?

ព័ត៌មានជាតិ៧ ម៉ោង មុន

លោក ហេង សួរ ដឹកនាំ​កិច្ចប្រជុំ​អន្តរក្រសួង​ស្តីពី​វិធាន​ការរួម​ដើម្បី​ទប់ស្កាត់​អគ្គិភ័យ​ក្នុង​វិស័យ​កម្ម​មន្ត​សាល និង​ឧស្សាហកម្ម​ទេសចរណ៍

ចរាចរណ៍៧ ម៉ោង មុន

ឆ្នាំ២០២៣ ខេត្តកំពង់ចាម មានអ្នកស្លាប់ព្រោះគ្រោះថ្នាក់ចរាចរណ៍ជាង១រយនាក់ និងរបួសជាង២រយនាក់

ព័ត៌មានអន្ដរជាតិ១០ ម៉ោង មុន

ជប៉ុន កាត់ទោសប្រហារជីវិតបុរសម្នាក់ ក្នុងករណីដុតស្ទូឌីយូគំនូរជីវចល KyoAni សម្លាប់មនុស្សជាង ៣០នាក់

ព័ត៌មានអន្ដរជាតិ១១ ម៉ោង មុន

សិង្ហបុរី និងចិន ចុះហេត្ថលេខាព្រមព្រៀង ទៅលើការចូលប្រទេសគ្នាទៅវិញទៅមក ដោយមិនមានទិដ្ឋាការរយៈពេល ៣០ ថ្ងៃ

ព័ត៌មានអន្ដរជាតិ៦ ថ្ងៃ មុន

ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?

ជីវិតកម្សាន្ដ៤ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ចរាចរណ៍៥ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ព័ត៌មានអន្ដរជាតិ៣ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ព័ត៌មានជាតិ៦ ថ្ងៃ មុន

គម្រោង​ទឹកស្អាត​ធំបំផុត​ចាយ​ទុនជាង ១០០ លាន​​ដុល្លារ​នៅ​បាក់ខែង ​គ្រោង​​ចាប់ផ្តើម​សាងសង់​

Sokha Hotels

ព័ត៌មានពេញនិយម