កីឡា
Dani Alves ប្រឈមជាប់ពន្ធនាគារ៩ឆ្នាំពីបទរំលោភសេពសន្ថវៈ
អតីតកីឡាកររបស់ក្លិប Barcelona, PSG, Sevilla និងជម្រើសជាតិប្រេស៊ីល Dani Alves ប្រឈមនឹងការជាប់ពន្ធនាគាររយៈពេល៩ឆ្នាំ បន្ទាប់ពីរូបគេត្រូវបានចោទប្រកាន់ពីបទរំលោភនារីម្នាក់ក្នុងក្លិបរាត្រីនៅទីក្រុង Barcelona។
ឧប្បត្តិហេតុចោទប្រកាន់នេះបានកើតឡើងនៅថ្ងៃទី៣១ ខែធ្នូ ឆ្នាំ២០២២ ខណៈកីឡាកររូបនេះបានជាប់ឃុំតាំងពីថ្ងៃទី២០ ខែមករា ឆ្នាំ២០២៣។
![](https://www.kampucheathmey.com/wp-content/uploads/2024/02/danii-alvez-3.jpg)
ថ្ងៃចន្ទ ទី៥ ខែកុម្ភៈ ការកាត់ទោសពីបទរំលោភរបស់ Dani Alves ជាកីឡាករបាល់ទាត់អាជីពបានលេងឱ្យក្លិបកំពូលៗរួមមាន Barcelona, PSG និងក្រុមជម្រើសជាតិប្រេស៊ីលបានចាប់ផ្តើម។ រូបគេប្រឈមមុខនឹងការកាត់ទោសឱ្យជាប់ពន្ធនាគាររយៈពេល ៩ឆ្នាំ តាមការស្នើសុំរបស់អយ្យការ និងត្រូវសងសំណងចំនួន ១៦២ ០០០ដុល្លារ ដល់ស្ត្រីដែលបានចោទប្រកាន់រូបគេពីបទរំលោភនាងនៅក្នុងក្លិបរាត្រីមួយក្នុងទីក្រុង Barcelona។ ការកាត់ក្តីរំពឹងថានឹងបញ្ចប់នៅថ្ងៃពុធ។
ស្ត្រីម្នាក់បានចោទប្រកាន់រូបគេពីបទរំលោភនាងនៅក្នុងបន្ទប់ទឹករបស់ក្លិបរាត្រីឈ្មោះ Sutton ក្នុងទីក្រុង Barcelona នៅព្រឹកព្រលឹមថ្ងៃទី៣១ ខែធ្នូ ឆ្នាំ២០២២។
ក្នុងសេចក្តីថ្លែងការណ៍ Alves បាននិយាយថា ពួកគេរួមភេទដោយព្រមព្រៀងគ្នា។ ខណៈដំបូងឡើយ គេបានបដិសេធមិនស្គាល់ស្ត្រីរូបនោះ។ យោងតាមការកាត់ទោស Alves ដែលសម្រាកនៅ Barcelona បន្ទាប់ពីលេងឱ្យជម្រើសជាតិប្រេស៊ីលក្នុងព្រឹត្តិការណ៍ World Cup នៅប្រទេសកាតារ បានផ្តល់ស្រាសំប៉ាញដល់នារីវ័យក្មេងរូបនេះ និងមិត្តរបស់នាង។ បន្ទាប់មក Alves ត្រូវបានចោទប្រកាន់ថាបាននាំនាងទៅបន្ទប់តូចមួយនៅក្នុងក្លិបរាត្រីនោះ។
![](https://www.kampucheathmey.com/wp-content/uploads/2024/02/danii-alvez-2.jpg)
ស្ត្រីរូបនោះបានអះអាងថា នាងមិនបានដឹងថាវាជាបង្គន់នោះទេ។ នៅពេលទៅដល់ខាងក្នុងកីឡាកររូបនេះបានប្រើ “ហឹង្សា” និងបង្ខំនាងឱ្យរួមភេទជាមួយគាត់ ប៉ុន្តែនៅពេលនោះ នាងបានជំទាស់។
នៅក្នុងសក្ខីកម្មមួយរបស់ Alves កីឡាករសញ្ជាតិប្រេស៊ីលរូបនេះបានប្រាប់កាសែត La Vanguardia កាលពីខែមិថុនាថា រូបគេបានកុហកដំបូងអំពីការស្គាល់អ្នកចោទប្រកាន់ដោយសារតែខ្លាចប្រពន្ធរបស់ខ្លួនដឹង ប្រសិនបើគេសារភាពពីទំនាក់ទំនងជាមួយនារីផ្សេង។ ដំបូងឡើយ Alves បានបដិសេធពីការស្គាល់នារីម្នាក់នោះ ដោយសារមិនចង់ឱ្យគេដឹងអំពីភាពមិនស្មោះត្រង់របស់ខ្លួន។
អំឡុងពេលកីឡាករប្រេស៊ីលរូបនេះស្ថិតនៅក្នុងពន្ធនាគាររង់ចាំការកាត់ក្តី តុលាការអេស្ប៉ាញបានបដិសេធម្តងហើយម្តងទៀតនូវសំណើសុំដោះលែង Alves។ មូលហេតុចម្បងដែលផ្តល់ដោយចៅក្រមគឺហានិភ័យនៃការរត់គេចខ្លួនទៅប្រេស៊ីល។ ប្រេស៊ីលមិនធ្វើបត្យាប័នសញ្ជាតិរបស់ខ្លួនទេ។
![](https://www.kampucheathmey.com/wp-content/uploads/2024/02/danii-alvez-1.jpg)
Alves គឺជាកីឡាករម្នាក់ក្នុងចំណោមកីឡាករដែលលេងបានច្រើនបំផុតក្នុងពិភពបាល់ទាត់។ គេបានឈ្នះពានរង្វាន់ចំនួន៤២ រួមទាំងពានរង្វាន់ UEFA Champions League ចំនួន៣ដង ជាមួយ Barcelona និងពានរង្វាន់ Copa America ចំនួន ២ដងជាមួយប្រេស៊ីល។ Alves ដែលធ្លាប់លេងជាមួយក្លឹបយក្សអ៊ីតាលី Juventus និង Sevilla កំពុងលេងឱ្យក្លិបម៉ិកស៊ិក Pumas UNAM នៅពេលមានឧប្បត្តិហេតុចោទប្រកាន់៕
ប្រែសម្រួល៖ មន្នីរ័ត្ន
ប្រភព៖ BBC
-
សន្តិសុខសង្គម៧ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
សន្តិសុខសង្គម៧ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៧ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៦ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៧ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+៤ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
សេដ្ឋកិច្ច៣ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
ព័ត៌មានជាតិ២៣ ម៉ោង ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ