អ៊ុយក្រែនស្នើឱ្យ IOC ស៊ើបអង្កេតអត្តពលិករុស្ស៊ីនិងបេឡារុស្ស១៩នាក់

គណៈកម្មាធិការអូឡាំពិកអ៊ុយក្រែន បានផ្ញើលិខិតមួយច្បាប់ទៅ​លោក Thomas Bach ប្រធាន​គណៈកម្មាធិការ​អូឡាំពិក​អន្តរជាតិ (IOC) កាលពីសប្តាហ៍មុន​ដើម្បី​ស្នើឱ្យស៊ើបអង្កេតអាកប្បកិរិយារបស់អត្តពលិករុស្ស៊ី និងបេឡារុស្ស មុនការប្រកួតកីឡាអូឡាំពិក ទីក្រុងប៉ារីស ឆ្នាំ២០២៤។

IOC បានទទួលការព្រមានពីគណៈកម្មាធិការអូឡាំពិកអ៊ុយក្រែន​​ដែល​​បាននិយាយថា អត្តពលិករុស្ស៊ី និងបេឡារុស្សដែលស្វែងរកកៅអី​កីឡាអូឡាំពិក និងការប្រកួត​ក្រោមទង់​អព្យាក្រឹត មិនបានបំពេញតាមលក្ខខណ្ឌ​កំណត់​របស់ IOC ឡើយ។ នៅក្នុង​លិខិត​ផ្ញើទៅលោក​ Thomas Bach ពួកគេបានស្នើសុំឲ្យមានការស៊ើបអង្កេតជុំវិញស្ថានភាព។

កាលពីខែធ្នូ IOC បានផ្តល់ភ្លើងខៀវដល់អត្តពលិករុស្ស៊ី និងបេឡារុស្ស ដើម្បីចូលរួមក្នុងការប្រកួតកីឡាអូឡាំពិក ប៉ារីស ឆ្នាំ២០២៤ ក្នុងនាមជាអត្តពលិកអព្យាក្រឹត។

ពួកគេត្រូវបំពេញលក្ខខណ្ឌមួយចំនួន។ មួយក្នុងចំណោមលក្ខខណ្ឌ​ទាំង​នោះគឺពួកគេមិនគាំទ្រការឈ្លានពានប្រឆាំងនឹងអ៊ុយក្រែន។ អត្តពលិកខ្លះមានលិខិតឆ្លងដែនរួចហើយដើម្បីចូលរួមនៅទីក្រុងប៉ារីស ឆ្នាំ២០២៤ ខណៈអ្នកផ្សេងទៀត​មិន​ទាន់​បាន​ទេ។

លិខិតអ៊ុយក្រែនបានសរសេរថា ៖«ខ្ញុំចង់និយាយទៅកាន់អ្នកម្តងទៀតអំពីបញ្ហានៃការចូលរួមដ៏មានសក្តានុពលរបស់អត្តពលិកអព្យាក្រឹតឯកត្តជនដែលមានលិខិតឆ្លងដែនរុស្សី និងបេឡារុស្ស»។

ព្រឹត្តិការណ៍ជម្រុះដំបូងគឺការប្រកួតចំបាប់ពិភពលោកឆ្នាំ២០២៣។ នៅទីនេះ ការយកចិត្តទុកដាក់កាន់តែច្រើនត្រូវបាន​ធ្វើ​ចំពោះសមាជិកសក្តានុពល​របស់​ក្រុម ANI។ ទោះបីជាអត្តពលិកដែលបានចុះឈ្មោះ​មុនមួយចំនួនមិនត្រូវបានអនុញ្ញាតឱ្យចូលរួមប្រកួតជើងឯកពិភពលោកក៏ដោយ អត្តពលិកភាគច្រើន​មានអារម្មណ៍ថា មិនបានបំពេញតាមតម្រូវការរបស់ IOC ​ដែល​ត្រូវបានអនុញ្ញាតឱ្យចូលរួមប្រកួត។

ជាចុងក្រោយ អ៊ុយក្រែន បានអំពាវនាវដល់ IOC ឱ្យយកចិត្តទុកដាក់ជាពិសេសចំពោះបញ្ហាទាំងនេះ ហើយពិចារណាលើភស្តុតាង និងអង្គហេតុដែលបង្ហាញនៅពេលធ្វើការសម្រេចចិត្តចុងក្រោយស្តីពីការចូលរួមរបស់អត្តពលិករុស្ស៊ី និងបេឡារុស្សនៅក្នុងកីឡាអូឡាំពិកប៉ារីសឆ្នាំ២០២៤៕

ប្រែសម្រួល៖ មន្នីរ័ត្ន
ប្រភព៖ Reuters