Dani Alves ត្រូវបានកាត់ទោសជាប់ពន្ធនាគារ៤ឆ្នាំកន្លះពីបទរំលោភផ្លូវភេទ

អតីតកីឡាករបាល់ទាត់របស់ក្លិប Barcelona និងជម្រើសជាតិប្រេស៊ីល Dani Alves ត្រូវបានរកឃើញមានពិរុទ្ធពីបទបៀតបៀនផ្លូវភេទនារីម្នាក់នៅក្នុងក្លិបរាត្រីនៅទីក្រុង Barcelona ហើយត្រូវបានកាត់ទោសឱ្យជាប់ពន្ធនាគាររយៈពេល៤ឆ្នាំកន្លះ។

ការិយាល័យសារព័ត៌មានរបស់តុលាការបាននិយាយនៅក្នុងសេចក្តីថ្លែងការណ៍មួយកាលពីថ្ងៃព្រហស្បតិ៍ថា តុលាការក្រុង Barcelona ដែលជាកន្លែងសវនាការបានធ្វើឡើងកាលពីដើមខែនេះបាននិយាយថា មានភស្តុតាង​ចំពោះ​ករណីនេះមិនមែនជាការយល់ព្រមនោះ។

សេចក្តីថ្លែងការណ៍បាននិយាយថា ៖«ការកាត់ទោសពិចារណាថា វាត្រូវបានបង្ហាញថាជនរងគ្រោះមិនយល់ព្រមហើយថាមានភស្តុតាងបន្ថែមលើសក្ខីកម្មរបស់ដើមបណ្តឹងដើម្បីពិចារណាលើការរំលោភ»។

Alves វ័យ ៤០ឆ្នាំត្រូវបានចាប់ខ្លួនក្នុងខែមករា ឆ្នាំ២០២៣ បន្ទាប់ពីព្រឹត្តិការណ៍នៅក្លិបរាត្រី Barcelona នៅចុងខែធ្នូ ឆ្នាំ២០២២ ហើយរុបគេត្រូវបានឃុំខ្លួននៅក្នុងពន្ធនាគារបណ្តោះអាសន្នចាប់តាំងពីពេលនោះមក។ លោកបានទទូចក្នុងអំឡុងពេលសវនាការថា ទំនាក់ទំនងផ្លូវភេទគឺជាការព្រមព្រៀង។

នៅក្នុងសេចក្ដីសម្រេចនៃការកាត់ទោសទំហំ​៦១ទំព័រ អង្គ​ចៅក្រម​៣​រូបបានសរសេរថា ពួកគេ “បានពិចារណាលើភស្តុតាង​ពី​ជនជាប់ចោទបានចាប់ដើមបណ្តឹងភ្លាមៗ បោះនាងទៅលើឥដ្ឋ និងរារាំងនាងមិនឱ្យផ្លាស់ទី” ដើម្បីអនុវត្តការរំលោភផ្លូវភេទ។

តុលាការក៏បានបញ្ជាឱ្យ Alves បង់ប្រាក់ ១៦២,៧០០ដុល្លារ ដល់ស្ត្រីរូបនេះជាការខូចខាត។ មេធាវីរបស់ Alves លោក Inés Guardiola បានប្រាប់អ្នកសារព័ត៌មាននៅខាងក្រៅតុលាការថា អតីត​កីឡាករ Barça នឹងប្តឹងឧទ្ធរណ៍ចំពោះសេចក្តីសម្រេចនេះ។

Alves បានឈ្នះពានក្នុងស្រុកក្នុងប្រទេសអេស្ប៉ាញ អ៉ីតាលី និងបារាំង។ គេក៏បានឈ្នះពានរង្វាន់ Champions League ចំនួន​៣ជាមួយ Barcelona ផងដែរ៕

ប្រែសម្រួល៖ មន្នីរ័ត្ន
ប្រភព៖ Reuter