Connect with us

កីឡា

ព្រះខ័នរាជស្វាយរៀងកាន់តែខិតជិតឈ្នះជើងឯកលីគជាលើកទី៣

បានផុស

នៅ

ក្លិប​បាល់ទាត់​ព្រះ​ខ័ន​រាជ​ស្វាយរៀង​​កាន់​តែ​ខិត​ជិត​ទៅ​រក​ការ​គ្រង​ជើង​ឯក​ខេមបូឌានព្រីមៀរលីគ​ជា​លើក​ទី​៣​ក្នុង​ប្រវត្តិ​សាស្ត្រ​របស់​ខ្លួន បន្ទាប់​ពី​កំពុង​ធ្វើ​បាន​ល្អ​នៅ​ក្នុង​រដូវ​កាល​​២០២៣-២៤ ដែល​សល់​ត្រឹមតែ​៥​ប្រកួត​ទៀត​ប៉ុណ្ណោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្រប​ពេល​ការ​ប្រកួត​ជុំទី​៣ នៅ​សល់​២​ប្រកួត​ទៀត​ និង​ជុំ​ទី​៤ (វគ្គ​ Top 4) មាន​៣​ប្រកួត ព្រះ​ខ័ន​រាជ​ស្វាយរៀង​​ដែល​មាន​៦៥​ពិន្ទុ កំពុង​នាំ​មុខ​៧​ពិន្ទុ​ លើ​គូ​ប្រជែង​តែ​មួយ​គត់​គឺ​ភ្នំពេញ​ក្រោន​ដែល​មាន​​៥៨​ពិន្ទុ។ ដូច្នេះ​ព្រះ​ខ័ន​រាជ​ស្វាយរៀង​ត្រូវ​ការ​ឈ្នះ​តែ​៣​ប្រកួត​ទៀត​ប៉ុណ្ណោះ​នឹង​ក្លាយ​ជា​ជើង​ឯក​ដោយ​ស្វ័យ​ប្រវត្តិ។

ក្រៅ​ពី​ភ្នំពេញ​ក្រោន គ្មាន​ក្រុម​ណា​ផ្សេង​​​អាច​ប្រជែង​ជា​មួយ​ព្រះ​ខ័ន​រាជ​ស្វាយរៀង​ឡើយ ពី​ព្រោះ​អស់​ឱកាស​ហើយ​ដូច​ជា វិសាខា បឹងកេត អាយអេសអាយដង្កោសែន​ជ័យ និង​ក្រសួង​ការពារ​ជាតិ​ជា​ដើម។

គិត​ត្រឹម​២៥​សប្តាហ៍ (២៥​ប្រកួត) កន្លង​ទៅ ព្រះ​ខ័ន​រាជ​ស្វាយរៀង ​ទទួល​បាន​ជ័យជម្នះ​២១​លើក ស្មើ​២​លើក និង​ចាញ់​២​លើក រក​បាន​៦៨​ពិន្ទុ កំពុង​ឈរ​លើ​កំពូល​តារាង​ដ៏​រឹង​មាំ។ កំណត់​ត្រា​ដ៏​ល្អ​បំ​ផុត​នៅ​ក្នុង​រដូវ​កាល​នេះ​គឺ​ទទួល​បាន​ជ័យជម្នះ៩​លើក​ជាប់​គ្នា​ក្នុង​ជុំ​ទី​១ ប៉ុន្តែ​ចូល​ជុំ​ទី​២ ​​ពួក​គេ​ហាក់ធ្លាក់​ទម្រង់​លេង​បន្តិច ដោយ​បាន​ចាញ់​២​ដង ស្មើ​២​ដង ខណៈ​ជុំទី​៣ ពួក​គេ​កំពុងធ្វើ​ដំណើរ​​យ៉ាង​ល្អដោយ​មិន​ទាន់​ស្គាល់​បរាជ័យ​ឡើយ។

សម្រាប់​ការ​ប្រកួត​នៅ​សល់​២​លើក​ចុង​ក្រោយ​ក្នុង​ជុំ​ទី​៣ ព្រះ​ខ័ន​រាជ​ស្វាយរៀង ត្រូវ​បើក​ទ្វារ​ផ្ទះ​របស់​ខ្លួន​ទទួល​ក្រុម​ចំណាត់​ថ្នាក់​លេខ​៩ គិរីវង់សុខសែន​ជ័យ នៅ​ថ្ងៃ​សៅរ៍ ទី​៦ ខែមេសា និង​សប្តាហ៍​ចុង​ក្រោយ​ត្រូវ​ធ្វើ​ដំណើរ​មក​ជួប បឹងកេត នៅ​ថ្ងៃ​ទី​​២០ ខែ​មេសា។

លទ្ធផល​២៥​ប្រកួត​របស់​ព្រះ​ខ័ន​រាជ​ស្វាយរៀង

  1. ឈ្នះ ក្រសួង​ការពារ​ជាតិ ០-២
  2. ឈ្នះ ភ្នំពេញ​ក្រោន ២-១
  3. ឈ្នះ ណាហ្គាវើលដ៍ ១-០
  4. ឈ្នះ ISI ដង្កោសែន​ជ័យ ១-២
  5. ឈ្នះ អង្គរថាយហ្គឺរ ៥-២
  6. ឈ្នះ វិសាខា ០-១
  7. ឈ្នះ ព្រៃវែង ៣-៥
  8. ឈ្នះ គិរីវង់សុខសែន​ជ័យ ២-១
  9. ឈ្នះ បឹងកេត ១-៣
  10. ឈ្នះ ក្រសួង​ការពារជាតិ ១-០
  11. ស្មើ ភ្នំពេញ​ក្រោន ០-០
  12. ចាញ់ ណាហ្គាវើលដ៍ ១-០
  13. ចាញ់ ISI ដង្កោសែន​ជ័យ ១-២
  14. ឈ្នះ អង្គរថាយហ្គឺរ ១-៧
  15. ឈ្នះ វិសាខា ៤-៣
  16. ឈ្នះ ព្រៃវែង ២-០
  17. ឈ្នះ គិរីវង់សុខសែនជ័យ ០-៤
  18. ស្មើ បឹងកេត ៣-៣
  19. ឈ្នះ ក្រសួង​ការពារ​ជាតិ ០-១
  20. ឈ្នះ ភ្នំពេញ​ក្រោន ៣-២
  21. ឈ្នះ ណាហ្គាវើលដ៍ ៤-៣
  22. ឈ្នះ ISI ដង្កោសែនជ័យ ២-៤
  23. ឈ្នះ អង្គរថាយហ្គឺរ ៣-០
  24. ឈ្នះ​ វិសាខា ០-៣
  25. ឈ្នះ ព្រៃវែង ០-៣

២​ប្រកួត​នៅ​សល់ក្នុង​ជុំទី​៣

  • ព្រះ​ខ័ន​រាជ​ស្វាយរៀង vs គិរីវង់សុខសែន​ជ័យ ថ្ងៃទី​៦ ខែ​មេសា
  • បឹងកេត vs ព្រះ​ខ័ន​រាជ​ស្វាយរៀង ថ្ងៃ​ទី​២០ មេសា

ក្លិប​ព្រះ​ខ័ន​រាជ​ស្វាយរៀង ធ្លាប់​ឈ្នះ​ជើង​ឯក​លីគ​កំពូល​កម្ពុជា​២​លើក​គឺ​ឆ្នាំ២០១៣ និង​២០១៩ ហើយ​ធ្លាប់​ទទួល​បាន​ជើង​ឯក​រង​​៣​ដង៕

អត្ថបទ៖ វីរបុត្រ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១៤ នាទី មុន

នាយកដ្ឋានបច្ចេកវិទ្យាព័ត៌មាន ត្រួតពិនិត្យវឌ្ឍនភាពគម្រោងអក្ខរកម្មឌីជីថលខ្មែរ

សន្តិសុខសង្គម៣១ នាទី មុន

នគរបាលសម្រេចបញ្ជូនលោក ដែន សូនី ទៅតុលាការ

ព័ត៌មានជាតិ១ ម៉ោង មុន

នាយករដ្ឋមន្ត្រី៖ អភិក្រមទាំង៥របស់សម្ដេចតេជោ ជាសារដាស់តឿនឱ្យមន្ត្រីធ្វើខ្លួនឱ្យសមជាអ្នកបម្រើរាស្ត្រ

សេចក្ដីជូនដំណឹង១ ម៉ោង មុន

សេចក្ដីជូនដំណឹង ស្ដីពីកិច្ចសហការណ៍រវាង CIRD ជាមួយក្រុមហ៊ុន Kosher Climate India Pvt. Ltd. “គម្រោងកែលម្អបច្ចេកទេសផលិតស្រូវ តាមរយៈឥណទានកាបូនសម្រាប់កសិករ”

ព័ត៌មានជាតិ១ ម៉ោង មុន

មន្ត្រីការទូតមួយរូប ត្រូវបានតែងតាំងជានាយកខុទ្ទកាល័យសម្ដេចតេជោ ប្រធានព្រឹទ្ធសភា

Sokha Hotels

ព័ត៌មានពេញនិយម