Connect with us

កីឡា

ព្រះខ័នរាជស្វាយរៀងជាក្លិបជោគជ័យបំផុតក្នុងពានរង្វាន់សម្តេចតេជោ

បានផុស

នៅ

ព្រះ​ខ័ន​រាជ​ស្វាយរៀង​បាន​ឈាន​ដល់​វគ្គ​ផ្តាច់​ព្រ័ត្រ​ពាន​រង្វាន់​សម្តេច​តេជោ ហ៊ុន សែន លើក​ទី​១៧ រដូវ​កាល​២០២៣-២៤ ជួប​ ភ្នំពេញ​ក្រោន ដើម្បី​ដណ្តើម​ជើង​ឯក​នៅ​ថ្ងៃ​ទី​២៨ ខែ​មេសា នៅ​ពហុកីឡដ្ឋាន​ជាតិ​អូឡាំពិក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គិត​ទាំងរដូវ​កាល​នេះ ព្រះ​ខ័ន​រាជ​ស្វាយរៀង​បាន​ឡើង​ដល់​វគ្គ​ផ្តាច់​ព្រ័ត្រ​ចំនួន​​៩​លើក​ហើយ​ដែល​បាន​ក្លាយ​ជា​ក្លិប​បាន​ឡើង​ដល់​វគ្គ​ផ្តាច់​ព្រ័ត្រ​​ច្រើន​ជាង​គេ​បំផុត​ក្នុង​ប្រវត្តិ​សាស្ត្រ​ពាន​រង្វាន់​សម្តេច​តេជោ ហ៊ុន សែន។

សម្រាប់​ការ​ឡើង​ដល់​វគ្គ​ផ្តាច់​ព្រ័ត្រ៨​លើក​កន្លង​មក ព្រះ​ខ័ន​រាជ​ស្វាយរៀង​បាន​ឈ្នះ​ជើង​ឯក​៤​លើក​គឺ​ឆ្នាំ​២០១១ ២០១២ ២០១៥ ២០១៧ និង​ទទួល​បាន​ត្រឹម​ជើងឯក​រង​​៤​លើក​​គឺ​ឆ្នាំ​២០០៨ ២០១៦ ២០១៩ ២០២១។

ក្រុម​ដែល​​ទទួល​បានឈ្នះ​ជើង​ឯក​ពាន​រង្វាន់​សម្តេច​តេជោ ហ៊ុន សែន ផ្សេង​គឺ ក្រសួង​ការពារ​ជាតិ បានឈ្នះ​​ជើង​ឯក​៣លើក វិសាខា​៣លើក ភ្នំពេញ​ក្រោន​២​លើក ខណៈ​ណាហ្គាវើលដ៍ អគ្គស្នងការដ្ឋាន​នគរ​បាល​ជាតិ បឹង​កេត និង​ខេមរាកីឡា បាន​ឈ្នះ​ជើង​ឯក​ម្តង​ដូច​គ្នា។

ភ្នំពេញ​ក្រោន បាន​ឡើង​វគ្គ​ផ្តាច់​ព្រ័ត្រ​ជា​លើក​ទី​៤ និង​ជាលើក​ទី​១​ក្នុង​រយៈ​ពេល​១៤​ឆ្នាំ​ចុង​ក្រោយ​ បន្ទាប់​ពីបាន​ឡើង​ចុង​ក្រោយ​បំផុត​កាល​ពីឆ្នាំ២០១០។

ជា​ពិសេស ព្រះ​ខ័ន​រាជ​ស្វាយរៀង កំពុង​បោះ​ជំហាន​ទៅ​ការ​ឈ្នះ​ជើង​ឯក​ធំ​២​ក្នុង​មួយ​រដូវ​កាល។ ពួក​គេ​កំពុង​ឈាន​មុខ​គេ​ក្នុង​ការ​ឈ្នះ​ជើង​ឯក​លីគ​កំពូល​កម្ពុជា​រដូវ​កាល​នេះ​ដែល​ទទួល​បាន​កៅអី​ចូល​រួម​ប្រកួត​ពាន​រង្វាន់​អាស៊ី​លំដាប់​ទី​៣ និង​ពាន​រង្វាន់ក្លិប​ជើង​ឯក​អាស៊ាន។

ចាំ​មើល​ថា​តើ ព្រះ​ខ័ន​រាជ​ស្វាយរៀង នឹង​ក្លាយ​ជា​ជើង​ឯក​លើក​ទី​៥ ឬ​ ភ្នំពេញ​ក្រោន​ក្លាយ​ជា​ជើងឯកទី​៣ នៅ​ថ្ងៃ​ទី​២៨ ខែ​មេសា ឆ្នាំ​២០២៤ នៅ​ពហុកីឡដ្ឋាន​ជាតិ​អូឡាំពិក ខណៈ​ វិសាខា ត្រូវ​​ប្រកួត​ជា​មួយ បឹងកេត ដើម្បី​ដណ្តើម​ចំណាត់​ថ្នាក់​លេខ​៣៕

អត្ថបទ៖ វីរបុត្រ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សុខភាព២ នាទី មុន

សាកលវិទ្យាល័យសិង្ហបុរី ប្តេជ្ញាបន្តសហការ ក្រសួងសុខាភិបាល លើ ៤ កិច្ចការអាទិភាព

កីឡា២៣ នាទី មុន

យប់មិញ Liverpool ចាញ់ ០-៣ លោក Klopp ចាត់ទុកជាការលេងអន់បំផុត

សេចក្ដីជូនដំណឹង២៨ នាទី មុន

អ្នកឧកញ៉ា ឃុន សៀ និង លោកជំទាវ គោរពជូនពរ សម្ដេចទាំង ៥ ដែលជាអនុប្រធានគណបក្សប្រជាជនកម្ពុជា ក្នុងឱកាសបុណ្យចូលឆ្នាំថ្មីប្រពៃណីជាតិ

សេចក្ដីជូនដំណឹង៣២ នាទី មុន

អ្នកឧកញ៉ា ឃុន សៀ និង លោកជំទាវ គោរពជូនពរ សម្ដេចអគ្គមហាសេនាបតីតេជោ និង សម្ដេចអគ្គមហាពញាចក្រី ក្នុងឱកាសបុណ្យចូលឆ្នាំថ្មីប្រពៃណីជាតិ

សន្តិសុខសង្គម៣៨ នាទី មុន

ស្នងការរាជធានី​ ត្រៀមកម្លាំងជាង២ពាន់នាក់ដើម្បីការពារសន្តិសុខសណ្ដាប់ធ្នាប់ក្នុងឱកាសបុណ្យចូលឆ្នាំ

Sokha Hotels

ព័ត៌មានពេញនិយម