កីឡា

ផ្លូវការ! ព្រះខ័នរាជស្វាយរៀងប៉ះ Young Elephants ជម្រុះជើងឯក AFF Club

បានផុស

៣ សប្តាហ៍ មុន

នៅ

ថ្ងៃព្រហស្បតិ៍ ៩ ឧសភា ២០២៤

ដោយ

ការចាប់ឆ្នោតបានចេញជាផ្លូវការហើយ ក្រុមជើងឯកលីគកំពូលកម្ពុជា ព្រះខ័នរាជស្វាយរៀង ប៉ះក្រុមជើងលីគកំពូលឡាវ Young Elephants ខណៈក្រុមជើងឯកលីគកំពូលមីយ៉ាន់ម៉ា Shan United ប៉ះក្រុមជើងឯកលីគកំពូលព្រុយណេ Kasuka សម្រាប់វគ្គជម្រុះពានរង្វាន់ក្លិបបាល់ទាត់អាស៊ាន ASEAN Club Championship រដូវកាល២០២៣-២។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពានរង្វាន់ ASEAN Club Championship រដូវកាលថ្មីនេះត្រូវបានកំណត់ក្រុមចំនួន១២មកពីតំបន់អាស៊ានចូលរួមប្រកួត។ ក្រុមចំនួន១០ទួលបានកៅអីវគ្គចែកពូលដោយស្វ័យប្រវត្តិគឺ ឥណ្ឌូណេស៊ី មាន២ក្រុម ម៉ាឡេស៊ី មាន២ក្រុម ថៃមាន២ក្រុម វៀតណាមមាន២ក្រុម ហ្វីលីពីន មាន១ក្រុម សិង្ហបុរី មាន១ក្រុម។

ចំណែក២ក្រុមទៀតត្រូវជ្រើសរើសពីការប្រកួតជម្រុះរវាងប្រទេស៤គឺ កម្ពុជាមាន១ក្រុមគឺព្រះខ័នរាជស្វាយរៀង ព្រុយណេមាន១ក្រុមគឺKasuka ឡាវមាន១ក្រុមគឺYoung Elephants និងមីយ៉ាន់ម៉ាមាន១ក្រុមគឺ Shan United។

ការប្រកួតជម្រុះធ្វើពីរជើង ដូច្នេះ ព្រះខ័នរាជស្វាយរៀង ត្រូវធ្វើដំណើរទៅទឹកដីឡាវ សម្រាប់ជើងទី១ ថ្ងៃទី១៧ ខែកក្កដា និងត្រឡប់មកទឹកដីកម្ពុជា ជើងទី២ នៅថ្ងៃទី២៤ ខែកក្កដា ឆ្នាំ២០២៤។

បន្ទាប់ពីចប់វគ្គជម្រុះ ការប្រកួតនឹងបែងចែកជា២ពូល គឺក្នុង១ពូលមាន៦ក្រុមដែលត្រូវប្រកួតសន្សំពិន្ទុ ក្នុងដី និងក្រៅដី។ ក្រុមលេខ១ និងលេខ២នៃពូលនីមួយៗនឹងឡើងទៅកាន់វគ្គពាក់កណ្តាលផ្តាច់ព្រ័ត្រ៕