កីឡា
បារាំងចាប់ខ្លួនជនសង្ស័យម្នាក់ ពីបទប៉ុនប៉ងបង្កគ្រោះថ្នាក់ដល់ការរត់ភ្លើងគប់អូឡាំពិក
រដ្ឋមន្ត្រីក្រសួងមហាផ្ទៃបារាំង លោក Gerald Darminin បានប្រកាសថា ប៉ូលីសកំពុងសាកសួរបុរសម្នាក់ ដោយសារការគម្រាមកំហែងដល់ការរត់ភ្លើងគប់កីឡាអូឡាំពិក ឆ្នាំ២០២៤ នៅពេលឆ្លងកាត់ទីក្រុង Bordeaux កាលពីថ្ងៃព្រហស្បតិ៍។ AFP បានរាយការណ៍ថា អ្នកស៊ើបអង្កេតបានរកឃើញការបង្ហោះដែលសំដៅទៅលើការសម្លាប់រង្គាលឆ្នាំ២០១៤ នៅរដ្ឋកាលីហ្វ័រញ៉ា។
សន្តិសុខមានភាពតឹងតែង និងជាចំណុចមួយនៃការសង្កត់ធ្ងន់សម្រាប់អ្នករៀបចំការប្រកួតកីឡាអូឡាំពិករដូវក្តៅ ដោយសារប៉ូលិសបានយកចិត្តទុកដាក់ក្នុងការទប់ស្កាត់រាល់ការវាយប្រហារដែលអាចកើតមាន។ វាជារឿងគួរឱ្យកត់សម្គាល់បំផុតនៅពេល វាខិតទៅជិតទៅកាន់ទីក្រុងប៉ារីស ជាមួយនឹងរយៈពេលនៅសល់ ៦៣ថ្ងៃទៀត រហូតឈានដល់ថ្ងៃនៃពិធីបើកជាផ្លូវការនៅលើដងទន្លេសែន ដោយស្ថានភាពដែលមានហានិភ័យខ្ពស់ នឹងទាមទារការខិតខំប្រឹងប្រែងអតិបរមា និងការផ្តោតអារម្មណ៍ពីកងកម្លាំងពាក់ព័ន្ធទាំងអស់។
ក្រុមមន្ត្រីបាននិយាយថា ដោយខ្លាចមានការវាយប្រហារកាលពីថ្ងៃព្រហស្បតិ៍ អាជ្ញាធរក្នុងតំបន់បានចាប់ខ្លួនបុរសវ័យ ២៦ឆ្នាំម្នាក់នៅមុនការដង្ហែភ្លើងគប់ នៅទីក្រុង Bordeaux។ លោក Darminin បាននិយាយនៅលើគណនី X ដែលជាអតីតបណ្តាញ Twitter ថា “បុគ្គលម្នាក់ដែលគ្រោងធ្វើអំពើហឹង្សាក្នុងអំឡុងពេលរត់ភ្លើងគប់អូឡាំពិក នៅទីក្រុង Bordeaux ត្រូវបានគេចោទសួរ”។
បុរសដែលត្រូវបានចាប់ខ្លួនកាលពីថ្ងៃអង្គារបានបង្ហាញខ្លួននៅចំពោះមុខចៅក្រមស៊ើបអង្កេតកាលពីថ្ងៃព្រហស្បតិ៍។ ព្រះរាជអាជ្ញាបានស្នើសុំការស៊ើបអង្កេតសម្រាប់ “ការសមគំនិតឧក្រិដ្ឋកម្ម និងយុត្តិកម្មនៃឧក្រិដ្ឋកម្ម”។
ភ្លើងគប់អូឡាំពិកបានឆ្លងកាត់ទីក្រុងភាគនិរតីដែលជាផ្នែកនៃដំណើររត់ទូទាំងប្រទេស នៅមុនព្រឹត្តិការណ៍អូឡាំពិកដែលនឹងបើកនៅថ្ងៃទី២៦ ខែកក្កដា។ ទីក្រុង Bordeaux នឹងរៀបចំការប្រកួតលើប្រភេទកីឡាបាល់ទាត់ ជាច្រើនប្រកួតនៅក្នុងការប្រកួតអូឡាំពិក ខណៈការរត់ភ្លើងគប់ទាំងមូលត្រូវបានហ៊ុំព័ទ្ធដោយសន្តិសុខយ៉ាងតឹងរ៉ឹង ដែលជាបុព្វហេតុនៃក្តីបារម្ភចំពោះអ្នករៀបចំទីក្រុងប៉ារីស ឆ្នាំ២០២៤៕
ប្រែសម្រួល៖ មន្នីរ័ត្ន
ប្រភព៖ Inside The Games
-
ជីវិតកម្សាន្ដ១ សប្តាហ៍ ago
ពិធីករម្នាក់ រងការរិះគន់យ៉ាងចាស់ដៃទង្វើខ្វះសីលធម៌ អង្គុយគងអន្ទាក់ខ្លាពេលសម្ភាសន៍អ្នកនិពន្ធ សុខ ចាន់ផល
-
ជីវិតកម្សាន្ដ២ ថ្ងៃ ago
ពូ ណុយ និង យ៉ែម ស្រីពេជ្រ ត្រៀមចូលរោងការដើមខែក្រោយ
-
ព័ត៌មានជាតិ៦ ថ្ងៃ ago
មន្ត្រីគាំទ្រគម្រោងព្រែកជីកហ្វូណនម្នាក់ ចោទសួរ The Cambodia Daily ហេតុអ្វីផ្សាយព័ត៌មានប្រឆាំងប្រយោជន៍ជាតិ?
-
ព័ត៌មានអន្ដរជាតិ២ ថ្ងៃ ago
មូលហេតុ ៣ ដែលអធិរាជ ឈានឡុង នៃរាជវង្ស Qing បញ្ជាឲ្យកាត់ក្បាលគ្រូទាយល្បីម្នាក់
-
ជីវិតកម្សាន្ដ១ សប្តាហ៍ ago
តារារ៉េប Ricky ScoTt ទម្លាយរឿងនារីម្នាក់ត្រូវ Rappersល្បីឈ្មោះ២រូបបៀតបៀនផ្លូវភេទ
-
ព័ត៌មានអន្ដរជាតិ១ សប្តាហ៍ ago
៥០ ឆ្នាំមកនេះ បុរាណវិទូ ចិន នៅតែឈឺចាប់ ក្រោយកំណាយឃើញទ័ពដីឥដ្ឋអធិរាជ ឈិនស៊ី
-
ព័ត៌មានជាតិ៦ ថ្ងៃ ago
សត្វព្រៃដែលបាត់វត្តមានចាប់ពី ៣០ ឆ្នាំ ទើបប្រកាសថាផុតពូជពីដែនព្រៃធម្មជាតិ
-
ព័ត៌មានជាតិ១១ ម៉ោង ago
Breaking News! ព្រែកជីកហ្វូណនតេជោ នឹងបើកការដ្ឋានសាងសង់ផ្លូវការនៅ ខែសីហា