កីឡា
ភ្នំពេញក្រោន បង្ហាញទម្រង់លេងគួរឲ្យចាប់អារម្មណ៍ ទោះសមាជិកថ្មីច្រើនទើបហាត់ជាមួយគ្នា
ក្លិបបាល់ទាត់ ភ្នំពេញក្រោន បានបង្ហាញទម្រង់លេងគួរឲ្យចាប់អារម្មណ៍នៅពេលប្រកួតជាមួយ ក្លិបបាល់ទាត់ ព្រះខ័នរាជស្វាយរៀង ដណ្តើមពានរង្វាន់បើករដូវកាលថ្មី គ្រុឌខេមបូឌានស៊ុបភើខាប់ យប់ថ្ងៃអាទិត្យ ទី៣ ខែសីហា ឆ្នាំ ២០២៥។
ការប្រកួតនេះ ភ្នំពេញក្រោន បានចាញ់ដោយការទាត់បាល់កាត់សេចក្តី ១១ ម៉ែត្រដោយលទ្ធផល ៣-៥ បន្ទាប់ពីស្មើគ្នា ២-២ សម្រាប់ការប្រកួត ៩០នាទីពេញ។ ការប្រកួតនេះបង្ហាញឲ្យឃើញពីសមត្ថភាពរបស់ភ្នំពេញក្រោននៅតែល្អ បើទោះជាផ្លាស់ប្តូរកីឡាករច្រើននាក់ និងភាគច្រើនជាកីឡាករថ្មីដែលទើបចូលរួមជាមួយគ្នាក្នុងរយៈពេលខ្លី។
តំបន់ការពារ និងប្រយុទ្ធរបស់ភ្នំពេញក្រោន ពិតជាគួរឲ្យចាប់អារម្មណ៍ខ្លាំងមែន។ ខ្សែការពារកូរ៉េខាងត្បូង Park Yi-yong ចាប់ដៃជាមួយមិត្តរួមក្រុមថ្មីគឺកីឡាកររ៉ូម៉ានី Raul Feher និងកីឡាករហូឡង់ Rick Ketting ពិតជាធ្វើឲ្យតំបន់ការពាររឹងមាំខ្លាំង ដោយសារកាយសម្បទាខ្ពស់ធំ និងបទពិសោធធ្លាប់លេងនៅតំបន់អឺរ៉ុប។ ពួកគេបានធ្វើឲ្យខ្សែប្រយុទ្ធរបស់ព្រះខ័នរាជស្វាយរៀង រំដោះខ្លួនស្ទើរតែមិនរួច។
បើនៅតំបន់ប្រយុទ្ធវិញក៏មិនធម្មតាដែរ កីឡាករអ៊ុយក្រែន Maksym Prydum និងកីឡាករនូវែលហ្សេឡង់ Moses Dyer ពិតជាធ្វើឲ្យតំបន់ជួរមុខកាន់តែល្អ។ ជាពិសេសនៅពេលកីឡាករកម្ពជា សារ ទី និងកីឡាករបូឡាវី Makerlo Tellez ត្រូវបានប្តូរចូលធ្វើឲ្យចង្វាក់ប្រយុទ្ធកាន់តែរស់រវើលដែលធ្វើឲ្យពួកគេតាមស្មើ ២-២។ ទាំងនេះច្នៃចេញពីខ្សែបម្រើកណ្តាលមានបទពិសោធច្រើន អន ចាន់ប៉ូលីន និងខ្សែបម្រើវ័យក្មេង ប៉ុង សាំម៉ូអែល។
ភ្នំពេញក្រោន នឹងក្លាយជាដៃគូលំបាកសម្រាប់ក្រុមផ្សេងៗនៅក្នុងលីគកំពូលកម្ពុជារដូវកាលថ្មី។ នៅពេលពួកគេកាន់តែលេង និងកាន់តែយល់ចិត្តគ្នា ពួកគេនឹងកាន់តែល្អ។ ការត្រៀមខ្លួនយ៉ាងល្អទាំងកីឡាករក្នុងស្រុក និងកីឡាករបរទេស ភ្នំពេញក្រោនមិនមែនត្រឹមតែប្រកួតប្រជែងពានរង្វាន់ក្នុងស្រុកនោះទេ ប៉ុន្តែពួកគេត្រូវលេងពានរង្វាន់អន្តរជាតិ។ នៅថ្ងៃទី១២ ខែសីហា ខាងមុខនេះ ពួកគេនឹងប្រកួតជាមួយក្រុម Kasuka នៅប្រទេសព្រុយណេ វគ្គជម្រុះពានរង្វាន់ AFC Challenge League។ ភ្នំពេញក្រោន ត្រូវការឈ្នះដើម្បីបានកៅអីឡើងទៅវគ្គសន្សំពិន្ទុក្នុងពូល៕
អត្ថបទ៖ វីរបុត្រ
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ