កីឡា

ភរិយា សេន ប៊ុនថេន បន់ស្រន់ឲ្យប្រទេសជាតិមានសុខសន្តិភាព និងវិលទៅរកសភាពការណ៍ធម្មតាវិញ

បានផុស

១០ ខែ មុន

នៅ

ថ្ងៃចន្ទ ៤ សីហា ២០២៥

ដោយ

ភរិយាលោក សេន ប៊ុនថេន បន់ស្រន់ឲ្យប្រទេសកម្ពុជាមានសុខសន្តិភាព និងឆាប់វិលទៅរកសភាពការណ៍ជាធម្មតាវិញ ព្រោះម្នាក់ៗសុទ្ធតែនៅមិនសុខថែមទាំងមានការប៉ះពាល់ជាខ្លាំងគ្រប់ៗគ្នា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រូបភាពហ្វេសបុកអ្នកនាង ឃឹម ខាន់សោភ័ណ្ឌ

អ្នកនាង ឃឹម ខាន់សោភ័ណ្ឌ បានឲ្យដឹងថា មិនថាតែអ្នកនាង ក្រុមគ្រួសាង និងអ្នកនិយមចូលចិត្តកីឡាប្រដាល់នោះទេ ពោលប្រជាជនទាំងអស់សុទ្ធតែមានការប៉ះពាល់ និងមានការបារម្ភអំពីស្ថានភាពប្រទេសជាតិ កងទ័ពដែលកំពុងឈរជើងនៅព្រំដែន។

រូបភាពហ្វេសបុកអ្នកនាង ឃឹម ខាន់សោភ័ណ្ឌ

ភរិយាយលោក សេន ប៊ុនថេន រូបនេះបន្ថែមទៀតថា ក្នុងស្ថានភាពនេះអ្នកនាងមានតែបន់ស្រន់ប៉ុណ្ណោះឲ្យឆាប់បញ្ចប់សង្គ្រាម និងឆាប់វិលទៅរកសភាពការណ៍ល្អប្រសើរដូចពីមុនវិញ។ ប្រជាជនកម្ពុជាទាំងអស់សុទ្ធតែមិនចង់ឲ្យមានសង្គ្រាមនោះឡើយ។ សង្គ្រាមធ្វើឲ្យបាត់បង់អាយុជីវិត បាក់បែកខូចខាត ប៉ះពាល់ដល់សេដ្ឋកិច្ច គ្រប់បែបយ៉ាង។ ជាក់ស្ដែងដូចនៅខាងប្រដាល់នេះជាដើមកម្មវិធីអត់ដំណើរការសិស្សអត់បានប្រកួត ម្នាក់ៗបាត់ចំណូលប៉ះពាល់ដល់ការរស់នៅប្រចាំថ្ងៃ។ ម្នាក់ៗត្រូវការចំណាយលើការហូបចុក បង់ថ្លៃជួលក្លឹប ថ្លៃទឹកភ្លើង និងការលក់ដូរថមថយជាដើម។

រូបភាពហ្វេសបុកអ្នកនាង ឃឹម ខាន់សោភ័ណ្ឌ

បញ្ជាក់ដែរថា តាំងពីមានការឈ្លានពានពីសំណាក់ប្រទេសថៃមកលើកម្ពុជា និងមានជាបទឈប់បាញ់កាលពីថ្ងៃទី២៨ ខែកក្កដា ឆ្នាំ២០២៥ មកដល់ពេលនេះក៏ដោយ ប៉ុន្តែស្ថានការណ៍ព្រំដែននៅមិនទាន់អាចវិលត្រឡប់ទៅសភាពដើមវិញនៅឡើយទេ។ តាមស្ថានីយទូរទស្សន៍ដែលមានកម្មវិធីប្រដាល់ជាច្រើនបានផ្អាក២សប្ដាហ៍មកហើយ និងអាចបន្តផ្អាកនៅសប្ដាហ៍នេះទៀត៕