iPhone ដំណើរការមុខងារ ដោះសោទ្វារបន្ទប់សណ្ឋាគារ

នៅក្នុងទូរសព្ទ iPhone ប្រតិបត្តិការ iOS 15 និងនាឡិកាឆ្លាតវៃ Apple Watch ប្រតិបត្តិការ watchOS 8 ដែលចេញលក់កាលពីខែកញ្ញា ឆ្នាំមុន បានបន្ថែមនូវមុខងារ Room Key អាចអនុញ្ញាតឱ្យអ្នកប្រើប្រាស់ ប្រើទូរសព្ទ និងនាឡិការបស់ខ្លួនដោះសោរទ្វារបន្ទប់ ឬច្រកចេញនៅក្នុងសណ្ឋាគារបានយ៉ាងងាយស្រួល។

ខណៈកាលពីខែមុន នាចុងឆ្នាំ២០២១ សណ្ឋាគារ Hyatt នៅសហរដ្ឋអាមេរិក ​បានប្រកាសគាំទ្រ និងសហការជាមួយមុខងារ Room Key តាមរយៈកម្មវិធី Apple Wallet ទៅលើអ្នកប្រើប្រាស់មួយចំនួនតូច ដើម្បីសាកល្បងមុខងារនេះនៅក្នុងសណ្ឋាគាររបស់ខ្លួន។

ក្នុងនោះដែរ ពិធីករទូទស្សន៍អាមេរិក លោក Rich DeMuro បានចូលទៅស្នាក់នៅសណ្ឋាគារ Hyatt Regency Long Beach ដើម្បីសាកល្បងសមត្ថភាពមុខងារ Room Key ហើយលោកក៏បានថតវីដេអូបង្ហាញពីរបៀបប្រើប្រាស់ផងដែរ។

ពិធីកររូបនេះ ប្រាប់ថា មុខងារ Room Key មិនត្រឹមតែអាចប្រើនៅបន្ទប់ប៉ុណ្ណោះទេ វាក៏អាចប្រើដើម្បីដោះសោនៅតាមទីតាំងប្រើរួមគ្ទ្វាដូចជា ទ្វារជណ្តើរយន្ត កន្លែងហាត់ប្រាណ អាងហែលទឹក និងទីតាំងផ្សេងមួយចំនួនទៀតក្នុងសណ្ឋាគារ។

គួរបញ្ជាក់ថា មុខងារថ្មីនេះ មិនទាន់មានដាក់ឱ្យដំណើរការនៅក្នុងប្រទេសផ្សេងនៅឡើយ ​ខណៈកម្ពុជាក៏មិនទាន់អាចប្រើបានដែរ។

ចង់ជ្រាបកាន់តែច្បាស់ ទស្សនាវីដេអូខាងក្រោម!

ប្រែសម្រួល៖ សន្យា

ចុចអាន៖ Gmail បន្ថែមមុខងារថ្មី អាចប្រើដូច​ Telegram និង Messenger ដែរ