ចរាចរណ៍
រថយន្តកុងតឺន័រ ទៅបុករថយន្តដឹកទំនិញធុនធំ ធ្វើឲ្យរេចង្កូតចូលផ្ទះលក់បាយ
គ្រោះថ្នាក់ចរាចរណ៍មួយ ដែលបង្កដោយរថយន្តកុងតឺន័រ បើកបរខ្វះការប្រុងប្រយ័ត្ន មិនប្រកាន់ស្តាំ បានរ៉េចង្កូតទៅបុករថយន្តធុនធំហ៊ីយាន់ដាយ(វេអង) ដឹកទំនិញបណ្តាលឲ្យចូលផ្ទះលក់បាយមួយកន្លែង តែសំណាងល្អ ម្ចាស់ផ្ទះគ្រាន់តែរងរបួសស្រាលប៉ុណ្ណោះ។
ករណីគ្រោះថ្នាក់ចរាចរណ៍បានកើតឡើងកាលពីវេលាម៉ោង ៥:០០នាទីព្រឹក នៅថ្ងៃទី២៦ ខែឧសភា ឆ្នាំ២០២១ នៅលើផ្លូវជាតិលេខ១ ចន្លោះគីឡូម៉ែត្រ 104.105 ស្ថិតក្នុងភូមិធ្លក ឃុំក្រោលគោ ស្រុកស្វាយជ្រំ ខេត្តស្វាយរៀង។
យោងតាមសមត្ថកិច្ចបានឲ្យដឹងថា នៅមុនពេលកើតហេតុគេឃើញរថយន្តកុងតឺន័រ១គ្រឿង ពណ៌ខៀវ ពាក់ស្លាកលេខភ្នំពេញ 3E -5705 ធ្វើដំណើរពីទិសដៅពីកើតទៅលិចយ៉ាងលឿន លុះមកដល់ចំណុចកើតហេតុខាងលើ ក៏រេចង្កូចមកខាងស្តាំបុករថយន្តធុនធំ ហ៊ីយាន់ដាយ (វេអង) ពណ៌ស ពាក់ស្លាកលេខ ភ្នំពេញ 3A-7439 ធ្វើដំណើរពីទិសដៅពីលិចទៅកើតបញ្ច្រាសទិសគ្នា បណ្តាលឲ្យរថយន្តវេអងរេចង្កូតចូលផ្ទះលក់បាយមួយកន្លែង ខ្ទេចអីវ៉ាន់លក់ដូរ តែសំណាងល្អមិនបង្កគ្រោះដល់ជីវិតនោះទេ គ្រាន់តែម្ចាស់ផ្ទះលក់បាយរងរបួសស្រាលប៉ុណ្ណេះ ហើយរថយន្តកុងតឺន័រមិនទាន់អស់ល្បឿនបន្តទៅបុកតូបលក់ដូរគេទុកចោលមួយទៀត ទើបរថយន្តអស់ល្បឿនទៅមុខលែងរួច។
សមត្ថកិច្ចបន្តទៀតថា ជនរងគ្រោះមានឈ្មោះ អន សីយុន នៅភូមិឃុំកើតហេតុខាងលើ រីឯអ្នកបើកបររថយន្តទាំង២ក្រោយពីបង្កហេតុរួចបានចុះពីរថយន្តរត់គេចខ្លួនបាត់ស្រមោលឈឹង បន្សល់ទុករថយន្តនៅកន្លែងកើតហេតុហើយសមត្ថកិច្ចយករថយន្តមករក្សាទុកដើម្បីរង់ចាំដោះស្រាយគ្នាពេលក្រោយ៕
អត្ថបទ៖ ភក្ដី
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង