ចរាចរណ៍

ជិះម៉ូតូចុះពីស្ពានកាច់ចង្កូតមិនទាន់បុកខឿនផ្លូវដួលបោកក្បាលស្លាប់ម្នាក់របួសធ្ងន់ម្នាក់

បានផុស

៥ years មុន

នៅ

ថ្ងៃសៅរ៍ ១០ កក្កដា ២០២១

ដោយ

យុវជនម្នាក់បោកក្បាលស្លាប់នៅនឹងកន្លែងយ៉ាងអាណោចអាធ័ម និងម្នាក់ទៀតរងរបួសធ្ងន់ត្រូវបានបញ្ជូន ទៅសង្គ្រោះនៅមន្ទីរពេទ្យភ្លាមៗ បន្ទាប់ពីពួកគេជិះម៉ូតូមួយគ្រឿងឌុបគ្នាចុះពីលើស្ពានព្រះមុនីវង្សចាស់ ក្នុងល្បឿនលឿនជ្រុលចង្កូតទៅបុកខឿនស្ពានអាកាសក្បាលថ្នល់ កាលពីវេលាម៉ោង១១និង៣០ នាទីយប់ថ្ងៃទី០៩ ខែកក្កដាឆ្នាំ២០២១ នៅចំណុចក្រោមស្ពានអាកាសក្បាលថ្នល់ ក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ។

សពជនរងគ្រោះនិងអ្នករបួសមិនស្គាល់អត្តសញ្ញាណនោះទេ ដោយជិះម៉ូតូម៉ាកហុងដាវ៉េវពណ៌ខ្មៅមួយ គ្រឿងពាក់ស្លាកលេខ តាកែវ1X-9261។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមប្រភពព័ត៌មានពីកន្លែងកើតហេតុបានឱ្យដឹងថា មុនកើតហេតុគេឃើញយុវជនពីរនាក់ជិះម៉ូតូឌុបគ្នាធ្វើដំណើរចុះពីលើស្ពានព្រះមុនីវង្សចាស់(ហៅស្ពានច្បារអំពៅ)ក្នុងទិសដៅពីកើតទៅលិច ក្នុងល្បឿនលឿន លុះមកដល់ចំណុចកើតហេតុខាងលើ បានបត់ស្ដាំដៃមកផ្លូវព្រះនរោត្តម កាច់ចង្កូតមិនទាន់ជ្រុលទៅបុកខឿនស្ពានអាកាសក្បាលថ្នល់ ដួលបោកក្បាលទៅនឹងថ្នល់ ស្លាប់ម្នាក់ ចំណែកម្នាក់ទៀតរងរបួសធ្ងន់ ត្រូវបានរថយន្តសង្គ្រោះបន្ទាន់ដឹកយកទៅសង្គ្រោះនៅឯមន្ទីរពេទ្យភ្លាមៗ។

ក្រោយកើតហេតុសមត្ថកិច្ចមូលដ្ឋានបានចុះមកដល់ ទំនាក់ទំនងទៅសមត្ថកិច្ចជំនាញចុះមកធ្វើការវាស់វែងរួចយកម៉ូតូទៅរក្សាទុកបណ្ដោះអាសន្ន រង់ចាំប្រគល់ជូនសាច់ញាតិវិញ។ ដោយឡែកសពជនរងគ្រោះសមត្ថកិច្ចធ្វើកំណត់ហេតុទំនាក់ទំនងរកសាច់ញាតិមកទទួលយកទៅធ្វើបុណ្យតាមប្រពៃណី៕

អត្ថបទ ៖ សុខា

Related Topics:គ្រោះថ្នាក់ចរាចរណ៍

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា