ចរាចរណ៍
ស្ត្រីម្នាក់ ស្លាប់នៅនឹងកន្លែង ខណៈរថយន្ត FUSO បុករះនៅស្ដុប
ស្ត្រីម្នាក់ជាអ្នកលក់ខ្យង និងក្ដាមប្រៃ បានស្លាប់ភ្លាមៗនៅនឹងកន្លែងកើតហេតុ ខណៈជិះម៉ូតូចេញពីលក់ដូរ ហើយត្រូវរថយន្ត FUSO បុករះម៉ូតូ និងរថយន្ត ២ គ្រឿងផ្សេងទៀតពីក្រោយកំពុងឈប់ស្តុប កាលពីវេលាម៉ោង ១៤ និង ២០ នាទីរសៀល កាលពីថ្ងៃទី ២៥ ខែកុម្ភៈ ឆ្នាំ ២០២២ នៅចំណុចស្តុបផ្លូវ ៥០ ម៉ែត្រ កែងនិងផ្លូវ ៦០ ម៉ែត្រ ក្នុងសង្កាត់ព្រែកហូរ ក្រុងតាខ្មៅ ខេត្តកណ្តាល ។
សមត្ថកិច្ចប្រាប់ឲ្យដឹងថា សពស្ត្រីរងគ្រោះឈ្មោះ វ៉ាន់ នីការ អាយុជាង ៣០ ឆ្នាំ មុខរបបលក់ដូរនៅផ្សារតាខ្មៅ រស់នៅស្រុកបាទី ខេត្តតាកែវ។ តាមប្រភពព័ត៌មានពីកន្លែងកើតហេតុបានឲ្យដឹងថា មុនកើតហេតុនោះគឺ មានរថយន្តមួយគ្រឿង ម៉ាក ISUZU ពណ៌ស ពាក់ស្លាកលេខភ្នំពេញ 2AO-8139 ម៉ូតូមួយគ្រឿង ម៉ាកហុងដាសេ ១២៥ ពណ៌ខ្មៅ ពាក់ស្លាកលេខ កណ្ដាល1AG-1067 និងរថយន្ត តូរីស មួយគ្រឿងទៀតពណ៌ស ពាក់ស្លាកលេខ ភ្នំពេញ 2P-0069 បានបើកមកឈប់ស្តុបភ្លើងពណ៌ក្រហម បន្តកន្ទុយគ្នា ត្រង់ចំណុចកើតហេតុ។ ខណៈពេលនោះ ក៏មានរថយន្តបង្កម៉ាក FUSO ធុនធំ ពណ៌ក្រហម ពាក់ស្លាកលេខ ព្រះសីហនុ 3A-7070 បើកបរដោយបុរសម្នាក់ធ្វើដំណើរតាមបណ្ដោយផ្លូវ៥០ម៉ែត្រ ទិសដៅពីកើតទៅលិចក្នុងល្បឿនលឿន មិនប្រយ័ត្ន និងមិនមើលខាងមុខគេកំពុងឈប់ស្តុប ក៏បានបុករះពីក្រោយ បណ្ដាលឲ្យស្ត្រីម្នាក់ជាអ្នកលក់ខ្យង និងក្ដាមប្រៃ ស្លាប់ភ្លាមៗនៅនិងកន្លែង កើតហេតុដោយឡែករថយន្ត ៣ គ្រឿងទាំងរថយន្តបង្ក និងម៉ូតូមួយគ្រឿងទៀតរងការខូចខាតផងដែរ។ ក្រោយពេលកើតហេតុភ្លាមៗ ដោយឃើញសភាពការបែបនេះ តៃកុងរថយន្តបង្កបានចុះគេចខ្លួនបាត់ស្រមោល។
ប្រភពព័ត៌មានប្រាប់បន្តថា នៅក្នុងហេតុការណ៍នេះសមត្ថកិច្ចមូលដ្ឋានសហការជាមួយផ្នែកជំនាញចរាចរណ៍ក្រុងតាខ្មៅ ចុះមកធ្វើការវាស់វែងនាំយករថយន្ត និងម៉ូតូដែលជាវត្ថុតាងទៅរក្សាទុក ដើម្បីរង់ចាំដោះស្រាយនាពេលក្រោយ។ ដោយឡែកសពស្ត្រីរងគ្រោះ ត្រូវសមត្ថកិច្ចធ្វើកំណត់ហេតុប្រគល់ឲ្យសាច់ញាតិក្រុមគ្រួសារដឹកយកទៅធ្វើបុណ្យតាមប្រពៃណី នៅឯស្រុកកំណើត៕
អត្ថបទ៖ រ៉ាវុទ្ធ
-
ព័ត៌មានជាតិ៤ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៧ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
កីឡា១ សប្តាហ៍ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៦ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ២ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៣ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ