ចរាចរណ៍
រថយន្តដឹកខ្សាច់ធុនធំ បើកបុកនឹងកិនម៉ូតូមួយគ្រឿង បណ្ដាលឲ្យនារីម្នាក់រងរបួសធ្ងន់
ភ្នំពេញ ៖ នារីម្នាក់ជិះម៉ូតូលើដងផ្លូវ ខណៈមេឃកំពុងភ្លៀងខ្លាំង ស្រាប់តែមានរថយន្តដឹកខ្សាច់ធន់ធំ មួយគ្រឿងបានបើកមកបុករួចកិនបណ្ដាលឲ្យរងរបួសធ្ងន់ធ្ងរ កាលពីវេលាម៉ោង៨យប់ ថ្ងៃទី២១ ខែមីនា ឆ្នាំ២០២២ ស្ថិតនៅចំណុចស្ទុបវត្តចាក់អង្រែក្រោម តាមបណ្ដោយផ្លូវជាតិលេខ២ ក្នុងសង្កាត់ចាក់អង្រែលើ ខណ្ឌមានជ័យ រាជធានីភ្នំពេញ។
តាមប្រភពព័ត៌មានពីកន្លែងកើតហេតុបានឲ្យដឹងថា នៅពេលកើតហេតុ គេបានឃើញនារីម្នាក់ជិះម៉ូតូម៉ាក Nex ពណ៌ស ពាក់ស្លាកលេខ ភ្នំពេញ 1HD-1500 ធ្វើដំណើរតាមបណ្តោយផ្លូវជាតិលេខ២ ទាំងមេឃកំពុងធ្លាក់ភ្លៀងក្នុងទិសដៅពីជើងទៅត្បូងឆ្លងស្តុបភ្លាមនោះ ស្រាប់តែមានរថយន្តធន់ធំ ម៉ាក DONGFENG ពណ៌ស ពាក់ស្លាកលេខ ភ្នំពេញ 3E-5725 បើកបរដោយបុរសម្នាក់ធ្វើដំណើរចេញពីផ្លូវបេតុង ទិសដៅពីលិចមកកើត បំណងឆ្លងស្ទុបបត់ស្ដាំទៅផ្លូវជាតិលេខ២ រួចក៏បុកម៉ូតូ និងកិនអូសជិត១០ម៉ែត្រ រងការខូចខាតយ៉ាងដំណំ បណ្ដាលឲ្យនារីម្នាក់ជាម្ចាស់ម៉ូតូរងរបួសធ្ងន់ធ្ងរផងដែរ។
ក្រោយកើតហេតុភ្លាមៗ តៃកុងរថយន្តបង្កបានចុះទៅឡើងរថយន្តផ្សេងទៀតរហូតទៅដល់ការដ្ឋានបូមខ្សាច់មួយកន្លែងជាប់ផ្លូវជាតិលេខ២ ក្នុងសង្កាត់ចាក់អង្រែ លើ ខណ្ឌមានជ័យ តែត្រូវសមត្ថកិច្ចមូលដ្ឋានចុះឃាត់ខ្លួនយកមកអធិការដ្ឋាននគរបាលខណ្ឌមានជ័យ ដើម្បីដោះស្រាយតាមច្បាប់។
ចំណែកនារីរងគ្រោះ ភ្លាមៗក៏ត្រូវបានរថយន្តសង្គ្រោះដឹកទៅសង្គ្រោះ។ ដោយឡែករថយន្តនិងម៉ូតូខាងលើ ត្រូវបានសមត្ថកិច្ចជំនាញ ធ្វើការវាស់វែងយកទៅរក្សាទុកនៅការិយាល័យចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ រង់ចាំធ្វើការដោះស្រាយតាមនីតិវិធី។
យើងសង្កេតឃើញថា នៅតាមបណ្តោយផ្លូវជាតិលេខ២និងផ្លូវ៦០ម៉ែត្រក្នុងមូលដ្ឋានខណ្ឌមានជ័យប្រភេទរថយន្តធុនធំដឹកដី ដឹកខ្សាច់ជាច្រើនតែងតែបង្កគ្រោះថ្នាក់ចរាចរណ៍ជាញឹកញាប់មិនត្រឹមតែប៉ុណ្ណោះធ្វើឲ្យប៉ះពាល់ដល់បរិស្ថានផងដែរ ដូចនេះស្នើដល់អាជ្ញាធរមានសមត្ថកិច្ចមេត្តាមានវិធានការចំពោះក្រុមរថយន្តទាំងនោះផង៕
ដោយ ៖ សុខា
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង