ចរាចរណ៍

រថយន្តដឹកខ្សាច់ធុនធំ បើកបុកនឹងកិនម៉ូតូមួយគ្រឿង បណ្ដាលឲ្យនារីម្នាក់រងរបួសធ្ងន់

បានផុស

៣ years មុន

នៅ

ថ្ងៃចន្ទ ២១ មីនា ២០២២

ដោយ

ភ្នំពេញ ៖ នារីម្នាក់ជិះម៉ូតូលើដងផ្លូវ ខណៈមេឃកំពុងភ្លៀងខ្លាំង ស្រាប់តែមានរថយន្តដឹកខ្សាច់ធន់ធំ មួយគ្រឿងបានបើកមកបុករួចកិនបណ្ដាលឲ្យរងរបួសធ្ងន់ធ្ងរ កាលពីវេលាម៉ោង៨យប់ ថ្ងៃទី២១ ខែមីនា ឆ្នាំ២០២២ ស្ថិតនៅចំណុចស្ទុបវត្តចាក់អង្រែក្រោម តាមបណ្ដោយផ្លូវជាតិលេខ២ ក្នុងសង្កាត់ចាក់អង្រែលើ ខណ្ឌមានជ័យ រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមប្រភពព័ត៌មានពីកន្លែងកើតហេតុបានឲ្យដឹងថា នៅពេលកើតហេតុ គេបានឃើញនារីម្នាក់ជិះម៉ូតូម៉ាក Nex ពណ៌ស ពាក់ស្លាកលេខ ភ្នំពេញ 1HD-1500 ធ្វើដំណើរតាមបណ្តោយផ្លូវជាតិលេខ២ ទាំងមេឃកំពុងធ្លាក់ភ្លៀងក្នុងទិសដៅពីជើងទៅត្បូងឆ្លងស្តុបភ្លាមនោះ ស្រាប់តែមានរថយន្តធន់ធំ ម៉ាក DONGFENG ពណ៌ស ពាក់ស្លាកលេខ ភ្នំពេញ 3E-5725 បើកបរដោយបុរសម្នាក់ធ្វើដំណើរចេញពីផ្លូវបេតុង ទិសដៅពីលិចមកកើត បំណងឆ្លងស្ទុបបត់ស្ដាំទៅផ្លូវជាតិលេខ២ រួចក៏បុកម៉ូតូ និងកិនអូសជិត១០ម៉ែត្រ រងការខូចខាតយ៉ាងដំណំ បណ្ដាលឲ្យនារីម្នាក់ជាម្ចាស់ម៉ូតូរងរបួសធ្ងន់ធ្ងរផងដែរ។

ក្រោយកើតហេតុភ្លាមៗ តៃកុងរថយន្តបង្កបានចុះទៅឡើងរថយន្តផ្សេងទៀតរហូតទៅដល់ការដ្ឋានបូមខ្សាច់មួយកន្លែងជាប់ផ្លូវជាតិលេខ២ ក្នុងសង្កាត់ចាក់អង្រែ លើ ខណ្ឌមានជ័យ តែត្រូវសមត្ថកិច្ចមូលដ្ឋានចុះឃាត់ខ្លួនយកមកអធិការដ្ឋាននគរបាលខណ្ឌមានជ័យ ដើម្បីដោះស្រាយតាមច្បាប់។

ចំណែកនារីរងគ្រោះ ភ្លាមៗក៏ត្រូវបានរថយន្តសង្គ្រោះដឹកទៅសង្គ្រោះ។ ដោយឡែករថយន្តនិងម៉ូតូខាងលើ ត្រូវបានសមត្ថកិច្ចជំនាញ ធ្វើការវាស់វែងយកទៅរក្សាទុកនៅការិយាល័យចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ រង់ចាំធ្វើការដោះស្រាយតាមនីតិវិធី។

យើងសង្កេតឃើញថា នៅតាមបណ្តោយផ្លូវជាតិលេខ២និងផ្លូវ៦០ម៉ែត្រក្នុងមូលដ្ឋានខណ្ឌមានជ័យប្រភេទរថយន្តធុនធំដឹកដី ដឹកខ្សាច់ជាច្រើនតែងតែបង្កគ្រោះថ្នាក់ចរាចរណ៍ជាញឹកញាប់មិនត្រឹមតែប៉ុណ្ណោះធ្វើឲ្យប៉ះពាល់ដល់បរិស្ថានផងដែរ ដូចនេះស្នើដល់អាជ្ញាធរមានសមត្ថកិច្ចមេត្តាមានវិធានការចំពោះក្រុមរថយន្តទាំងនោះផង៕

ដោយ ៖ សុខា