Connect with us

ចរាចរណ៍

រថភ្លេីងបុករថយន្ដអូសជាង៥០ម៉ែត្របណ្តាលឲ្យព្រះសង្ឃ៣អង្គរងរបួសធ្ងន់

បានផុស

នៅ

ព្រះសង្ឃ៣អង្គបានរងរបួសធ្ងន់​ ចំណែក១អង្គទៀតរួមទាំងកូនសិស្សម្នាក់រងរបួសស្រាលក្រោយពីជួបគ្រោះថ្នាក់រថភ្លេីង​បេីកបុករថយន្តឡិចស៊ីសLX470 អូសជាង៥០ម៉ែត្រកាលពី១១និង៥០នាទីយប់ថ្ងៃទី៩ ខែវិច្ឆិកា ឆ្នាំ២០២២ ស្ថិតនៅក្នុងភូមិទួលលៀប សង្កាត់ស្នោរ ខណ្ឌកំបូល រាជធានីភ្នំពេញ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមប្រភពព័ត៌មានពីកន្លែងកេីតហេតុបានឲ្យដឹងថា មុនពេលកេីតហេតុគេបានឃេីញរថយន្តម៉ាកឡិចស៊ីLX 470 ពណ៌ទឹកប្រាក់ ពាក់ស្លាកលេខភ្នំពេញ2L 4981 ធ្វេីដំណេីរតាមបណ្តោយផ្លូវបេតុងក្នុងទិសដៅពីកេីតទៅលិច ខណៈមកដល់ចំណុចកេីតហេតុឆ្លងផ្លូវរថភ្លេីងស្រាប់តែមានរថភ្លេីងមួយខ្សែឆ្លងកាត់មកជ្រុលបុកអូសជាង៥០ម៉ែត្របណ្តាលឲ្យរថយន្តរងការខូចខាត ចំណែកព្រះសង្ឃ៣អង្គរងរបួសធ្ងន់ និងកូនសិស្សជាអ្នកបេីករថយន្តរងរបួស្រាល ។

ក្រោយកេីតហេតុព្រះសង្ឃដែលរងរបួសត្រូវបានរថយន្តឯកជនមកដឹកយកទៅមន្ទីរពេទ្យភ្លាមៗ ចំណែករថភ្លេីងក៏បន្តដំណេីរ​ទៅមុខទៀត ចំពោះរថយន្តត្រូវបានសមត្ថកិច្ចយកទៅរក្សាទុកជាបណ្តោះអាសន្ន៕

អត្ថបទ៖ សុខា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម