បឋម៖ រថយន្ដពីរគ្រឿងបុកគ្នានៅចំណោតយា​យ​ម៉ៅពេជ្រនិលស្លាប់ និងរបួសច្រើននាក់

នៅមុននេះបន្តិចនារសៀលថ្ងៃទី១០ ខែតុលា ឆ្នាំ២០២៣នេះ មានករណីគ្រោះថ្នាក់ចរាចរណ៍មួយរវាងរថយន្ដសណ្ដោងស៊ឺមីរ៉ឺម៉​ក​ដឹកថ្មខ្សាច់ បុកជាមួយ​សាំយ៉ុង​១៥​កៅអី បណ្ដាលឲ្យមានអ្នករងរបួស និងស្លាប់ច្រើននាក់ ខណៈសមត្ថកិច្ច​នគរបាល​កំពុង​ចុះអន្ដរាគមន៍​។

យោងតាមរបាយការណ៍របស់ស្នងការដ្ឋាននគរបាលខេត្តកំពង់ស្ពឺ បានឲ្យដឹងថា ​ករណីនេះបានកើតឡើងនៅផ្លូវជាតិ​លេខ៤ ចំណុចគីឡូម៉ែត្រ​លេខ១០៣-១០៤​ ស្ថិតនៅភូមិ​ទី៦​ ឃុំយា​យម៉ៅ​ពេជ្រ​និល​ ស្រុក​ភ្នំស្រួច​ ខេត្ដកំពង់ស្ពឺ​។ បើតាមស្នងការខេត្តកំពង់ស្ពឺ ករណីនេះបណ្ដាលឱ្យមានអ្នក​រងរបួស និងស្លាប់​ តែនៅមិនទាន់បញ្ជាក់ពីតួលេខនៅឡើយទេ។

តាមសេចក្ដីរាយការ​ណ៍ពី​សមត្ថកិច្ច​នគរបាល​ថា​ រថ​យន្ដ​សណ្ដោងសឺម៉ឺរឺម៉​ក​ ក្នុងទិសដៅពី​ខេត្ដ​ព្រះសីហនុ​ មករាជធានី​ ភ្នំពេញ ​រថយន្ត​សាំយ៉ុង​ ក្នុងទិសដៅពី​ភ្នំពេញ​ ឆ្ពោះ​ទៅ​ខេត្ត​ព្រះសីហនុ​។ សមត្ថកិច្ច​នគរបាល​កំពុង​ចុះអន្ដរាគមន៍​ សម្របសម្រួល​សណ្ដាប់ធ្នាប់​ចរាចរណ៍​នៅទីតាំង​កើតហេតុ​៕