Connect with us

ចរាចរណ៍

១សប្តាហ៍នេះ សមត្ថកិច្ចខេត្តកោះកុង រកឃើញ​យានយន្តល្មើសចរាចរណ៍ ៦៩គ្រឿង

បានផុស

នៅ

ស្នងការដ្ឋាននគរបាលខេត្តកោះកុង បង្ហាញលទ្ធផលនៃការអនុវត្តរឹតបន្តឹងច្បាប់ចរាចរណ៍ពេលយប់ រយៈពេល ១​សប្តាហ៍​ថា​ រកឃើញយានយន្តល្មើសចំនួន ៦៩គ្រឿង ក្នុងចំណោមយានយន្តសរុប ៩៥៦គ្រឿង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកឧត្តមសេនីយ៍ត្រី កៅ ប៊ុនគីម ស្នងការរងនគរបាលខេត្តកោះកុង ទទួលបន្ទុកចរាចរណ៍សណ្តាប់ធ្នាប់ បានឱ្យកម្ពុជាថ្មី ដឹងនៅថ្ងៃទី ១៣ ខែកុម្ភៈ ឆ្នាំ ២០២៤នេះថា ក្នុងចំណោមយានយន្តសរុបចំនួន ៩៥៦គ្រឿង ដែលបានត្រួតពិនិត្យ គឺមានម្ចាស់ និងយានយន្តចំនួន ៦៩គ្រឿង ហើយបានល្មើសច្បាប់ចរាចរណ៍។

លោកស្នងការរងនគរបាលខេត្តកោះកុង បន្ថែមថា ម្ចាស់ និងយានយន្ត ៦៩គ្រឿងដែលល្មើសច្បាប់ចរាចរណ៍ផ្លូវគោក រួមមាន បើកបរក្នុងស្ថានភាពស្រវឹងចំនួន ២៤ករណី យានយន្តខុសលក្ខណៈបច្ចេកទេសចំនួន ១៥គ្រឿង ម្ចាស់យានយន្តគ្មានបណ្ណបើកបរចំនួន ៨នាក់ និងរកឃើញអ្នកសេពគ្រឿងញៀនចំនួន ១២នាក់។

ការរកឃើញបទល្មើសគ្រឿងញៀន គឺទើបតែរកឃើញកាលពីថ្ងៃយប់ថ្ងៃទី ១១ និងថ្ងៃទី ១២ ខែកុម្ភៈ ប៉ុណ្ណោះ ធៀបនឹងការផ្តើអនុវត្តកាលពីថ្ងៃទី ៧ ខែកុម្ភៈ កន្លងមក។ បទល្មើសខ្លះគ្រាន់តែធ្វើកិច្ចសន្យាអប់រំណែនាំ និងបទល្មើសខ្លះផាកពិន័យ ព្រមទាំងកសាងសំណុំរឿងបញ្ចូនទៅតុលាការ។

កន្លងទៅថ្មីៗនេះ លោកឧត្តមសេនីយ៍ទោ គង់ មនោ ស្នងការនគរបាលខេត្តកោះកុង ធ្លាប់អះអាងថា ការពង្រាយកងកម្លាំងការិយាល័យជំនាញ និងកម្លាំងបណ្តាអធិការនគរបាលក្រុងស្រុកទាំង ៧ ចុះប្រតិបត្តិការរឹតបន្តឹងការអនុវត្តច្បាប់ចរាចរណ៍ផ្លូវគោក ពិនិត្យជាតិអាល់កុល និងអាវុធជាតិផ្ទុះ ក្នុងគោលបំណងដើម្បីកាត់បន្ថយអត្រាគ្រោះថ្នាក់ចរាចរណ៍ចំពោះអ្នកបើកបរ និងអ្នកប្រើប្រាស់ផ្លូវតាមដងផ្លូវសាធារណៈ៕

អត្តបទ៖ សិរីវឌ្ឍនៈ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម