ព័ត៌មានអន្ដរជាតិ

នយោបាយថៃនឹងឡើងកម្តៅខ្លាំង ក្រោយអានុទីន វិលចូលប្រទេសវិញ

បានផុស

៧ ខែ មុន

នៅ

ថ្ងៃអង្គារ ២៨ តុលា ២០២៥

ដោយ

ស្ថានភាពនយោបាយរបស់ប្រទេសថៃទំនងកើនឡើងកម្តៅខ្លាំង ក្រោយការវិលត្រឡប់ចូលប្រទេសវិញរបស់នាយករដ្ឋមន្ត្រីថៃ លោក អានុទីន ឆានវីរៈគុល (Anutin Charnvirakul) ដែលបានធ្វើដំណើរទៅកាន់ប្រទេសម៉ាឡេស៊ីដើម្បីចូលរួមកិច្ចប្រជុំកំពូលអាស៊ានលើកទី៤៧ និងកិច្ចប្រជុំពាក់ព័ន្ធនានា។

លោក អានុទីន ពេលចូលរួមប្រជុំកំពូលអាស៊ាននៅម៉ាឡេស៊ី។ Reuters

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងដំណើរទៅចូលរួមប្រជុំនេះ នាយករដ្ឋមន្ត្រីថៃ លោក អានុទីន បានចុះហត្ថលេខាលើឯកសារកិច្ចព្រមព្រៀងសន្តិភាពដ៏សំខាន់មួយជាមួយកម្ពុជា និង ការចុះហត្ថលេខាលើឯកសារធ្វើអាជីវកម្មរ៉ែកម្រជាមួយសហរដ្ឋអាមេរិក ក៏ដូចជាឯកសារស្តីពីពាណិជ្ជកម្មទ្វេភាគីជាមួយសហរដ្ឋអាមេរិក ដែលជាអ្នកសម្របសម្រួលឲ្យមានកិច្ចព្រមព្រៀងសន្តិភាពរវាងកម្ពុជានិងប្រទេសថៃ។

អ្វីដែលធ្វើឲ្យមានការតាមដានច្រើននោះគឺ ក្រោយការចុះហត្ថលេខាលើកិច្ចព្រមព្រៀងសន្តិភាពជាមួយកម្ពុជា និង ឯកសារស្តីពីការធ្វើអាជីវកម្មរ៉ែកម្រជាមួយសហរដ្ឋអាមេរិក ទាំងអ្នកនយោបាយថៃ និងប្រជាជនថៃតាមរយៈការចេញផ្សាយរបស់សារព័ត៌មានថៃ បានបង្ហាញសញ្ញាប្រឆាំងចំពោះអ្វីដែលនាយករដ្ឋមន្ត្រីអានុទីនបានធ្វើ។

ក្រោយការចេញប្រតិកម្មប្រឆាំងនេះ ទាំងនាយករដ្ឋមន្ត្រីថៃ លោក អានុទីន និង មន្ត្រីរដ្ឋាភិបាលក្នុងគណៈរដ្ឋមន្ត្រីរបស់លោក បានចេញបញ្ជាក់តាមហូរហែរជុំវិញការចុះហត្ថលេខារ៉ែកម្រជាមួយសហរដ្ឋអាមេរិក។

លោក Pakorn Nilprapunt អគ្គលេខាធិការនៃក្រុមប្រឹក្សារដ្ឋ បាននិយាយថ្ងៃអង្គារថា អនុស្សរណៈនៃការយោគយល់គ្នា (MOU) ស្តីពីកិច្ចសហប្រតិបត្តិការក្នុងការអភិវឌ្ឍខ្សែសង្វាក់ផ្គត់ផ្គង់ផែនរ៉ែកម្រក្នុងដី រវាងប្រទេសថៃ និងសហរដ្ឋអាមេរិក មិនមែនជាកិច្ចព្រមព្រៀងអន្តរជាតិដែលមានកាតព្វកិច្ចស្របច្បាប់នោះទេ។

ការចេញមកបញ្ជាក់របស់មន្ត្រីជាន់ខ្ពស់រដ្ឋាភិបាលថៃនេះហាក់បានបង្ហាញថា បញ្ហាផ្ទៃក្នុងរបស់ប្រទេសថៃត្រៀមកម្លាំងដើម្បីតវ៉ាជាមួយរដ្ឋាភិបាលរបស់លោក អានុទីនក្នុងពេលខាងមុខ។ យោងសារព័ត៌មាន Khaosod ភាសាថៃ នៅថ្ងៃទី២៨ខែតុលានេះ មានអំពាវនាវឲ្យមានការជួបជុំតវ៉ាប្រឆាំងនាយករដ្ឋមន្ត្រី អានុទីន នៅពេលខាងមុខនេះដែរ។

ក្រោយការអះអាងមិនបានប៉ុន្មានម៉ោងផង យោងសារព័ត៌មានថៃ The Nation លោក អានុទីន បានចេញមុខពន្យល់តាមវីដេអូថា ការចុះអនុស្សរណៈយោគយល់គ្នា (MOU) ជាមួយសហរដ្ឋអាមេរិក អំពីរ៉ែកម្រមានគោលបំណងកសាងចំណេះដឹងនិងបច្ចេកវិទ្យា។ លោក អានុទីន ធានាថា MOU អំពីរ៉ែកម្រក្នុងដីរបស់ប្រទេសថៃជាមួយសហរដ្ឋអាមេរិក នឹងធ្វើទៅតាមច្បាប់ និងរដ្ឋធម្មនុញ្ញរបស់ថៃ ដោយផ្តោតលើកិច្ចសហប្រតិបត្តិការដោយយុត្តិធម៌ និងការផ្ទេរបច្ចេកវិទ្យា។

យោងតាមខ្លឹមសារអនុស្សរណៈយោគយល់គ្នាដែលផ្សព្វផ្សាយដោយការិយាល័យព័ត៌មានប្រធានាធិបតីសហរដ្ឋអាមេរិក MOU នោះ មានគោលបំណងពង្រឹងកិច្ចសហប្រតិបត្តិការរវាងប្រទេសថៃនិងសហរដ្ឋអាមេរិកលើការអភិវឌ្ឍន៍ និងពង្រីកខ្សែសង្វាក់ផ្គត់ផ្គង់សារធាតុរ៉ែសំខាន់ៗ។

ក្រៅពីប្រឈមការតវ៉ាលើការចុះអនុស្សរណៈលើរ៉ែកម្រនេះ ក៏មានសេចក្តីរាយការណ៍មួយចំនួនពីការត្រៀមតវ៉ាចំពោះនាយករដ្ឋមន្ត្រីអានុទីនជុំវិញការលើកឡើងដែលជំរុញឲ្យប្រជាជនថៃទទួលយកដំណោះស្រាយរបស់រដ្ឋាភិបាលក្នុងពេលខាងមុខដែលលោកបានទទួលស្គាល់ថា ថៃទន្ទា្រនចូលកម្ពុជាត្រង់ចំណុចខ្លះ ហើយ ចំណុចខ្លះក៏កម្ពុជាទន្ទ្រានចូលថៃវិញដែរ៕

រ៉ាន់ រើយ

លោក អានុទីន លើកស្លាកឈ្មោះកម្ពុជា ក្រោយពេលសុំសម្តេចធិបតីប្តូរកៅអីអង្គុយ។ REUTERS

ព័ត៌មានអន្ដរជាតិ១៦ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

ព័ត៌មានជាតិ១ សប្តាហ៍ ago

រដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ

កីឡា៤ ថ្ងៃ ago

មូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង

ព័ត៌មានអន្ដរជាតិ៧ ថ្ងៃ ago

អ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា