ព័ត៌មានជាតិ

កាកបាទក្រហមខណ្ឌ ៧ មករា ចុះសួរសុខទុក្ខចែកអំណោយមនុស្សធម៌ជូន ពលរដ្ឋមានជីវភាពខ្វះខាត ៨០ គ្រួសារ

បានផុស

៧ ខែ មុន

នៅ

ថ្ងៃពុធ ២៩ តុលា ២០២៥

ដោយ

កាលពីព្រឹកថ្ងៃទី ២៩ ខែតុលា ឆ្នាំ ២០២៥ នេះ លោក ថេង សុថុល អភិបាលខណ្ឌ ៧ មករា និងជាប្រធានកិត្តិយស អនុសាខាកាកបាទក្រហមខណ្ឌ ៧ មករា និង លោក ឌី រ័ត្នខេមរុណ ប្រធានអនុសាខាកាកបាទក្រហមកម្ពុជាខណ្ឌ បានដឹកនាំចុះជួបសំណេះសំណាលសួរសុខទុក្ខ និងនាំយកអំណោយរបស់អនុសាខាកាកបាទក្រហមកម្ពុជាខណ្ឌ ៧ មករា ផ្តល់ជូនដល់ប្រជាពលរដ្ឋចំនួន ៨០ គ្រួសារ ដែលមានជីវភាពខ្វះខាត ក្នុងមូលដ្ឋានសង្កាត់ទាំង ៨ ខណ្ឌ ៧ មករា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ថេង សុថុល បានពាំនាំនូវការផ្ដាំផ្ញើសាកសួរសុខទុក្ខពីលោក ឃួង ស្រេង ប្រធានគណៈកម្មាធិការសាខាកាកបាទក្រហមកម្ពុជា រាជធានីភ្នំពេញ និងជាពិសេសពីសំណាក់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ជូនដល់គ្រួសារទាំងអស់ ព្រមទាំងបានគូសបញ្ជាក់ថា ទីណាមានការលំបាក ទីនោះមានកាកបាទក្រហមកម្ពុជា។

លោកបញ្ជាក់ថា ប្រជាពលរដ្ឋខ្វះខាតក្នុងមូលដ្ឋានមិនមែនមានតែ ៨០ គ្រួសារ នោះទេ គឺមានច្រើន ដូច្នេះនឹងជួបសំណេះសំណាលជាបន្តបន្ទាប់ទៀតជាមួយពួកគាត់។ ជាក់ស្ដែង ដូចជាពេលនេះ គឺការជួយរបស់កាកបាទក្រហមកម្ពុជា ដោយមិនប្រកាន់ពីនិន្នាការនយោបាយ ជាតិសាសន៍ សាសនា វណ្ណៈ ពណ៌សម្បុរអ្វីទាំងអស់ ហើយលោកក៏បានផ្ដាំផ្ញើដល់ប្រជាពលរដ្ឋទាំងអស់ឲ្យរក្សានូវអនាម័យល្អ ផឹកស្អាត ហូបស្អាត រស់នៅស្អាត និងខិតខំបង្កបង្កើនផល ឬប្រកបមុខរបរផ្សេងៗ ដើម្បីទ្រទ្រង់គ្រួសារឲ្យល្អប្រសើរឡើង។

លោកអភិបាលខណ្ឌ ៧ មករា បានផ្តល់អំណោយជាស្បៀងអាហារក្នុងមួយគ្រួសារៗ ទទួលបាន ៖ អង្ករ , ទឹកត្រី , ទឹកស៊ីអ៊ីវ , ត្រីខ , មី , ទឹកសុទ្ធ , ទឹកដោះគោ និងថវិកាឧបត្ថម្ភមួយចំនួនទៀតផងដែរ ដើម្បីសម្រាប់ជាការបន្តផ្គត់ផ្គង់ជីវភាពមួយរយៈពេល៕

អត្ថបទ ៖ រដ្ឋា

Related Topics:ខណ្ឌ ៧ មករា កាកបាទក្រហម

សេចក្ដីជូនដំណឹង៤ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា