លោក អុល សំអាង បង្ហាញក្តីព្រួយបារម្ភវិស័យសិល្ប:បុរាណទម្រង់ “ល្ខោនបាកសាក់” មានការធ្លាក់ចុះ

ជាថ្មីម្តងទៀត លោក អុល សំអាង ដែលជាប្រធានក្រុមដឹកនាំសិល្បល្ខោនបាសាក់មហាជន អុល សំអាង វង់ទី១ រាជាធានីភ្នំពេញ បានបង្ហាញក្តីព្រួយបារម្ភខ្លាំង ដោយខ្លាចល្ខោនបាសាក់បាត់បង់ទម្រង់ ឬធ្លាក់ចុះ ខណ:វង់ខ្លះហាក់បីកំពុងតែសម្តែងក្លាយខុសទម្រង់សិល្ប:ដើម។

ជាការកត់សម្គាល់នេះពុំមែនទើបជាលើកទីមួយនោះទេ ដែលលោក អុល សំអាងបានចេញមុខនិយាយអះអាងការព្រួយបារម្ភខ្លាចវិស័យសិល្ប:បុរាណ “ល្ខោនបាកសាក់” មានការធ្លាក់ចុះឬបាត់បង់ទម្រង់ដើម ដោយសារតែការសម្តែងខ្លះហាក់ប្រាសចាកពីក្រមសីលធម៌។ លោក អុល សំអាង សង្កត់ធ្ងន់ថា “យើងជាសិល្បករល្អ តើយើងជាអ្នកផ្សព្វផ្សាយវប្បធម៌ ឬក៏យើងជាអ្នកច្រៀងរាំសម្តែងបំពុលវប្បធម៌ខ្មែរខ្លួនឯង?”។

លោក អុល សំអាង បន្តថា”ល្ខោនខ្មែរមិនមែនជាល្ខោ នសម្រាប់សម្តែងកំប្លែងជេរបញ្ជារគ្នាប្រើសម្តីអាក្រក់ ចំអេះចំអះអសីលធម៌នោះទេសូមកុំគូរមុខយក្សតែង គ្រឿងល្ខោន ទៅសម្តែងកំប្លែង លេងសើចខុសបែបប ទល្ខោនបាសាក់រួមគ្នាកុំបំផ្លាញល្ខោនសិល្បខ្មែរ”។

ប្រធានក្រុមដឹកនាំសិល្បល្ខោនបាសាក់មហាជនរូបនេះនិយាយទៀតថាសិល្បករត្រូវរក្សាអត្តចរិតសីលធម៌ សុជីធម៌ គុណធម៌ ត្រូវគិតក្រមសីលធម៌សិល្បៈត្រូវប្រុងប្រយ័ត្នខ្ពស់ក្នុងការសម្តែងពិសេសការនិយាយស្តី និងកាយវិការសម្តែងល្ខោនខ្មែរ។

កន្លងមកលោកក៏ធ្លាប់បានចេញមុខអំពាវនាវដល់គ្រប់មជ្ឈដ្ឋានមហាជនត្រូវរួមគ្នាផ្សព្វផ្សាយអភិរក្សមរតកទម្រង់សិល្ប: ល្ខោនបាសាក់ខ្មែរ៕ ចាន់រ៉ា