ព័ត៌មានអន្ដរជាតិ

វៀតណាមរំពឹងកើបចំណូលលើស ៨ ប៊ីលានដុល្លារ ពីការនាំចេញកាហ្វេឆ្នាំនេះ

បានផុស

៧ ខែ មុន

នៅ

ថ្ងៃពុធ ១៩ វិច្ឆិកា ២០២៥

ដោយ

សមាគមកាហ្វេ-កាកាវវៀតណាម (Vicofa) បានបង្ហាញទំនុកចិត្តថា ប្រាក់ចំណូលពីការនាំចេញកាហ្វេរបស់់ប្រទេស អាចកើនលើសពី ៨ ប៊ីលានដុល្លារអាមេរិក នៅឆ្នាំ ២០២៥ ដែលលឿនជាងគោលដៅដើមឆ្នាំ ២០៣០។ នេះបើតាមការចុះផ្សាយរបស់កាសែត Viet Nam News។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការព្យាករណ៍នេះគឺផ្អែកលើកត្តាសំខាន់ៗចំនួន៣៖ ការកែលម្អគុណភាពផលិតផល កំណើននៃសមាមាត្រនៃផលិតផលកែច្នៃយ៉ាងស៊ីជម្រៅ និងការពង្រីកទីផ្សារដោយផ្អែកលើការធ្វើផែនការយុទ្ធសាស្ត្ររយៈពេលវែង។

ក្រសួងកសិកម្ម និងបរិស្ថានបានរាយការណ៍ថា ចន្លោះពីខែមករា ដល់ខែតុលា វៀតណាមបានលក់កាហ្វេចំនួន ១,៣ លានតោន ទៅក្រៅប្រទេសក្នុងតម្លៃ ៧,៤១ ប៊ីលានដុល្លារ ដោយកើនឡើង ៦១,៨% ដែលនេះជាកំណើនតម្លៃប្រចាំឆ្នាំខ្ពស់បំផុតក្នុងប្រវត្តិសាស្រ្ត។

តម្លៃនាំចេញជាមធ្យមវិញ បានកើនដល់ ៥ ៦៥៣ ដុល្លារ/តោន ដោយកើនឡើង ៤២,៥% ធៀបនឹងរយៈពេលដូចគ្នាឆ្នាំមុន។

Vicofa បានកត់សម្គាល់ថា មុនឆ្នាំ ២០២០ តម្លៃកាហ្វេបានចុះទាបខ្លាំង ដែលធ្វើឱ្យកសិករកាត់បន្ថយដីដាំកាហ្វេរបស់ពួកគេ ដែលបណ្ដាលឱ្យការផ្គត់ផ្គង់ធ្លាក់ចុះ។

ក្នុងពេលជាមួយគ្នានេះ ក្រុមហ៊ុនកាហ្វេវៀតណាមបានបង្កើនការវិនិយោគលើខ្សែច្រវ៉ាក់ផលិតកម្មប្រកបដោយចីរភាព ដើម្បីកែលម្អគុណភាពស្របតាមស្តង់ដារអន្តរជាតិ។ ស្របពេលដែលការផ្គត់ផ្គង់សកលថយចុះ ហើយតម្រូវការបន្តកើនឡើង តម្លៃកាហ្វេបានហក់ឡើងកប់ពពក ដែលជំរុញឱ្យប្រាក់ចំណូលពីការនាំចេញរបស់វៀតណាម ឈានដល់កម្រិតកំណត់ត្រា។

ព័ត៌មានអន្ដរជាតិ២០ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

ព័ត៌មានជាតិ១ សប្តាហ៍ ago

រដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា