វៀតណាម រងផលប៉ះពាល់ពីទឹកជំនន់ធ្ងន់ធ្ងរជាច្រើនលើកច្រើនសារពេញមួយឆ្នាំ ២០២៥

ប្រទេសវៀតណាមបានប្រឈមនឹងទឹកជំនន់ម្តងហើយម្តងទៀត និងធ្ងន់ធ្ងរពេញមួយឆ្នាំ ២០២៥ ដោយសារភ្លៀងធ្លាក់ខ្លាំង និងព្យុះជាបន្តបន្ទាប់បានវាយប្រហារប្រទេសនេះពីភាគខាងជើងទៅភាគខាងត្បូង។ ឆ្នាំនេះបានក្លាយជាឆ្នាំដែលរងផលប៉ះពាល់ដោយទឹកជំនន់ច្រើនបំផុតក្នុងរយៈពេលថ្មីៗនេះ។

កាលពីខែតុលា ប្រទេសវៀតណាមភាគកណ្តាលបានជួបប្រទះនឹងទឹកជំនន់ដ៏អាក្រក់បំផុតប្រចាំឆ្នាំ។ ទឹកភ្លៀងដ៏ច្រើនលើសលប់ នៅតំបន់ខ្លះលើសពី ១០០០ មីលីម៉ែត្រក្នុងរយៈពេល ២៤ ម៉ោងបង្កការជន់លិចផ្នែកធំៗនៃទីក្រុងHue and Hoi An។ យោងតាមមជ្ឈមណ្ឌល AHA ផ្ទះជាង ១២៨,០០០ ខ្នងបានជន់លិច ខណៈដែលមនុស្សយ៉ាងហោចណាស់ ១០ នាក់បានស្លាប់ និង ៨ នាក់ផ្សេងទៀតបានបាត់ខ្លួន។ បើតាម Al Jazeera និង VnExpress បានរាយការណ៍ថា កំណត់ត្រាទឹកភ្លៀងជាង ៣៥ ដងត្រូវបានបំបែកនៅភាគខាងជើង និងកណ្តាលប្រទេសវៀតណាម ដោយសារតែព្យុះMatmoនិង Fengshen.។

កាលពីដើមខែកក្កដា ព្យុះត្រូពិកWipha បាននាំមកនូវភ្លៀងធ្លាក់ខ្លាំងដល់ខេត្តNghe An ដែលបណ្តាលឱ្យមានទឹកជំនន់ដែលបានសម្លាប់មនុស្សយ៉ាងហោចណាស់បីនាក់ និងបំផ្លាញផ្ទះរាប់ពាន់ខ្នង និងវាលស្រែ នេះបើយោងតាមទីភ្នាក់ងារសារព័ត៌មានរ៉យទ័រ។

ប្រទេសវៀតណាមក៏បានជួបប្រទះនឹងទឹកជំនន់មិនធម្មតានៅដើមឆ្នាំផងដែរ។ កាលពីខែកុម្ភៈ ទីក្រុងហូជីមិញ និងខេត្តភាគខាងត្បូងក្បែរៗនោះ ត្រូវបានរងផលប៉ះពាល់ដោយភ្លៀងធ្លាក់ខ្លាំងបំផុតមិនតាមរដូវក្នុងរយៈពេល ២០ ឆ្នាំ ដែលបណ្តាលឱ្យមានការជន់លិចយ៉ាងទូលំទូលាយ។ ក្រោយមក ខេត្តភាគខាងជើងដូចជាទីក្រុងហាណូយ និងថៃង្វៀន បានប្រឈមមុខនឹងទឹកជំនន់ភ្លាមៗ ដែលបណ្តាលមកពីភ្លៀងធ្លាក់ខ្លាំងរហូតដល់ ៥០០មីលីម៉ែត្រ នេះបើយោងតាមកាសែត Hanoi Times។

អ្នកជំនាញអាកាសធាតុបានប្រាប់ Al Jazeera ថា ទឹកជំនន់ម្តងហើយម្តងទៀតនៅឆ្នាំ ២០២៥ ទំនងជាជាប់ទាក់ទងបញ្ហាអាកាសធាតុដែលមិនស្ថិតស្ថេរកាន់តែខ្លាំងឡើង ដែលរងផលប៉ះពាល់ដោយការប្រែប្រួលអាកាសធាតុ។ ពួកគេព្រមានថា ប្រទេសវៀតណាមអាចនឹងប្រឈមមុខនឹងបញ្ហាអាកាសធាតុធ្ងន់ធ្ងរនិងគ្រោះមហ្តរាយស្រដៀងគ្នានេះញឹកញាប់ជាងមុននាពេលអនាគត៕

អត្ថបទ៖ ប៊ុន សុភាព