កីឡា
កីឡាហាប់គីដូ មានការរីកចម្រើនគួរឲ្យកត់ស្គាល់ក្រោយមានការយកចិត្តទុកដាក់ពីប្រធាន និងថ្នាក់ដឹកនាំ
អគ្គលេខាធិការសហព័ន្ធខ្មែរកីឡាហាប់គីដូ ថាប៉ុន្មានឆ្នាំចុងក្រោយនេះសហព័ន្ធមានភាពរីកចម្រើនគួរឲ្យកក់សម្គាល់ក្រោមការយកចិត្តទុកដាក់ពីលោកប្រធាន អនុប្រធាន រហូតមានអ្នកចាប់អារម្មណ៍ និងបានចូលហ្វឹកហាត់ក៏ច្រើន និងចេញទៅប្រកួតនៅអន្តរជាតិ។
ក្រុមកីឡាហាប់គីដូ
លោក គង់ ចាន់ធីណា អគ្គលេខាធិការសហព័ន្ធបានឲ្យដឹងថា សហព័ន្ធតែងតែមានសកម្មភាពជាបន្តបន្ទាប់ពិសេសលើការហ្វឹកហាត់ និងការប្រឡងតំឡើងខ្សែក្រវាត់ដល់សិស្សគុនដែលបានបំពេញតាមពេលវេលារួមទាំងបច្ចេកទេសតាមការកំណត់កន្លងមក។ ក្រោមការដឹកនាំរបស់លោកប្រធានសហព័ន្ធ លោក សៅ សេងហាក់ និងអនុប្រធាន លោក គួច ហុងជៀក ប៉ុន្មានឆ្នាំនេះទទួលបានភាពរីកចម្រើនគួរឲ្យកត់សម្គាល់។
ក្រុមកីឡាហាប់គីដូ
ថ្នាក់ដឹកនាំ និងជាគ្រូបង្វឹកជើងចាស់ខាងលើបន្តទៀតថា ការរីកចម្រើនរបស់សហព័ន្ធគឺរួមមានបានបញ្ជូនកីឡាករ កីឡាការិនីទៅប្រកួតនៅអន្តរជាតិជាច្រើនលើក បានរៀបចំការប្រកួតជ្រើសរើសជើងឯកថ្នាក់ជាតិ ២ដងរួចហើយ ខណៈសហព័ន្ធមិនដែលមានលទ្ធភាពរៀបចំឡើយរយៈពេលប្រហែល ៣០ឆ្នាំមកនេះ។ មានអ្នកចាប់អារម្មណ៍ច្រើន និងបានចូលហ្វឹកហាត់នៅពេលបច្ចុប្បន្ននេះដែលជាផលល្អក្នុងការបង្កើនធនធានកីឡាហាប់គីដូនេះតទៅមុខទៀត។
ក្រុមកីឡាហាប់គីដូ
បញ្ជាក់ដែរថា កីឡាហាប់គីដូជាប្រភេទកីឡាមួយដែលមានដើមកំណើតពីប្រទេសកូរ៉េខាងត្បូង។ កីឡាមួយនេះបានជ្រួតជ្រាប និងចូលមកកាន់កម្ពុជារយៈពេលជាច្រើនឆ្នាំមកហើយ និងបច្ចុប្បន្ននេះមានសហព័ន្ធដឹកនាំត្រឹមត្រូវ និងកំពុងហ្វឹកហាត់ជាប្រចាំនៅលើតំបូលអគារសូហ្វតិន្នីស។ ប្រធានសហព័ន្ធដឹកនាំដោយលោក សៅ សេងហាក់ អនុប្រធានលោក គួច ហុងជៀក នាពេលបច្ចុប្បន្ននេះ៕
ការប្រកួតកន្លងទៅ
អត្ថបទដោយ៖ នួន ស៊ីណា
-
ព័ត៌មានអន្ដរជាតិ១៧ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ