កីឡា

ព្រះខ័នរាជស្វាយរៀង នៅមានឱកាសឡើងវគ្គ ៤ ក្រុម ក្នុងជើងឯកក្លិបអាស៊ាន

បានផុស

៤ ខែ មុន

នៅ

ថ្ងៃសុក្រ ៣០ មករា ២០២៦

ដោយ

ការប្រកួតជើងឯកក្លិបបាល់ទាត់អាស៊ាន ASEAN Club Championship ជិតបញ្ចប់វគ្គសន្សំពិន្ទុក្នុងពូលហើយ បន្ទាប់ពីចប់ការប្រកួតទី៤ កាលពីល្ងាចថ្ងៃទី២៩ ខែមករា ឆ្នាំ ២០២៦ ប៉ុន្តែក្រុម ព្រះខ័នរាជស្វាយរៀង និង Bangkok United នៅសល់ ២ ប្រកួតទៀត ដោយសារត្រូវបានពន្យារពេលការប្រកួត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រោយឆ្លងកាត់ ៤ ប្រកួត នៅពូល A មានក្រុម ២ ហើយដែលបានធ្លាក់គឺ Cong An Ha Noic របស់ វៀតណាម និង Dynamic Herb Cebu របស់ ហ្វីលីពីន ខណៈ ៤ ក្រុមផ្សេងទៀតសុទ្ធតែមានឱកាសឡើងដូចគ្នាគឺ ក្រុម Selangor របស់ម៉ាឡេស៊ី មាន ៨ ពិន្ទុ ក្រុម BG Pathum United របស់ ថៃ មាន ៧ ពិន្ទុ ក្រុម Buriram United របស់ថៃ មាន ៦ ពិន្ទុ និង ក្រុម Tampinis Rovers របស់ សិង្ហបុរី មាន ៦ ពិន្ទុ។

ការប្រកួតកាត់សេចក្តីចុងក្រោយនៅថ្ងៃទី៤ ខែកុម្ភៈ ដោយក្រុម Buriram United ជួបក្រុម Dynamic Herb Cebu ហើយក្រុម Selangor ទទួលក្រុម BG Pathum United និងក្រុម Cong An Ha Noi ជួបក្រុម Tampines Rovers។

ដោយឡែកនៅពូល B វិញ ក្រុម Nam Dinh របស់វៀតណាម បានឡើងទៅកាន់វគ្គពាក់កណ្តាលផ្តាច់ព្រ័ត្រហើយ បន្ទាប់ពីឆ្លងកាត់ ៤ ប្រកួត ឈ្នះទាំងអស់ ឈរលើកំពូលតារាង។ ក្រុមរបស់ម៉ាឡេស៊ី Johor Darul Tazim និង ព្រះខ័នរាជស្វាយរៀង ត្រូវប្រជែងគ្នាដើម្បីឡើងទៅកាន់វគ្គពាក់កណ្តាលផ្តាច់ព្រ័ត្រ។ ចំពោះក្រុម ៣ ផ្សេងទៀតគឺ Lion City Sailors របស់ សិង្ហបុរី ក្រុម Bangkok United របស់ថៃ និងក្រុម Shan United របស់មីយ៉ាន់ម៉ា បានធ្លាក់ហើយ។

ប្រៀបធៀបរវាង ក្រុម Johor Darul Tazim និង ព្រះខ័នរាជស្វាយរៀង គឺ ក្រុមរបស់ម៉ាឡេស៊ី មានភាគរយខ្ពស់ក្នុងការឡើងទៅកាន់វគ្គ ៤ ក្រុមចុងក្រោយ។ ក្រុម Johor ដែលមាន ១០ ពិន្ទុ ត្រូវការត្រឹមស្មើជាមួយ Nam Dinh សម្រាប់ការប្រកួតចុងក្រោយ ក៏ពួកគេបានឡើងដែរ។ ផ្ទុយទៅ ព្រះខ័នរាជស្វាយរៀង ដែលមាន ៤ពិន្ទុ គឺមានឱកាសស្តួចស្តើងមែនទែនក្នុងការឡើងទៅវគ្គបន្តពោលគឺ ត្រូវការឈ្នះទាំង ២ ប្រកួតចុងក្រោយជាមួយ Lion City Sailors និង Bangkok United ឲ្យច្រើនគ្រាប់ ហើយទាល់តែក្រុម Johor ចាញ់ក្រុម Nam Dinh ទៀត ទើប ព្រះខ័នរាជស្វាយរៀង បានឡើង។

សូមបញ្ជាក់ថា ជំនួបរវាង ព្រះខ័នរាជស្វាយរៀង និង Bangkok United នៅមិនទាន់ប្រកាសពីកាលបរិច្ឆេទថ្មីឡើយ បន្ទាប់ពីលើកពេលពីថ្ងៃទី២៩ ខែមករា ដោយសារក្រុមរបស់ថៃមិនមកប្រកួតនៅកម្ពុជា៕

អត្ថបទ៖ វិរបុត្រ

សេចក្ដីជូនដំណឹង៤ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា