កីឡា

មកស្គាល់កីឡាការិនីបរទេស ៤ នាក់របស់ក្រុមនារី ព្រះខ័នរាជស្វាយរៀង ទើបប្រកាសថ្មី

បានផុស

២ ខែ មុន

នៅ

ថ្ងៃពុធ ៨ មេសា ២០២៦

ដោយ

ក្រុមបាល់ទាត់នារី ព្រះខ័នរាជស្វាយរៀង បានចាប់ផ្តើមពង្រឹងក្រុមដើម្បីប្រជែងជើងឯកលីគនារីរដូវកាលថ្មីតាមរយៈការតែងតាំងគ្រូបង្វឹក គ្រូជំនួយ អ្នកចាត់ការ និងកីឡាការិនីបរទេស បន្ថែមលើកីឡាការិនីក្នុងស្រុក។

គិតត្រឹមរសៀល ថ្ងៃទី៨ ខែមេសា ឆ្នាំ ២០២៦ ក្លិបបានប្រកាសជាផ្លូវការអំពីសមាសភាពកីឡាការិនីជាច្រើនរូប ក្នុងនោះមានកីឡាការិនីបរទេសចំនួន ៤ រូបដែលបានធ្វើឲ្យអ្នកគាំទ្រចាប់អារម្មណ៍ខ្លាំង។ កីឡាការិនីបរទេសទាំង ៤ នាក់មកពីប្រទេសផ្សេងគ្នា និងមានតួនាទីលេងខុសៗគ្នា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមនារីព្រះខ័នរាជស្វាយរៀង បានពង្រឹងជើងក្រោមតាមរយៈការនាំចូលខ្សែការពារសញ្ជាតិតួកគី Bilmez Gamz អាយុ ២៩ ឆ្នាំ និងកីឡាការិនី Akasheeh Doris អាយុ ២០ ឆ្នាំដែលជាកីឡាការិនីជម្រើសជាតិហ្គាណា។ ជាមួយគ្នានេះ កីឡាការិនី Preeti Rai អាយុ ២០ឆ្នាំ ដែលជាកីឡាការិនីជម្រើសជាតិនេប៉ាល់ លេងក្នុងតួនាទីជាខ្សែបម្រើកណ្តាល និងខ្សែប្រយុទ្ធប្រអប់សញ្ជាតិកុងហ្គោ Dikisha Bushiri Esther អាយុ ២៧ ឆ្នាំ។

ជាមួយគ្នានេះ កីឡាការិនីកម្ពុជាដែលត្រូវបានប្រកាសថ្មីមានដូចជាកីឡាការិនី មាស ម៉ាលីយ៉ា, ចន ជីតា, កុយ ម៉ានូ, ឈៀប ដាណែត និងកីឡាការិនី រិន ដាណេ។ ចំណែកកញ្ញា សន ម៉ូនីកា បានក្លាយជាអ្នកចាត់ការក្រុម ក្រោមការដឹកនាំរបស់គ្រូបង្គោល សំ វ៉ាន់ដេត ដោយមានគ្រូជំនួយលោក ឡាយ រស្មី និង សំអឿន ពិដោរ ព្រមទាំងលោក អោម ឧត្តម ជាគ្រូអ្នកចាំទី។

កីឡាការិនីបរទេស

កីឡាការិនីនេប៉ាល់ Preeti Rai អាយុ ២០ ឆ្នាំ ជាខ្សែបម្រើកណ្តាល មកពីក្រុម Etihad Women FC ប្រទេស ហ្ស៊កដានី
កីឡាការិនីកុងហ្គោ Dikisha Bushiri Esther អាយុ ២៧ ឆ្នាំ ជាខ្សែប្រយុទ្ធ មកពីក្រុម TP Mazembe ប្រទេសកុងហ្គោ
កីឡាការិនីតួកគី Bilmez Gamz អាយុ ២៩ ឆ្នាំ ជាខ្សែការពារ
កីឡាការិនីហ្គាណា Akasheeh Doris អាយុ ២០ ឆ្នាំ ជាខ្សែការពារ មកពីក្រុម Northern Ladies FC ប្រទេសហ្គាណា