ព័ត៌មានអន្ដរជាតិ

ការវាយតម្លៃរួមគ្នា EU-UN ៖ តំបន់ហ្គាហ្សាត្រូវការលុយជាង៧១ប៊ីលាន ដើម្បីស្តារ

បានផុស

២ ខែ មុន

នៅ

ថ្ងៃអង្គារ ២១ មេសា ២០២៦

ដោយ

យោងតាមការវាយតម្លៃរួមគ្នារបស់សហភាពអឺរ៉ុបនិងអង្គការសហប្រជាជាតិ (EU-UN) ចេញផ្សាយនៅថ្ងៃទី២០ ខែមេសា តំបន់ហ្គាហ្សាដែលរងការខូចខាតស្ទើរទាំងស្រុងដោយសារការវាយប្រហាររបស់អ៊ីស្រាអែល ត្រូវការថវិកាជាង៧១ប៊ីលានដុល្លារអាមេរិកសម្រាប់ការស្តារនិងកសាងហេដ្ឋារចនាសម្ព័ន្ធ ក្នុងរយៈពេលមួយទសវត្សរ៍ខាងមុខ។

យោងតាមសារព័ត៌មាន The Straits Times ផ្សាយថ្ងៃទី២១ ខែមេសា ឆ្នាំ២០២៦ នៅក្នុងការវាយតម្លៃការខូចខាតនិងតម្រូវការឆាប់រហ័សក្នុងតំបន់ហ្គាហ្សា (RDNA) ចុងក្រោយ មានអង្គការសហប្រជាជាតិ និងសហភាពអឺរ៉ុបនិយាយថា៖ « សង្គ្រាមជាងពីរឆ្នាំនៅក្នុងទឹកដីប៉ាឡេស្ទីន បាននាំឱ្យមានការបាត់បង់ជីវិតដែលមិនធ្លាប់មានពីមុនមក និងមានវិបត្តិមនុស្សធម៌ដ៏មហន្តរាយបំផុត»។

ផ្ទះជនស៊ីវិលនៅតំបន់ហ្គាហ្សា។ រូបភាព៖ Reuters

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការវាយតម្លៃនេះ សហការជាមួយធនាគារពិភពលោក(World Bank) ហើយលើកឡើងថា៖ « តម្រូវការស្តារនិងការកសាងតំន់ហ្គាហ្សាឡើងវិញ ប៉ាន់ប្រមាណថាត្រូវការលុយជាង ៧១.៤ ប៊ីលានដុល្លារអាមេរិក»។

គួរបញ្ជាក់ថា នៅតំបន់ហ្គាហ្សាភាគច្រើនមាន សាលារៀន មន្ទីរពេទ្យ និងហេដ្ឋារចនាសម្ព័ន្ធស៊ីវិលផ្សេងទៀត ត្រូវបានបំផ្លាញចោលដោយការវាយលុករបស់យោធាអ៊ីស្រាអែល បន្ទាប់ពីការវាយប្រហាររបស់ហាម៉ាសមិនធ្លាប់មានពីមុនមក នៅថ្ងៃទី៧ ខែតុលា ឆ្នាំ២០២៣ ។

ការវាយតម្លៃចុងក្រោយកំណត់ថា តំបន់ហ្គាហ្សាត្រូវការថវិកាចំនួន ២៦.៣ប៊ីលានដុល្លារអាមេរិកក្នុងរយៈពេល ១៨ខែដំបូង ដើម្បីស្តារសេវាកម្ម កសាងហេដ្ឋារចនាសម្ព័ន្ធសំខាន់ៗ និងស្តារសេដ្ឋកិច្ចឡើងវិញ។

សេចក្តីថ្លែងការណ៍រួមមួយលើកឡើងថា៖ « ការខូចខាតហេដ្ឋារចនាសម្ព័ន្ធ មានទឹកលុយចំនួន ៣៥.២ប៊ីលានដុល្លារអាមេរិក ដោយការខាតបង់ផ្នែកសេដ្ឋកិច្ចនិងសង្គមមានចំនួន ២២.៧ប៊ីលានដុល្លារអាមេរិក»៕

ប្រែសម្រួល៖ ណឺ មិនា

ព័ត៌មានអន្ដរជាតិ១៧ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

ព័ត៌មានជាតិ១ សប្តាហ៍ ago

រដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ

ព័ត៌មានអន្ដរជាតិ៧ ថ្ងៃ ago

អ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា