កីឡា

Takashi បន្តលេងឲ្យក្លិប ព្រះខ័នរាជស្វាយរៀង ឆ្នាំទី៥

បានផុស

៤ ថ្ងៃ មុន

នៅ

ថ្ងៃពុធ ៣ មិថុនា ២០២៦

ដោយ

កីឡាករជប៉ុន Takashi Odawara ត្រូវបានក្លិបបាល់ទាត់ ព្រះខ័នរាជស្វាយរៀង បន្តកុងត្រា ១ រដូវកាលទៀត បន្ទាប់ពីរូបគេរួមចំណែកដ៏សំខាន់ជួយឲ្យក្រុមទទួលបានជោគជ័យនាប៉ុន្មានរដូវកាលចុងក្រោយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅព្រឹកថ្ងៃទី៣ ខែមិថុនា ឆ្នាំ ២០២៥ ក្លិបព្រះខ័នរាជស្វាយរៀង បានប្រកាសជាផ្លូវការពីការបន្តកុងត្រា ១ ឆ្នាំទៀតដល់កីឡាករ Takashi។ ប្រការនេះមានន័យថា រូបគេនឹងបន្តលេងឲ្យក្លិបនៃលីគបាល់ទាត់កំពូលកម្ពុជា ឆ្នាំទី៥ ឬស្មើនឹង ៥ រដូវកាល បន្ទាប់ពីរូបគេបានចូលរួមជាមួយក្លិបជើងឯកលីគកំពូលកម្ពុជាតាំងពីឆ្នាំ ២០២២។

សម្រាប់ការលេងរយៈពេល ៤ រដូវកាលកន្លងមក កីឡាករវ័យ ៣៣ ឆ្នាំ បានជួយឲ្យក្លិប ព្រះខ័នរាជស្វាយរៀង ឈ្នះជើងឯកលីគបាល់ទាត់កំពូលកម្ពុជា ៣ លើកជាប់គ្នា ឈ្នះពានរង្វាន់សម្តេចតេជោ ហ៊ុន សែន ២ លើក ឈ្នះពានខេមបូឌានស៊ុបភើខាប់ ២ លើក និងរងជើងឯក ពាន AFC Challenge League ២ លើក។

មុនពេលមកចូលរួមជាមួយ ព្រះខ័នរាជស្វាយរៀង កាលពីឆ្នាំ ២០២២ កីឡាករ Takashi បានលេងក្លិប ៤ ផ្សេងគ្នានៅប្រទេសហ្វីលីពីនចន្លោះពីឆ្នាំ ២០១៧ ដល់ ឆ្នាំ ២០២១ មានដូចជាក្លិប JPV Marikina ក្លិប Davao Aguilas ក្លិប Ceres Negros និងក្លិប Maziya ។

អ្វីដែលគួរឲ្យចាប់អារម្មណ៍ក្រៅតែពីការពារកុំឲ្យដៃគូស៊ុតចូល កីឡាករ Takashi ក៏ជាអ្នករកបានគ្រាប់បាល់ស្ទើរមិនចាញ់ខ្សែប្រយុទ្ធមួយចំនួនដែរ។ ក្នុងនាមជាខ្សែបម្រើការពារ កីឡាកររកបាន ១៥ គ្រាប់នៅប្រទេសហ្វីលីពីន និងរកបាន ១១ គ្រាប់ឲ្យ ព្រះខ័នរាជស្វាយរៀង៕