ព័ត៌មានអន្ដរជាតិ
រដ្ឋមន្ត្រីកាអ៊ីរ៉ង់ ផ្តែផ្តាំទៅ មេដឹកនាំលីបង់ ឲ្យងាកទៅមើលអ្នកឈ្លានពាន បន្ទាប់ពីចោទអ៊ីរ៉ង់ថា «យកលីបង់ជាថ្នូរ»
រដ្ឋមន្ត្រីការបរទេសអ៊ីរ៉ង់ លោក អាបាស អារ៉ាហ្គឈី (Abbas Araghchi) នៅថ្ងៃទី៦ ខែមិថុនា បានច្រានចោលការចោទប្រកាន់របស់ប្រធានាធិបតីលីបង់ លោក ចូសេហ្វ អាអូន (Joseph Aoun) ដែលថា ទីក្រុងតេហេរ៉ង់កំពុងជ្រៀតជ្រែកចូលកិច្ចការផ្ទៃក្នុងប្រទេសលីបង់ ដោយ លោករដ្ឋមន្ត្រី បានផ្តាំទៅកាន់មេដឹកនាំរូបនោះថា «សូមផ្ដោតលើសត្រូវពិតប្រាកដរបស់ខ្លួនវិញទៅ»។
យោងតាមទីភ្នាក់ងារសារព័ត៌មានអ៊ីរ៉ង់ (ISNA) លោក អារ៉ាហ្គឈី បានសរសេរបង្ហោះនៅលើបណ្តាញសង្គម X ថា «ផ្អែកលើការលើកឡើងរបស់ លោក អាអូន គេអាចគិតថា គឺអ៊ីរ៉ង់ហើយមើលទៅ ដែលបានចូលកាន់កាប់ទឹកដី ១ ភាគ ៥ នៃប្រទេសលីបង់ ដោយបង្ខំឲ្យប្រជាជនលីបង់ ១ ភាគ ៤ ភៀសខ្លួនចេញពីផ្ទះសម្បែង និងកំពុងទម្លាក់គ្រាប់បែកលើប្រទេសរបស់លោកជារៀងរាល់ថ្ងៃនោះ។ ប្រសិនបើលីបង់ពិតជាឈ្នាន់សម្រាប់ដោះដូរនយោបាយរបស់អ៊ីរ៉ង់មែននោះ យើងប្រហែលជាទទួលបានកិច្ចព្រមព្រៀងតាំងពីយូរណាស់មកហើយ»។
អ្នកការទូតជាន់ខ្ពស់នៃសាធារណរដ្ឋឥស្លាមអ៊ីរ៉ង់រូបនេះ បានសង្កត់ធ្ងន់ចុងក្រោយថា «សូមជួយសង្គ្រោះប្រទេសលីបង់ពីសត្រូវពិតប្រាកដរបស់លោកវិញទៅ លោកប្រធានាធិបតី!»។
ការឆ្លើយឆ្លងពាក្យសម្តីក្នុងន័យខែ្វងគ្នានេះ បានកើតឡើងបន្ទាប់ពីលោកប្រធានាធិបតី លីបង់ ចូសេហ្វ អាអូន បាននិយាយកាលពីថ្ងៃសុក្រថា អ៊ីរ៉ង់កំពុងប្រើប្រាស់ប្រទេសលីបង់ធ្វើជា «ឈ្នាន់ដោះដូរ» នៅក្នុងកិច្ចចរចារបស់ខ្លួនជាមួយសហរដ្ឋអាមេរិក ហើយប្រជាជនលីបង់កំពុងតែរងគ្រោះបង់ថ្លៃជំនួសផលប្រយោជន៍របស់អ៊ីរ៉ង់។ ការរិះគន់ចំៗរបស់លោក អាអូន ធ្វើឡើងបន្ទាប់ពីក្រុមហេសបូឡា បានទាត់ចោលកិច្ចព្រមព្រៀងឈប់បាញ់ថ្មីមួយ ដែលសម្របសម្រួលដោយសហរដ្ឋអាមេរិករវាងរដ្ឋាភិបាលអ៊ីស្រាអែល និងលីបង់៕
អត្ថបទ ៖ សាង ស្រីល័ក្ខ
តើ «សន្លឹកបៀឈ្នះ» ដែលយោធាជាន់ខ្ពស់អ៊ីរ៉ង់ នឹងបញ្ចេញប្រើ ជាអ្វី?
-
ព័ត៌មានអន្ដរជាតិ៧ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៣ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានជាតិ៧ ថ្ងៃ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៧ ថ្ងៃ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
ព័ត៌មានអន្ដរជាតិ៥ ថ្ងៃ agoពូទីន ចំណាយជាង ២៦ពាន់លានដុល្លារ ស្វែងរកវិធីពន្យារជីវិត
-
ព័ត៌មានអន្ដរជាតិ៥ ថ្ងៃ agoលោក ត្រាំ ទ្រាំលែងបាន ជះសម្តីធ្ងន់ៗ ដាក់លោក ណេតាន់យ៉ាហ៊ូ ដែលបំផ្លាញផ្លូវទៅរកសន្តិភាព