កីឡា

ផុល រតនៈ៖ យើងឈឺចាប់ពីរដងមកហើយផ្ដាច់ព្រ័ត្រលើកនេះខ្ញុំនឹងប្ដូរផ្ដាច់គ្រប់យ៉ាងដើម្បីដណ្ដើមយកជ័យជម្នះ

បានផុស

៩ នាទី មុន

នៅ

ថ្ងៃព្រហស្បតិ៍ ២ កក្កដា ២០២៦

ដោយ

កីឡាករជំនាញបាល់ដេញរបស់វិសាខា គឺ ផុល រតនៈ ថារូបគេឈឺចាប់ចំនួនពីរដងមកហើយក្នុងវគ្គផ្ដាច់ព្រ័ត្រតេជោលីគកន្លងទៅនេះ ដូច្នេះស្អែកប្ដេជ្ញាចិត្តនឹងខំប្រឹងប្រែងប្ដូរផ្ដាច់តែម្ដងដើម្បីដណ្ដើមយកជ័យជម្នះក្នុងរដូវកាលទី៣ ឆ្នាំ២០២៦។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករ ផុល រតនៈ

កីឡាករ ផុល រតនៈ បានឲ្យដឹងថា សប្បាយចិត្តដែលវិសាខាបានឡើងទៅវគ្គផ្ដាច់ព្រ័ត្រជាលើកទី៣ ឆ្នាំ២០២៦ នេះ។ ដូចបានដឹងស្រាប់ហើយក្រុមរបស់ខ្លួនបានរងបរាជ័យ និងមានការឈឺចាប់ចំនួនពីរដងរួចហើយនៅវគ្គផ្ដាច់ព្រ័ត្រឆ្នាំមុនៗ។

អ្នកជំនាញបាល់ដេញរូបនេះបន្តទៀតថា ការប្រកួតស្អែកនេះសង្ឃឹមសមាជិកក្រុមទាំងអស់សហការគ្នាបានល្អដើម្បីអាចដណ្ដើមយកជ័យជម្នះមកវិញក្នុងវគ្គផ្ដាច់ព្រ័ត្រ។ នៅឆ្នាំនេះគឺអាចលេងគ្នាបានហើយ ព្រោះវិសាខាមានកម្លាំងបរទេស និង វឿន វាសនា មកជួយក្រុមបានច្រើន។ រូបគេប្ដេជ្ញាចិត្តនឹងខំប្រឹងប្រែងប្ដូរផ្ដាច់បំផុតដើម្បីដណ្ដើមយកជ័យជម្នះជាមួយក្រុមបញ្ជាការដ្ឋានអង្គរក្សនៅថ្ងៃស្អែកនេះ។

កម្មវិធីប្រកួតស្អែកនេះ

បញ្ជាក់ដែរថា សមាគមបាល់ទះវិសាខារបស់ ផុល រតនៈ បានឡើងទៅវគ្គផ្ដាច់ព្រ័ត្រតេជោលីគ រដូវកាលទី៣ ឆ្នាំ២០២៦ ទៀតហើយបន្ទាប់ពីយកឈ្នះលើក្រុមស្នងការរាជធានីភ្នំពេញ ដោយលទ្ធផល ៣-០ នៅរសៀលថ្ងៃទី១ កក្ដដា ម្សិលមិញនេះ។ វិសាខា បានត្រឹមជើងឯករងចំនួនពីរឆ្នាំជាប់គ្នាមកហើយក្នុងពានតេជោលីគជាមួយក្រុមបញ្ជាការដ្ឋានអង្គរក្ស ៕

អត្ថបទដោយ៖ នួន ស៊ីណា