ព័ត៌មានអន្ដរជាតិ

អង្គការណាតូ គ្រោងឈប់ទិញយន្តហោះស៊ើបការណ៍របស់អាមេរិក ដូរទៅប្រើរបស់ស៊ុយអែតវិញ

បានផុស

២ ម៉ោង មុន

នៅ

ថ្ងៃសុក្រ ៣ កក្កដា ២០២៦

ដោយ

ប្រភពផ្តល់ព័ត៌មានចំនួន៤ បានប្រាប់ទីភ្នាក់ងារសារព័ត៌មានរ៉យទ័រនៅថ្ងៃទី០៣ ខែកក្កដា ឆ្នាំ២០២៦ ថា អង្គការណាតូ(NATO) មានគម្រោងជំនួសយន្តហោះស៊ើបការណ៍ (AWACS) ផលិតដោយសហរដ្ឋអាមេរិកដែលមានអាយុកាលយូរឆ្នាំ ទៅនឹងជម្រើសមួយទៀតគឺយន្តហោះស៊ើបការណ៍ GlobalEye របស់ប្រទេសស៊ុយអែតវិញ។

ប្រភពព័ត៌មាន បាននិយាយថា ការទិញយន្តហោះឃ្លាំមើល GlobalEye របស់ក្រុមហ៊ុនផលិតយន្តហោះ Saab របស់ប្រទេសស៊ុយអែតនឹងបើកផ្ទាំងថ្មី គ្រោងនឹងប្រកាសក្នុងកិច្ចប្រជុំកំពូលណាតូនៅទីក្រុងអង់ការ៉ា នៅថ្ងៃទី៧ ដល់ថ្ងៃទី៨ ខែកក្កដា។

យន្តហោះឃ្លាំមើល GlobalEye របស់ Saab រូបភាព៖ SH

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកនាំពាក្យរបស់សម្ព័ន្ធមិត្តអង្គការណាតូ បានបញ្ជាក់ថា ការសម្រេចចិត្តលើការជំនួស AWACS នឹងត្រូវប្រកាសក្នុងកិច្ចប្រជុំកំពូលណាតូ ប៉ុន្តែ បានបដិសេធ មិនផ្តល់ព័ត៌មានលម្អិតទេ ហើយក្រុមហ៊ុនការពារជាតិ Saab ក៏បានបដិសេធ មិនធ្វើអត្ថាធិប្បាយដែរ។

ជាមួយនឹងដំបូលរ៉ាដាទទឹង ៩ម៉ែត្រដ៏ប្លែក យន្តហោះប្រព័ន្ធព្រមាន និងត្រួតពិនិត្យដែនអាកាសចំនួន ១៤គ្រឿងរបស់ណាតូ ពីក្រុមហ៊ុនអាមេរិក ធ្លាប់បានបម្រើជាភ្នែករបស់សម្ព័ន្ធមិត្តនៅដែនអាកាស ចាប់តាំងពីឆ្នាំ១៩៨២ ។

យ៉ាងណាមិញ មូលដ្ឋានទ័ពអាកាសនៅទីក្រុង Geilenkirchen ប្រទេសអាល្លឺម៉ង់ បានដើរតួនាទីយ៉ាងសំខាន់ក្នុងបេសកកម្មឃ្លាំមើលតាមបណ្តោយផ្នែកខាងកើតរបស់ណាតូ ចាប់តាំងពីប្រទេសរុស្ស៊ីបានចាប់ផ្តើមសង្គ្រាមនៅអ៊ុយក្រែន។

ប្រភពដដែលឱ្យដឹងថា ក្រោមផែនការជំនួសនេះ ទីក្រុង Geilenkirchen អាចនឹងក្លាយជាទីតាំងសម្រាប់កងនាវាយន្តហោះ GlobalEye ធំជាងគេបំផុតរបស់ពិភពលោក។

ប្រពន្ធ័យន្តហោះ GlobalEye បានចូលបម្រើការងារ នៅឆ្នាំ ២០១៨ រចនាឡើងដើម្បីស្វែងរក និងតាមដានការគំរាមកំហែងនៅទូទាំងផ្លូវអាកាស ដីគោកនិងសមុទ្រ។

យន្តហោះ GlobalEye កំពុងប្រកួតប្រជែងជាមួយក្រុមហ៊ុន Boeing របស់អាមេរិក បើកផ្ទាំងថ្មី ចំពោះយន្តហោះព្រមាននិងបញ្ជា E-7 Wedgetail ក្នុងការគ្រប់គ្រង ត្រួតពិនិត្យនិងដឹកនាំការប្រយុទ្ធ៕

សម្រួល៖ ណឺ មិនា