ព័ត៌មានអន្ដរជាតិ
ពលរដ្ឋឥណ្ឌាប្រឆាំងនាយករដ្ឋមន្ត្រីបន្តសង់អគារសភាថ្មីតម្លៃ១.៨ប៊ីលានដុល្លារ ទោះកូវីដអាក្រក់បំផុត
នៅពេលមន្ទីរពេទ្យបានកំពុងខ្វះខាតវេជ្ជសាស្ត្របន្ទាន់ដើម្បីសង្គ្រោះអាយុជីវិតអ្នកជំងឺកូវីដ-១៩ដែលបាត់បង់ជីវិតរាប់ពាន់នាក់រាល់ថ្ងៃ ក៏លោកនាយករដ្ឋមន្ត្រីឥណ្ឌា Narendra Modi នៅបន្តជំរុញគម្រោងសាងសង់អគាររដ្ឋសភាថ្មីដែលមានទឹកប្រាក់ ១.៨ប៊ីលានដុល្លារអាមេរិក ក្នុងនោះមានគេហដ្ឋានថ្មីមួយសម្រាប់មេដឹកនាំប្រទេសថែមទៀត។
ការសម្រេចចិត្តបន្តគម្រោងដ៏ធំនៅរដ្ឋធានីញូវដេលីបានជំរុញឲ្យសាធារណៈជន និងបក្សប្រឆាំងមានការខឹងសម្បារយ៉ាងខ្លាំង ដោយសារគម្រោងត្រូវចំណាយប្រាក់យ៉ាងច្រើនសន្ធឹកសន្ធាប់ចំពេលដែលប្រទេសកំពុងជួបវិបត្តិកូវីដ-១៩ធ្ងន់ធ្ងរបំផុត។
ការសាងសង់អស់ប្រាក់ច្រើនលើគម្រោងអភិវឌ្ឍ Central Vista ដែលត្រូវបានគេចាត់ទុកថាជាកន្លែងសេវាកម្មដ៏សំខាន់ ដូច្នេះមានន័យថា ដំណើរការសាងសងបានអនុញ្ញាតឲ្យបន្ត ខណៈពេលគម្រោងសាងសងសំខាន់ផ្សេងៗទៀតត្រូវបានផ្អាក។
ពលរដ្ឋ២នាក់ ក្នុងនោះមានម្នាក់ឆ្លងកូវីដ-១៩ដែលម្តាយរបស់គាត់ក៏បានឆ្លងវីរុសនេះ បានញត្តិបណ្តឹងទៅតុលាការជាន់ខ្ពស់ក្រុងដេលីកាលពីថ្ងៃពុធដើម្បីឲ្យបញ្ឈប់ការសាងសង់ដែលបន្តដំណើរការ បើទោះជារដ្ឋធានីត្រូវបានដាក់បំរាមរឹតត្បិតក៏ដោយ។
យោងតាមញត្តិបញ្ឈប់ពិសេសដាក់ដោយមេធាវីលោក Nitin Saluja បង្ហាញថា ក្រុមអ្នកដាក់ញត្តិបានអះអាងថា អគារសភាថ្មីនេះមិនបានបង្កើតជាសេវាកម្មសំខាន់ទេ ហើយការងារសាងសង់អាចក្លាយជាកន្លែងរាលដាលកូវីដខ្លាំងថែមទៀត។
តុលាការជាន់ខ្ពស់ឲ្យដឹងថា នឹងបើកសវនាការលើករណីនេះចុងខែឧសភា ប៉ុន្តែអ្នកដាក់ញត្តិបានយកករណីនេះទៅតុលាការកំពូល ដោយអះអាងថា តុលាការជាន់ខ្ពស់មិនបានស្វែងយល់ពីផលវិបាកនៃស្ថានភាពនេះទេ។
លោកមេធាវី Saluja បានសរសេរទៅកាន់តុលាការកំពូលថា ៖«ដោយសារមានបញ្ហាសុខភាពសាធារណៈបន្ទាន់ក្នុងបញ្ហានេះ ការពន្យារពេលណាមួយអាចធ្វើឲ្យប៉ះពាល់ដល់ផលប្រយោជន៍សាធារណៈកាន់តែធំ»។ លោកថា ករណីនេះទំនងជានឹងបើកសវនាការនៅថ្ងៃសុក្រនេះ។
ប្រទេសឥណ្ឌាមានករណីស្លាប់ជាង៣ ០០០នាក់ជារៀងរាល់ថ្ងៃក្នុងរយៈពេល៩ថ្ងៃចុងក្រោយនេះ។ យោងតាមរបាយការណ៍កូវីដ-១៩ប្រចាំសប្តាហ៍របស់អង្គការសុខភាពពិភពលោក (WHO) បង្ហាញថា ប្រទេសនេះមានករណីស្លាប់ដោយសារកូវីដ-១៩មួយភាគបួននៃការស្លាប់ជាសកលកាលពីសប្តាហ៍មុន។
អគាររដ្ឋភា Central Vista មានបញ្ហាចម្រូងសម្រាសតាំងពីមិនទាន់ផ្ទះកូវីដ-១៩លើកទី២ម្ល៉េះ ដោយអ្នករិះគន់លើកឡើងថា ការសាងសង់អគារថ្មីនេះបានចំណាយប្រាក់ច្រើនជាប្រវត្តិសាស្ត្រ ហើយមានការប្រឆាំងយ៉ាងខ្លាំងដោយលើកឡើងថា ជាគម្រោងឥតប្រយោជន៍។
អ្នកគាំទ្រលើការអភិវឌ្ឍអគារថ្មីលើផ្ទៃដៃ៣៥ហិចតាបាននិយាយថា អគារនេះចាំបាច់ បើទោះអគារដែលមានអាយុ១០០ឆ្នាំបច្ចុប្បន្នមិនទាន់ត្រូវនឹងគោលបំណងក៏ដោយ៕
ប្រែសម្រួល៖ វីរបុត្រ
ប្រភព៖ CNN
តំបន់មួយរបស់កាណាដា ប្រកាសអាសន្ន មុនបាតុភូតសូរ្យគ្រាស មហាកម្រ
ឆ្នាំនេះ ក្រសួងអប់រំ គ្រោងបេក្ខជនជិត ៤ ពាន់នាក់ ដាក់ពាក្យសុំប្រឡងជ្រើសរើសអាហារូបករណ៍ទៅសិក្សានៅបរទេស
អ៊ីស្រាអែល វាយប្រហារកម្ទេចស្ថានកុងស៊ុលអ៊ីរ៉ង់ សម្លាប់ទាំងមេទ័ពកំពូល
រដ្ឋមន្ត្រីសុខាភិបាលជំរុញឱ្យមន្រ្តីត្រូវប្តេជ្ញាលុបបំបាត់ជំងឺគ្រុនចាញ់តាមគោលដៅកំណត់ត្រឹមឆ្នាំ២០២៥
យុវជនវ័យក្មេងម្នាក់ ត្រូវបានឃាតកសម្លាប់ យកទៅដុតនៅក្នុងរណ្ដៅចាក់សំរាម១កន្លែង
កម្ពុជា ជាមេកន្ទ្រាញគ្រងលើអត្រាស្ទុះងើបឡើងវិញនៃវិស័យទេសចរណ៍ខ្ពស់ជាងគេនៅអាស៊ាន
ខ្លះៗពីទិវាកុហក ១ មេសា ឬ April Fools’ Day
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
មន្ត្រីរាជការ កងកម្លាំងប្រដាប់អាវុធ ពាក់ព័ន្ធការទន្ទ្រានយកដីរដ្ឋ នឹងត្រូវបញ្ចប់តួនាទី
ក្រុមហ៊ុនអ្នកឧកញ៉ា គិត ម៉េង ប្រកាសបង្កើតតំបន់សេដ្ឋកិច្ចពិសេសថ្មីមួយទៀតនៅខេត្តកណ្តាល
-
ព័ត៌មានជាតិ១ សប្តាហ៍ agoទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ២ ថ្ងៃ agoកម្ពុជា ជាមេកន្ទ្រាញគ្រងលើអត្រាស្ទុះងើបឡើងវិញនៃវិស័យទេសចរណ៍ខ្ពស់ជាងគេនៅអាស៊ាន
-
ព័ត៌មានជាតិ១ សប្តាហ៍ agoបណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
KPT+២១ ម៉ោង agoខ្លះៗពីទិវាកុហក ១ មេសា ឬ April Fools’ Day
-
ចរាចរណ៍៤ ថ្ងៃ agoបឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ២ ថ្ងៃ agoមន្ត្រីរាជការ កងកម្លាំងប្រដាប់អាវុធ ពាក់ព័ន្ធការទន្ទ្រានយកដីរដ្ឋ នឹងត្រូវបញ្ចប់តួនាទី
-
ព័ត៌មានជាតិ២៣ ម៉ោង agoក្រុមហ៊ុនអ្នកឧកញ៉ា គិត ម៉េង ប្រកាសបង្កើតតំបន់សេដ្ឋកិច្ចពិសេសថ្មីមួយទៀតនៅខេត្តកណ្តាល
-
ព័ត៌មានជាតិ១ សប្តាហ៍ agoកម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា