ព័ត៌មានជាតិ

ទំនាស់ពាក្យសម្តីព្រោះរឿងប្រចណ្ឌ បុរសម្នាក់សម្លាប់គូស្នេហ៍វ័យចំណាស់ ហើយរត់គេចខ្លួនជាង១សប្តាហ៍ទើបសមត្ថកិច្ចចាប់បាន

បានផុស

៥ years មុន

នៅ

ថ្ងៃសៅរ៍ ៨ ឧសភា ២០២១

ដោយ

បុរសជនសង្ស័យម្នាក់ត្រូវកងកម្លាំងអាវុធហត្ថខេត្តបាត់ដំបង សហការជាមួយអាវុធហត្ថខេត្តសៀមរាប ធ្វើការឃាត់ខ្លួនបាន នៅវេលាម៉ោង ១៩៖៥០ យប់ថ្ងៃទី ៦ ខែឧសភា ស្ថិតភូមិព្រៃតូច ឃុំព្រៃតូច ស្រុកមោងឬស្សី ខេត្តបាត់ដំបង បន្ទាប់ពីបានសម្លាប់ស្ត្រីគូស្នេហ៍វ័យចំណាស់ព្រោះទំនាស់ពាក្យសម្តីរឿងប្រចណ្ឌហើយរត់គេចខ្លួនជាងមួយសប្តាហ៍។

អំពើឃាតកម្ម បានកើតឡើងនៅវេលាម៉ោង ១៩៖០០ ថ្ងៃទី ២៨ ខែមេសា ស្ថិតនៅត្រង់ចំណុចផ្ទះជួល ភូមិទ្រៀក ក្រុងសៀមរាប ខេត្តសៀមរាប។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បុរសជនសង្ស័យឈ្មោះ ម៉ឺ វិមល អាយុ ៣៤ឆ្នាំ មានទីលំនៅភូមិស្នោរ សង្កាត់រកាក្នុង ក្រុងដូនកែវ ខេត្តតាកែវ។ ចំណែកឯស្ត្រីជនរងគ្រោះ ឈ្មោះ អ៊ុន ចន្ថា អាយុ ៥៦ឆ្នាំ ជាអានិកជនខ្មែររស់នៅប្រទេសស្វីស។

លោកអនុសេនីយ៍ឯក សៀក សុភា នាយការិយាល័យព្រហ្មទណ្ឌនៃកងរាជអាវុធហ្ថខេត្តសៀមរាបបានឲ្យដឹងថា ជនសង្ស័យបានសារភាពថា ខ្លួនពិតជាបានសម្លាប់ស្ត្រីដែលជាគូស្នេហ៍របស់ខ្លួនពិតប្រាកដមែន ដោយសារជនរងគ្រោះ បានរករឿងឈ្លោះប្រច័ណ្ឌរហូតខ្លួនទ្រាំមិនបានក៏យកអង្រែវ៉ៃក្បាលជនរងគ្រោះសន្លប់ ហើយបានយកកាំបិតចិតបន្លែចាក់សម្លាប់ជនរងគ្រោះតែម្តង។