ព័ត៌មានជាតិ

កុមារកំព្រា១០នាក់ទទួលគ្រឿងឧបភោគ បរិភោគ និងសម្ភារ:មួយចំនួនពីអភិបាលរងខេត្តកោះកុង

បានផុស

៥ years មុន

នៅ

ថ្ងៃពុធ ១៩ ឧសភា ២០២១

ដោយ

កុមារកំព្រាចំនួន១០នាក់ ស្រី០១នាក់ ដែលកំពុងស្នាក់នៅក្នុងមណ្ឌលកុមារកំព្រា ត្រូវបានយកចិត្តទុកដាក់តាមរយ:ផ្តល់នូវគ្រឿងឧបភោគបរិភោគ និងសម្ភារៈប្រើប្រាស់ប្រចាំថ្ងៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក អ៊ុក ភ័ក្ត្រា អភិបាលរង តំណាងលោកជំទាវអភិបាលខេត្តកោះកុង នៅព្រឹកថ្ងៃទី១៩ ខែឧសភា ឆ្នាំ២០២១ ឱ្យដឹងថា ព្រោះតែមើលឃើញបញ្ហាប្រឈមនានារបស់ក្រុមកុមារកំព្រា ទើបថ្ងៃនេះលោក និងក្រុមការងារចុះជួបសំណេះសំណាល និងនាំយកអំណោយ និងគ្រឿងឧបភោគបរិភោគ ដែលប្រើថវិកាផ្ទាល់ខ្លួន និងមួយផ្នែកជាការចូលរួមចំណែករបស់លោក គ្រី ប៊ុនថា ប្រធានពន្ធនាគារខេត្តកោះកុងជូនកុមារកំព្រា។

លោកអភិបាលរងខេត្តកោះកុង លើកឡើងដែរថា លោកជំទាវ មិថុនា ភូថង អភិបាលខេត្តតែងយកចិត្តទុកដាក់ចំពោះការងារសង្គម ពិសេស គឺកុមារកំព្រា នៅក្នុងមណ្ឌលនេះតែម្តង។ ដូច្នេះលោកជំទាវផ្ដាំផ្ញើដល់ក្មួយៗ ប្អូនៗ ត្រូវប្រឹងប្រែងរៀនសូត្រ រៀបចំខ្លួនឲ្យក្លាយជាមនុស្សល្អ និងចូលរួមជួយដល់សង្គម និងប្រទេសជាតិទៅថ្ងៃអនាគត។

លោក អ៊ុក ភ័ក្ត្រា ក៏អះអាងដែរថា រដ្ឋបាលខេត្ត នឹងនៅតែបន្តគាំទ្រជួយដោះស្រាយរាល់បញ្ហាដែលកើតមាន នៅក្នុងមណ្ឌលកុមារកំព្រាខេត្តកោះកុង។ ប្រសិនមានតម្រូវការស្នើសុំអ្វីមួយអ្នកគ្រប់គ្រងមណ្ឌល ឬកុមារកំព្រា៕

អត្តបទ ៖ សិរីវឌ្ឍន: