កូវីដ-១៩
អត្រាអ្នកឆ្លងជំងឺកូវីដ-១៩ នៅខេត្តស្វាយរៀងកើនឡើងដល់ជិត១ពាន់នាក់ ភាគច្រើនជាកម្មកររោងចក្រ
រហូតមកដល់ព្រឹកថ្ងៃទី៣១ ខែឧសភា ឆ្នាំ២០២១នេះ ខេត្តស្វាយរៀងមានអ្នកឆ្លងជំងឺកូវីដ១៩ ប្រមាណជិត១ពាន់នាក់ហើយ ក្នុងនោះមានអ្នកស្លាប់បាត់បង់ជីវិតចំនួន៥នាក់។
លោកបណ្ឌិត កែរ រដ្ឋា ប្រធានមន្ទីរសុខាភិបាលខេត្តស្វាយរៀងបានមានប្រសាសន៍នៅរសៀលថ្ងៃទី៣១ ខែឧសភានេះថា គិតត្រឹមព្រឹកថ្ងៃទី៣១ ខែឧសភានេះ ខេត្តស្វាយរៀងមានអ្នកឆ្លងជំងឺកូវីដ១៩ចំនួន៨៨០នាក់ ស្រី៥១៩នាក់ អ្នកជាសះស្បើយចំនួន៣៧៨នាក់ ស្រី១៥៤នាក់ ស្លាប់៥នាក់ និងកំពុងសម្រាកពេទ្យ៤៩៦នាក់ ស្រី៣៦៣នាក់។
បើតាមលោកប្រធានមន្ទីរ ក្នុងចំណោមអ្នកឆ្លងសុរបជិត១ពាន់នាក់នេះ ភាគច្រើនជាកម្មករកម្មការិនីរោងចក្រនៅតាមតំបន់សេដ្ឋកិច្ចពិសេសមួយចំនួននៅក្នុងក្រុងបាវិតខេត្តស្វាយរៀង។
លោកបណ្ឌិតបានបន្តទៀតថា ជាក់ស្តែងចាប់ពីថ្ងៃទី២១ រហូតមកដល់ថ្ងៃទី២៩ ខែឧសភា ឆ្នាំ២០២១ ក្រុមការងារឆ្លើយតបបន្ទាន់នៃមន្ទីរសុខាភិបាលខេត្តស្វាយរៀង បានយកសំណាកកម្មករចំនួន២៥១១នាក់ នៅតាមរោងចក្រចំនួន៧ក្នុងតំបន់សេដ្ឋកិច្ចពិសេសចំនួន៣ នៅក្រុងបាវិតខេត្តស្វាយរៀង ហើយជាលទ្ធផលរកឃើញវិជ្ជមានជំងឺកូវីដ១៩ចំនួន៣៤៨នាក់។
លោកបណ្ឌិត កែរ រដ្ឋា បានបន្តទៀតថា នៅរោងចក្រចំនួន៧ដែលមានកម្មករឆ្លងនោះរួមមាន រោងចក្រ យូលី១ រោងចក្រ ប្យ៊ូលធីហ្វូលវីនដូ និងរោងចក្រ អូខ្លូត នៅក្នុងតំបន់សេដ្ឋកិច្ចពិសេស សាន តុង ។ រោងចក្រ សាន់ ហ្វេង រោងចក្រ ម៉ូរ៉ូហ្វូជី និងរោងចក្រ យូធីឡាយ ក្នុងតំបន់សេដ្ឋកិច្ច ពិសេស មេន ហាធិន មាន និងរោងចក្រ អេអិនជេ នៅតំបន់សេដ្ឋកិច្ចពិសេស តាយសេង ។
យោងតាមរបាយការណ៍របស់ក្រសួងសុខាភិបាលបានឱ្យដឹងថា ការកើនឡើងនៃចំនួនអ្នកឆ្លងជំងឺកូវីដ១៩នេះ ភាគច្រើនឆ្លងទៅលើកម្មករកម្មការិនីរោងចក្រ និងពលករខ្មែរដែលវិលត្រឡប់មកពីប្រទេសថៃ។ ចំណែកនៅតាមបណ្តាខេត្តមួយចំនួន មានកម្មករកម្មការិនីរោងចក្របានឆ្លងជាបន្តបន្ទាប់ដូចជានៅរាជធានីភ្នំពេញ ខេត្តកំពង់ចាម ស្វាយរៀង តាកែវ កំពង់ស្ពឺ ព្រះសីហនុ និងខេត្តកណ្តាលជាដើម បូករួមទាំងពលករធ្វើដំណើរមកពីប្រទេសថៃ។ ចំណែកខេត្តនៅជាប់ព្រំដែនកម្ពុជាថៃវិញរួមមាន ខេត្តបាត់ដំបង បន្ទាយមានជ័យ និងឧត្តរមានជ័យ មានពលករមកពីប្រទេសថៃឆ្លងច្រើនរួមទាំងអ្នកធ្វើដំណើរពីតំបន់ដែលមានហានិភ័យខ្ពស់ផងដែរ ដូចជារាជធានីភ្នំពេញ និងខេត្តព្រះសីហនុ៕
អត្ថបទ ៖ សំអឿន
-
ព័ត៌មានអន្ដរជាតិ១៤ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ