កូវីដ-១៩

ព្រះសង្ឃ តាជី យាយជី និងសិស្សនិស្សិត២១អង្គ/នាក់បានជាសះស្បើយពីជំងឺកូវីដ-១៩

បានផុស

៥ years មុន

នៅ

ថ្ងៃព្រហស្បតិ៍ ៣ មិថុនា ២០២១

ដោយ

គណៈកម្មការវត្តសារាវ័ន្តតេជោ បានសម្តែងនូវការត្រេកអរយ៉ាងខ្លាំង បន្ទាប់ពីទទួលដំណឹងថា ព្រះសង្ឃ តាជី យាយជី និងសិស្សនិស្សិតចំនួន២១អង្គ/នាក់ បានជាសះស្បើយពីជំងឺកូវីដ-១៩ ហើយត្រូវអនុញ្ញាតឲ្យវិលត្រឡប់មកវត្តវិញ នៅថ្ងៃទី០៣ ខែមិថុនា ឆ្នាំ២០២១នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គណៈកម្មវត្តក៏សូមក្រាបថ្វាយបង្គំ សម្តេច ព្រះសង្ឃគ្រប់ព្រះអង្គ និងសូមចម្រើនពរដល់ញាតិញោមពុទ្ធបរិស័ទទាំងអស់ឲ្យបានជ្រាបថា នៅព្រឹកថ្ងៃទី ៣ ខែមិថុនា ឆ្នាំ២០២១នេះ ព្រះគ្រូចៅអធិការ ព្រះគ្រូសូត្រស្តាំ/ឆ្វេង ព្រះសង្ឃគ្រប់ព្រះអង្គ មានចិត្តសប្បាយរីករាយក្រៃលែង ដោយបានទទួលតំណឹងពីខាង មណ្ឌលព្យាបាលជំងឺកូវដ-១៩ កម្រិតស្រាលទួលពង្រថា ព្រះសង្ឃ សិស្ស -និស្សិត យាយជី វត្តសារាវ័នតេជោ ដែលបានទៅសម្រាកព្យាបាលនៅទីនោះ បានជាសះស្បើយចំនួន២១អង្គ/អ្នកហើយ ក្រុមគ្រូពេទ្យកំពង់ធ្វើបែបបទឲ្យនិមន្តវិលត្រឡប់មកកាន់វត្តវិញ។

ដូច្នេះហើយ ក្នុងនាមវត្តសារាវ័នតេជោ សូមថ្លែងអំណរអរគុណយ៉ាងជ្រាលជ្រៅដល់រាជរដ្ឋាភិបាល កម្ពុជា ព្រមទាំងថ្នាក់ដឹកនាំគ្រប់លំដាប់ថ្នាក់ ដែលតែងតែយកចិត្តទុកដាក់ចំពោះ ព្រះសង្ឃ សិស្ស -និស្សិត តាជី យាយជី ក្នុងវត្តសារាវ័នតេជោ ជាពិសេសសូមអរគុណដល់ក្រុមគ្រូពេទ្យសម្តចតេជោប្រឆាំងជំងឺកូវីដ-១៩ ដែលបានយកចិត្តទុក្ខដាក់ ជួយព្យាបាលដល់ប្រជាពលរដ្ឋទាំងអស់ នៅក្នុងព្រះរាជាណាចក្រកម្ពុជារបស់យើង។

គួរបញ្ចាក់ថា ព្រះសង្ឃ និងសិស្សនិស្សិតមួយចំនួន ដែលគង់នៅកុដិមួយនៃវត្តសារាវ័នតេជោ ក្នុងខណ្ឌដូនពេញ រាជធានីភ្នំពេញ បានធ្វើតេស្តរកឃើញមាន «វិជ្ជមានកូវីដ១៩» នឹងត្រូវបាននិមន្តទៅព្យាបាលកាលពីយប់ថ្ងៃទី២៣ ខែឧសភា ឆ្នាំ២០២១៕

អត្ថបទ ៖ រស្មី

Related Topics: