ពន្ធនាគារខេត្តតាកែវ កំពុងបង្ហូរទឹកកខ្វក់ចូលប្រឡាយ ខណៈអា​ជ្ញាធរកំពុងញាប់ដៃដោះស្រាយ

ទឹកស្អុយ កខ្វក់ ត្រូវបានបង្ហូរចេញពីពន្ធនាគារខេត្តតាកែវ ចូលប្រឡាយសាធារណៈរាល់ថ្ងៃ ខណៈមជ្ឈដ្ឋានមួយចំនួន កំពុងមានការព្រួយបារម្ភ នឹងហួសចិត្តព្រោះមន្ត្រីអ្នកគ្រប់គ្រងព័ន្ធនាគារមិនបានគឹតគូរពីអនាម័យ ពិសេសសុខភាពសាធារណៈពលរដ្ឋនៅជុំវិញដំបន់ខ្លួន។

ពលរដ្ឋជាច្រេីនលេីកឡេីងថា ប្រឡាយមេ ស្ថិតនៅភូមិចុងថ្នល់ សង្កាត់បារាយណ៍ ក្រុងដូនកែវ ត្រូវបានខ្មៅស្អុយកខ្វក់ ព្រោះមានទឹកស្អុយហូរចេញមកពីព័ន្ធនាគារចូលរាល់ថ្ងៃ ហេីយបន្តហូរចូលបឹងតាកែវថែមទៀត។

ហេីយបេីនៅតែយ៉ាងនឹងមិនមានវិធានការទប់ស្កាត់ ឬបង្វែរទឹកទៅទីតាំងផ្សេងទេ ច្បាស់ណាស់ប្រឡាយទឹកនេះ និងទៅជាប្រឡាយទឹកស្អុយ ហេីយទឹកបឹងតាកែវដែលកំពុងផ្គត់ផ្គង់ទឹកស្អាតដល់ពលរដ្ឋរាប់ម៉ឺនគ្រួសារក៏កខ្វក់ផងដែរ។
ទោះយ៉ាងណា លោក គង់ ស៊ីថា ប្រធានព័ន្ធនាគារខេត្តតាកែវ បានឲ្យដឹងនៅព្រឹកថ្ងៃទី២៥ ខែមិថុនា ឆ្នាំ២០២១នេះថា លោកកំពុងធ្វេីអាងដេីម្បីស្តុកទឹកស្អុយនេះហេីយ។

ពលរដ្ឋរស់នៅក្បែរដំបន់នេះ បានសំណូមពរទៅលោក ប្រធានព័ន្ធនាគារ រូបនេះ មេត្តាគិតគូរពីការបង្ហូរទឹកកខ្វក់ចេញពីទីតាំងខ្លួនផង ព្រោះឃេីញបែបនេះយូរថ្ងៃណាស់មកហេីយ៕ អត្ថបទ៖ វីរៈ