ព័ត៌មានអន្ដរជាតិ
ហួសចិត្ត! ពលរដ្ឋឥណ្ឌា រត់គេចមិនព្រមចាក់វ៉ាក់សាំងកូវីដ គ្រូពេទ្យដេញតាមចាក់ដល់វាលស្រែ
បន្ទាប់ពីអ្នកភូមិនៅក្នុងស្រុក Yadgir នៃរដ្ឋ Karnataka បានបិទទ្វារផ្ទះមិនព្រមទៅទទួលវ៉ាក់សាំងការពារជំងឺកូវីដ-១៩, ក្រុមមន្រ្តីមន្ទីរសុខាភិបាលបានរកឃើញវិធីថ្មីដើម្បីចាក់វ៉ាក់សាំង។ ក្រុមគ្រូពេទ្យបានបោះជំរំនៅតាមវាលស្រែ កសិដ្ឋាន ទីផ្សារនិងកន្លែងផ្សេងទៀត ដែលមនុស្សទំនងជាប្រមូលផ្តុំគ្នា។
ថ្មីៗនេះ ប្រជាជននៅក្នុងភូមិ Kanchagarahalli នៃស្រុក Yadgir បានចាក់សោរផ្ទះរបស់ពួកគេ ហើយមិនឆ្លើយតបនឹងការគោះទ្វារឡើយ នៅពេលមន្ត្រីសុខាភិបាល និងបុគ្គលិក ASHA ចុះទៅសួរនាំពួកគេដើម្បីឲ្យទៅចាក់វ៉ាក់សាំង។
វីដេអូឃ្លីបមួយដែលកំពុងល្បី នៅលើបណ្តាញសង្គម បានបង្ហាញពីស្ត្រីម្នាក់ កំពុងចាក់សោរផ្ទះហើយរត់គេចពីក្រុមមន្រ្តី ធ្វើឲ្យគ្រូពេទ្យដេញតាមដល់វាលស្រែ។ ស្ត្រីម្នាក់ទៀត ត្រូវបានគេឃើញស្រែកដាក់មន្រ្តី ដោយអះអាងថា នាងនិងគ្រួសាររបស់នាងមានសុខភាពល្អហើយ មិនចាំបាច់ចាក់វ៉ាក់សាំងទេ។
លោក Indumati Patil មន្រ្តីសុខាភិបាលស្រុក Yadgir បានប្រាប់គេហទំព័រ Indianexpress.com ថា “អ្នកភូមិជាច្រើននាក់ បានរឹងចចេស។ មានការភាន់ច្រលំថា វ៉ាក់សាំងនឹងនាំឲ្យមានជំងឺ ដូច្នេះមនុស្សជាច្រើនមិនបានត្រៀមខ្លួនដើម្បីទទួលថ្នាំបង្កាទេ។ យើងបានទៅផ្ទះរបស់ពួកគេ ប៉ុន្តែពួកគេបានចាក់សោទ្វារ។ ដូច្នេះជាមួយនឹងយុទ្ធនាការលើកកម្ពស់ការយល់ដឹង យើងបានសម្រេចចិត្តចាក់វ៉ាក់សាំងនៅកន្លែងដែលពួកគេទៅ”។
មន្រ្តីសុខាភិបាលម្នាក់ទៀតគឺលោកវេជ្ជបណ្ឌិត Lakshmikanth បាននិយាយថា ដំបូងអ្នកភូមិត្រូវបានគេស្នើសុំឲ្យមកមណ្ឌលសុខភាពដើម្បីចាក់វ៉ាក់សាំង ប៉ុន្តែមានការភ័យខ្លាចថា បើអ្នកភូមិមិនមក នោះវ៉ាក់សាំងនឹងត្រូវទុកចោលដល់ខូច។ ដូចនេះ ពួកគេបានសម្រេចចិត្តចាប់ផ្តើមយុទ្ធនាការចាក់វ៉ាក់សាំងនៅក្នុងវាលស្រែ ព្រោះវាជារដូវដាំដុះរបស់កសិករ”។
លោកបានបន្ថែមថា មនុស្សមួយចំនួនដែលទទួលបានការចាក់វ៉ាក់សាំង នឹងបង្កើតទំនុកចិត្តដល់អ្នកដទៃឲ្យមកចាក់ដែរ៕
ប្រែសម្រួល៖ Vann Vann
ប្រភព៖ Indian Express
ចុចអាន៖ រន្ធត់ ទឹកទន្លេ Ganges ជន់ឡើងធ្វើឲ្យអណ្តែតសពកូវីដរាប់រយនៅឥណ្ឌា
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១០ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ