ព័ត៌មានអន្ដរជាតិ
អតីតប្រធានាធិបតីអាហ្វ្រិកខាងត្បូង Zuma ចូលខ្លួនឲ្យប៉ូលិសចាប់
អតីតប្រធានាធិបតីអាហ្វ្រិកខាងត្បូង លោក Jacob Zuma ពេលនេះស្ថិតនៅទីឃុំឃាំង បន្ទាប់ពីលោកបានប្រគល់ខ្លួនឲ្យប៉ូលិសចាប់ដើម្បីទទួលទោសជាប់ពន្ធនាគាររយៈពេល១៥ខែពីបទមើលងាយតុលាការ។
អ្នកនាំពាក្យក្រសួងប៉ូលិស លោក Lirandzu Themba បានបញ្ជាក់ថា លោក Zuma ស្ថិតក្រោមការមើលថែរបស់ប៉ូលិសដែលគោរពតាមសាលក្រមរបស់តុលាការកាលពីយប់ថ្ងៃពុធ។ មុននេះមូលនិធិរបស់លោកបាននិយាយថា លោកបានប្រគល់ខ្លួនឲ្យសមត្ថកិច្ចដោយខ្លួនឯង។
តុលាការធម្មនុញ្ញបានកាត់ទោសលោក Zuma កាលពីសប្តាហ៍មុនពីបទមិនគោរពសេចក្តីណែនាំមួយកាលពីដើមឆ្នាំនេះដើម្បីផ្តល់ភស្តុតាងសម្រាប់ការស៊ើបអង្កេតជុំវិញអំពើពុករលួយកំឡុងពេលលោកកាន់អំណាចរយៈពេល៩ឆ្នាំរហូតដល់ឆ្នាំ២០១៨។
តុលាការបានបញ្ជាឲ្យប៉ូលិសចាប់ខ្លួនលោកនៅត្រឹមថ្ងៃពុធ ប្រសិនបើលោកមិនប្រគល់ខ្លួន។ ទូរទស្សន៍អាហ្វ្រិកខាងត្បូងបានបង្ហាញពីរូបភាពក្បួនរថយន្ត Zuma ចាកចេញពីគេហដ្ឋានរបស់លោក។
សេចក្តីថ្លែងការណ៍របស់មូលនិធិ Zuma Foundation បាននិយាយថា ៖«សូមជម្រាបដល់ពលរដ្ឋអាហ្វ្រិក និងពិភពលោកថា លោកប្រធាន Zuma សម្រេចចិត្តគោរពតាមការសម្រេចរបស់ពន្ធនាគារ។ លោកកំពុងនៅតាមផ្លូវទៅប្រគល់ខ្លួនដល់ពន្ធនាគារក្នុងខេត្ត KwaZulu-Natal។
បន្តិចក្រោយមកដើម្បីជៀសវាងពីការចាប់ខ្លួន មេធាវីរបស់លោក Zuma បានសរសេរទៅប្រធានស្តីទីយុត្តិធម៌ដោយស្នើសុំឲ្យការចាប់ខ្លួនរបស់លោកត្រូវបានពន្យាពេលរហូតដល់ថ្ងៃសុក្រ នៅពេលតុលាការតំបន់មួយបានសម្រេចលើការស្នើសុំរបស់លោកដើម្បីពន្យាពេល។
មេធាវីរបស់លោកបានស្នើសុំប្រធានស្តីទីយុត្តិធម៌ឲ្យចេញសេចក្តីណែនាំដល់ប៉ូលិសឲ្យបញ្ឈប់ពីការចាប់ខ្លួនដោយអះអាងថា អាចនឹងមានផលប៉ះពាល់ដល់ជីវិតរបស់លោក។
យោងតាមការផ្សាយក្នុងស្រុកថា តុលាការកំពូលបានជួបជុំគ្នានៅយប់ថ្ងៃពុធ ប៉ុន្តែបដិសេធចំពោះការស្នើសុំនោះ។
ភាពតាន់តឹងផ្នែកនយោបាយបានឡើងកម្តៅនៅខេត្ត KwaZulu-Natal ដោយសារការកាត់ទោស Zuma ឲ្យជាប់ពន្ធនាគារ។ ជាមួយគ្នានេះ អ្នកគាំទ្ររាប់រយនាក់បានប្រមូលផ្តុំគ្នានៅគេហដ្ឋានរបស់លោកកាលពីចុងសប្តាហ៍កន្លងទៅ និងបានប្តេជ្ញាការពារពីការចាប់ខ្លួននោះ ប៉ុន្តែពួកគេបានបែកគ្នានៅថ្ងៃអាទិត្យ៕
ប្រែសម្រួល៖ វីរបុត្រ
ប្រភព៖ BBC
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ