Connect with us

ព័ត៌មានអន្ដរជាតិ

មនុស្សទីពីរស្លាប់ដោយសារអុតស្វា នៅអាហ្រ្វិកខាងត្បូង

បានផុស

នៅ

មនុស្សទីពីរបានស្លាប់នៅអាហ្រ្វិកខាងត្បូងក្នុងសប្តាហ៍នេះ បន្ទាប់ពីឆ្លងមេរោគអុតស្វា ដែលមានរយៈពេលមិនដល់២៤ម៉ោងបន្ទាប់ពីមានការស្លាប់ដំបូង។ នេះបើយោងតាមការចេញផ្សាយរបស់សារព័ត៌មាន Al Jazeera នៅថ្ងៃទី១៤ ខែ មិថុនា​នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រដ្ឋាភិបាល​អាហ្រ្វិក​ខាង​ត្បូង បានឲ្យដឹង​ថា មនុស្ស​ទី ២ ដែល​បាន​ស្លាប់​គឺ​ជា​បុរស​អាយុ ៣៨ ឆ្នាំបន្ទាប់ពីបុរសអាយុ ៨០ ឆ្នាំម្នាក់បានស្លាប់។ បុរសរូបនេះត្រូវបានគេបញ្ជូនទៅមន្ទីរពេទ្យក្នុងខេត្ត KwaZulu-Natal (KZN) ជាមួយនឹងដំបៅយ៉ាងច្រើន ឈឺក្បាល អស់កម្លាំង ដំបៅមាត់ ឈឺសាច់ដុំ និងឈឺបំពង់ក និងបានធ្វើតេស្តវិជ្ជមាន​ជំងឺ​អុតស្វា។

ចំនួនសរុបនៃករណីកើត​ជំងឺ​អុតស្វា ដែលត្រូវបានបញ្ជាក់ដោយមន្ទីរពិសោធន៍គឺមានចំនួនប្រាំមួយនៅក្នុងប្រទេសនេះដោយមានអ្នកស្លាប់ពីរនាក់ចាប់តាំងពីករណីដំបូងត្រូវបានកត់ត្រាកាលពីប្រាំសប្តាហ៍មុន។ ជំងឺអុតស្វា រីករាលដាលតាមរយៈទំនាក់ទំនងរាងកាយជិតស្និទ្ធដូចជាប៉ះពាល់ផ្ទាល់។ ខណៈករណីភាគច្រើនគឺស្រាល ប៉ុន្តែវាអាចសម្លាប់ជីវិតបាន។ ជំងឺ​នេះ​បង្ក​ឱ្យ​មាន​ដំបៅ​ឈឺចាប់ និង​មាន​ស្លាកស្នាម ជាពិសេសលើ​មុខ រន្ធ​គូទ និង​ប្រដាប់ភេទ។ ចំណែករោគសញ្ញាទូទៅរួមមាន កន្ទួលលើស្បែក ក្តៅខ្លួន ឈឺក្បាល ឈឺសាច់ដុំ និងហើមកូនកណ្តុរ។

គួរបញ្ជាក់ថាជំងឺ​អុតស្វា (mpox) គឺជាជំងឺមេរោគដែលឆ្លងតាមរយៈការទំនាក់ទំនងជិតស្និទ្ធជាមួយមនុស្ស ឬសត្វដែលមានមេរោគ ក៏ដូចជាតាមរយៈកោសិកាដែលមានមេរោគ។ខណៈកាលពីខែកក្កដាឆ្នាំ ២០២២ អង្គការសុខភាពពិភពលោក (WHO) បានប្រកាសអាសន្នសុខភាពសកលដែលមានរយៈពេល ១០ខែដែលមានការរីករាលដាលខ្លាំងនៃជំងឺនេះ។

ជំងឺអុតស្វា នេះត្រូវបានគេរកឃើញជាលើកដំបូងនៅក្នុងមនុស្សក្នុងឆ្នាំ ១៩៧០ នៅសាធារណរដ្ឋប្រជាធិបតេយ្យកុងហ្គោ ដោយមានការរីករាលដាលចាប់តាំងពីពេលនោះមក ភាគច្រើនកើតនៅប្រទេសមួយចំនួននៅអាហ្វ្រិកខាងលិច និងកណ្តាល។ យោងតាមអង្គការសុខភាពពិភពលោក បានឱ្យដឹងថា មានករណីជាង ៩៧,០០០ ករណី និងការស្លាប់ចំនួន១៨៦ នាក់ត្រូវបានរាយការណ៍នៅទូទាំង ១១៧ ប្រទេសក្នុងរយៈពេល ៤ ខែដំបូងនៃឆ្នាំ ២០២៤ ៕

អត្ថបទ៖ ប៊ុន សុភាព

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម១០ នាទី មុន

គ្រឿងញៀន១៤៥គីឡូក្រាមត្រូវបានបង្ក្រាប និងឃាត់ខ្លួនឧក្រិដ្ឋជន៥នាក់

ព័ត៌មានជាតិ២៦ នាទី មុន

ក្រសួងព័ត៌មាន និងក្រសួងទេសចរណ៍ ចាប់ដៃគ្នា ដើម្បីផ្សាយពីវិស័យទេសចរណ៍កម្ពុជាឱ្យសម្បូរបែបជាងមុន

ព័ត៌មានជាតិ២ ម៉ោង មុន

ប័ណ្ណ​សម្គាល់​ជលយាន​ចំនួន​៩៨​ប័ណ្ណ ត្រូវ​បាន​ប្រគល់​ជូន​ព​ល​រដ្ឋ​ស្រុក​កោះកុង

ព័ត៌មានអន្ដរជាតិ២ ម៉ោង មុន

​ភាព​តាន​តឹង​លើ​បញ្ហា​ដំឡើង​ពន្ធ​របស់​អឺរ៉ុប​ បង្ក​កង្វល់​​​នៃ​ «សង្រ្គាម​ពាណិជ្ជកម្ម​អឺរ៉ុប​-ចិន​»

ព័ត៌មានជាតិ២ ម៉ោង មុន

ន.ប.ប.ប បំភ្លឺថា  ឃើញស្ងាត់ៗមិនមែនមិនធ្វើការទេ ហេតុដែលស្ងាត់ៗពេលស៊ើបការ ព្រោះខ្លាចបាត់តម្រុយជនល្មើស

ព័ត៌មានជាតិ៦ ម៉ោង មុន

ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក

ព័ត៌មានជាតិ៤ ម៉ោង មុន

ក្នុងឆ្នាំ២០២៤៖ ឧកញ៉ា អ្នកឧកញ៉ា ៤នាក់ ត្រូវដកហូតគោរមងារ ក្រោយរកស៊ីបោកប្រាស់ និងបាញ់ប្រហារពលរដ្ឋ

ព័ត៌មានជាតិ៨ ម៉ោង មុន

រាជ​ដំណាក់​ព្រះមហាក្សត្រ​ខ្មែរ ​លើ​កំពូលភ្នំ​បូកគោ រង់ចាំអនុញ្ញាតពីព្រះបរមរាជវាំង ​ជួសជុលតាម​គំរូ​ដើម​ឡើង​វិញ

ព័ត៌មានជាតិ៥ ម៉ោង មុន

ដំណាំកសិកម្មជាង ១ ម៉ឺនហិកតា កំពុងរងការវាយប្រហារពីសត្វដង្កូវហ្វូង

ព័ត៌មានអន្ដរជាតិ១០ ម៉ោង មុន

រលក​កម្ដៅ​៥២​អង្សា ប្រល័យ​ជីវិត​អ្នក​ចូលរួម​ធម្មយាត្រា Hajj ជាង​១០០០​នាក់​ហើយ

Sokha Hotels

ព័ត៌មានពេញនិយម