ព័ត៌មានជាតិ

ប៉េអិមស្រុកអូរយ៉ាដាវ ឃាត់ខ្លួនជនសង្ស័យប្រុស-ស្រី៤នាក់ ពាក់ព័ន្ធករណីគ្រឿងញៀន

បានផុស

៤ years មុន

នៅ

ថ្ងៃសុក្រ ១៦ កក្កដា ២០២១

ដោយ

រតនគិរី ៖ កម្លាំងកងរាជអាវុធហត្ថស្រុកអូរយ៉ាដាវចំនួន៧នាក់ ដឹកនាំដោយលោកវរសេនីយ៍ទោ សុខ មីន មេបញ្ជាការអាវុធហត្ថមូលដ្ឋានស្រុកអូរយ៉ាដាវ ដោយមានការសម្របសម្រួលពីលោក កែវ ភក្តី ព្រះរាជអាជ្ញារងអមសាលាដំបូងខេត្ត ចុះត្រួតពិនិត្យឆែកឆេររថយន្តឡិចស៊ីសRX330 ១គ្រឿងនិងមនុស្សប្រុស-ស្រីចំនួន៤នាក់ ពាក់ព័ន្ធករណីរក្សាទុកនូវសារធាតុញៀនខុសច្បាប់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រតិបត្តិការបង្ក្រាបករណីគ្រឿងញៀនខាងលើនេះ បានធ្វើឡើងនៅវេលាម៉ោង១០និង៥នាទីព្រឹក កាលពីថ្ងៃទី ១៥ ខែកក្កដា ឆ្នាំ ២០២១ តាមបណ្តោយផ្លូវជាតិលេខ៧៨ ត្រង់ចំណុចទល់មុខស្នាក់ការសន្តិសុខ៧៨២ ស្ថិតនៅក្នុងភូមិសោមត្រក ឃុំសោមធំ ស្រុកអូរយ៉ាដាវ។

យោងតាមរបាយការណ៍ពីអាវុធហត្ថស្រុកអូរយ៉ាដាវបានឲ្យដឹងថា រថយន្តឡិចស៊ី សRX 330 មួយគ្រឿង ពណ៌ ស ពាក់ស្លាកលេខ ភ្នំពេញ 2AQ-9477 បានធ្វើ ដំណើរ ពីទីរួម ខេត្ត ឆ្ពោះ ទៅ ព្រំដែនអន្តរជាតិអូរយ៉ាដាវ កម្ពុជា-វៀតណាម ខណៈនោះ សមត្ថកិច្ចអាវុធហត្ថបានចុះត្រួតពិនិត្យឆែកឆេររកឃើញគ្រឿងញៀនមួយចំនួននិងឃាត់ខ្លួនជនសង្ស័យ៤នាក់រួមមាន ១- ឈ្មោះ ជូ ជា អ៊ូ ភេទប្រុស អាយុ ២៦ឆ្នាំ ជនជាតិ ខ្មែរ មានទីលំនៅបច្ចុប្បន្ន ភូមិ អភិវឌ្ឍន៍ សង្កាត់ឡាបានសៀក ក្រុងបានលុង ខេត្តរតនគិរី ។

២- ឈ្មោះ សុខ សាន្ត ភេទប្រុស អាយុ ៣០ឆ្នាំ ជនជាតិ ខ្មែរ មានទីលំនៅ បច្ចុប្បន្ន ភូមិ មួយ សង្កាត់ ឡាបានសៀក ក្រុងបានលុង ខេត្តរតនគិរី ។

៣- ឈ្មោះ ប៉ាន់ លក្ខណា ភេទស្រី អាយុ ៣០ឆ្នាំ ជនជាតិ ខ្មែរ មានទីលំនៅ បច្ចុប្បន្ន ភូមិ មួយ សង្កាត់ ឡាបានសៀក ក្រុងបានលុង ខេត្តរតនគិរី ។

និង៤- ឈ្មោះ ប្រាក់ រតនា ភេទប្រុស អាយុ ២៨ឆ្នាំ ជនជាតិ ខ្មែរ មានទីលំនៅ បច្ចុប្បន្ន ភូមិ មួយ សង្កាត់ឡាបានសៀក ក្រុងបានលុង ខេត្តរតនគិរី ។

ក្រោយឃាត់ខ្លួនអាវុធហត្ថបានដកហូតវត្ថុតាង – ម្សៅក្រាម ពណ៌ .ស ថ្លា មម៉ាទឹកចំនួន ២កញ្ចប់ ទម្ងន់ ២,៤៤ក្រោម (ថ្លឹង ទាំង សំបកថង់)។

– រថយន្ត ចំនួន ១គ្រឿង

– ទូរសព្ទ ដៃ ចំនួន ៦គ្រឿង

និង ប្រាក់ រៀល ខ្មែរ ចំនួន ២៨ម៉ឺន រៀល ។

បច្ចុប្បន្ន វត្ថុ តាង និង ជនសង្ស័យ ខាងលើ ត្រូវបាន បញ្ជូន ទៅ កាន់ ទីបញ្ជាការ កងរាជអាវុធហត្ថខេត្ត ដើម្បី កសាង សំណុំ រឿង ចាត់ការ ទៅតាមនីតិវិធីច្បាប់ បន្ត៕

ដោយ ៖ វុទ្ធឦសាន