ព័ត៌មានជាតិ

ពលរដ្ឋពុំមានសាច់ញាតិម្នាក់ ដេកស្លាប់ប្រគល់សាកសព ជូនអាជ្ញាធរភូមិធ្វើបុណ្យតាមប្រពៃណី

បានផុស

៤ years មុន

នៅ

ថ្ងៃព្រហស្បតិ៍ ២២ កក្កដា ២០២១

ដោយ

ក្រោយពីគណៈកម្មការត្រួតពិនិត្យលើសពពលរដ្ឋ ពុំមានសាច់ញាតិម្នាក់ដេកស្លាប់ ពុំឃើញមានស្លាកស្នាមអ្វីពាក់ព័ន្ធនិងករណីឃាតកម្ម ប្រគល់សាកសពជូនអាជ្ញាធរភូមិធ្វើបុណ្យតាមប្រពៃណី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមរបាយការរបស់សមត្ថកិច្ចបានឲ្យដឹងថា នៅថ្ងៃទី២២ ខែកក្តដា ឆ្នាំ២០២១ វេលាម៉ោង១០និង១៤នាទី បានទទួលព័ត៌មានពីលោក ឆាយ សុផៃ មេភូមិចក់ពួកបានប្រាប់សមត្ថកិច្ចឲ្យដឹងថា មានប្រជាពលរដ្ឋម្នាក់ឈ្មោះ ចាន់ សែន ហៅ( ភព) ភេទប្រុស អាយុ៥៩ឆ្នាំ ហើយពុំមានសាច់ញាតិទេ។ បច្ចុប្បន្នស្នាក់នៅតំបន់១ ភូមិចក់ពួក ឃុំស្លក្រាម ស្រុកស្វាយចេក បាន (ដេកស្លាប់)។

នៅពេលសមត្ថកិច្ចចុះមកដល់នៅវេលាម៉ោង១៣និង០០នាទី ហើយបានបង្កើតគណៈកម្មការត្រួតពិនិត្យរួមមាន កម្លាំងជំនាញមកពីអធិការដ្ឋាន នគរបាលស្រុកស្វាយចេក កម្លាំងប៉ុស្តិ៍ស្លក្រាម កម្លាំងប៉ុស្តិ៍ព្រំដែនថ្នល់បែកនៃវរការពារព្រំដែនគោក ៩១១ លោកមេភូមិចក់ពួក គ្រូពេទ្យប្រចាំមណ្ឌលសុខភាពចក់ពួក បានធ្វើការត្រួតពិនិត្យលើខ្លួនប្រាណសាកសពពុំឃើញមានស្លាកស្នាមអ្វីពាក់ព័ន្ធនិងករណីឃាតកម្មឡើយ។

តាមការឆ្លើយបំភ្លឺរបស់ពលរដ្ឋឈ្មោះ រៀម យឿយ ភេទប្រុស អាយុ៥៨ឆ្នាំ ដែលរស់នៅជិតខាងបានប្រាប់ឲ្យដឹងថា សពនេះធ្លាប់មានជំងឺលើសឈាម។ តាមការសន្និដ្ឋានរបស់គ្រូពេទ្យ សពស្លាប់ដោយសារខ្យល់គរ។ ការត្រួតពិនិត្យសាកសពនេះ បានបញ្ចប់នៅវេលាម៉ោង១៣និង២០ នាទី នាថ្ងៃខែឆ្នាំដដែល សពប្រគល់សាកសពជូនអាជ្ញាធរភូមិធ្វើបុណ្យតាមប្រពៃណី៕

អត្ថបទ៖ អពៅ

Related Topics:ករណីដេកស្លាប់