ជនបរទេសម្នាក់ដេកស្លាប់ក្នុងបន្ទប់ខុនដូ The Peninsula ខណៈសន្តិសុខព្យាយាមលាក់បាំងព័ត៌មាន

បុរសជាជនបរទេសម្នាក់ត្រូវបានគេប្រទះឃើញដេកស្លាប់នៅលើពូកក្នុងបន្ទប់ខុនដូ The Peninsula ស្ថិតលើផ្លូវកែវចិន្តា សង្កាត់ជ្រោយចង្វារ ខណ្ឌជ្រោយចង្វារ កាលពីវេលាម៉ោងប្រហែល៨យប់ ថ្ងៃទី៣០ ខែតុលា ឆ្នាំ២០២៥។

យោងតាមប្រភពព័ត៌មាន បុរសបរទេសនោះត្រូវបានគេឃើញដេកស្លាប់លើពូក ដោយស្លៀកតែខោក្នុង (លីអូ) ប៉ុណ្ណោះ។ ហេតុការណ៍នេះកើតឡើងនៅជាន់ទី១៧ នៃអគារខុនដូ ហើយបានបង្កការភ្ញាក់ផ្អើលដល់អ្នកស្នាក់នៅ និងបុគ្គលិកសន្តិសុខ និតរាយការណ៍ទៅសមត្ថកិច្ចភ្លាមៗ។

បន្ទាប់ពីទទួលបានការរាយការណ៍ មន្ត្រីសមត្ថកិច្ចមូលដ្ឋានបានទៅដល់ទីតាំង ហើយបានទាត់ទងទៅនគរបាលជំនាញកោសល្យវិច័យចុះមកធ្វើការត្រួតពិនិត្យ និងស្វែងរកមូលហេតុនៃការស្លាប់។ ក្នុងហេតុការអ្នកស្លាប់នៅក្នុងខុនដូ ក្រុមសន្តិសុខដែលយាមកាមនៅកន្លែងកើតហេតុ បានព្យាយាមលាក់បាំងព័ត៌មាន ដោយព្យាយាមឆក់ទូរស័ព្ទពីអ្នកយកព័ត៌មាន ទៀតផង ។ ទោះបីយ៉ាងណា ករនីនេះ សមត្ថកិច្ចកំពុងបន្តស្រាវជ្រាវ ដើម្បីរកមូលហេតុនៃការស្លាប់របស់ជនរងគ្រោះ៕

អត្ថបទ៖ សំណាង