អាជ្ញាធរខេត្តឧត្តរមានជ័យ ដឹកនាំក្រុមការងារពិនិត្យទីតាំងណា នៅបន្តប្រព្រឹត្តខុសសេចក្ដីសម្រេចរដ្ឋាភិបាល

ឯកឧត្តម ឃិន ញ៉ាន ប្រធានក្រុមការងារដឹកនាំការអនុវត្តច្បាប់ បានដឹកនាំក្រុមការងារអនុគណៈកម្មការដឹកនាំការអនុវត្តច្បាប់ថ្នាក់ក្រុងសំរោង នៅយប់ថ្ងៃទី២៧ ខែសីហា ឆ្នាំ ២០២១ នេះ បានចុះធ្វើការណែនាំបន្ថែម និងហាមឃាត់ដល់ម្ចាស់អាហារដ្ឋាន អាជីវកម្ម ចំនួន ០៣ទីតាំង នៅក្នុងក្រុងសំរោង ដែលមានការភ័ន្តច្រឡំ ខណៈពេលដែលសេចក្តីសម្រេចរបស់រដ្ឋបាលខេត្តឧត្តរមានជ័យ បានបន្តនូវការអនុវត្តន៍វិធានការរដ្ឋបាលចំនួន ០៧ថ្ងៃបន្ថែមទៀត គិតដល់ថ្ងៃទី០២ ខែកញ្ញា ឆ្នាំ២០២១។ ក្រុមការងារ បានធ្វើការណែនាំ មិនឱ្យមានការជួបជុំ និងការទទួលសេវាកម្មនៅនឹងកន្លែង ដល់អាហារដ្ឋានចំនួន ៣ទីតាំងរួមមាន៖

–ទីតាំងទី១ អាហារដ្ឋាន ម៉ីម៉ី មូយាំង 

–ទីតាំងទី២ ភោជនីយដ្ឋាន លីហង្ស 

–ទីតាំងទី៣ គោដុត ប៊ុនរឿន ស្រីនាង KTV

ក្រុមការងារដឹកនាំដោយឯកឧត្តមប្រធានដឹកនាំការអនុវត្តច្បាប់ បានសំណូមពរដោយទទូច និងសុំការយោគយល់ពីសំណាក់អាជីវកម្មម្ហូបអាហារគ្រប់ប្រភេទ ដើម្បីចូលរួមអនុវត្តឲ្យបានខ្ជាប់ខ្ជួននូវវិធានការរដ្ឋបាល ដើម្បីប្រយុទ្ធប្រឆាំងនឹងជំងឺឆ្លងកូវីដ–១៩៕

អត្ថបទ៖ ចាន់ ធី