ជីវិតកម្សាន្ដ

តារា២ដួងគក់ទ្រូងពេលដឹងតម្លៃខ្លួនថតសម្អាងការ៣ម៉ឺនដុល្លារក្នុង១ខែ របស់អ្នកលក់ឡេអនឡាញ

បានផុស

៤ years មុន

នៅ

ថ្ងៃព្រហស្បតិ៍ ១៦ កញ្ញា ២០២១

ដោយ

មកដល់ពេលនេះរឿងរ៉ាវរបស់អ្នកលក់ឡេអនឡាញកញ្ញា អាជី នៅតែជាប្រធានបទក្តៅ និងការរិះគន់ពីសំណាក់មហាជនពិសេសអ្នកប្រើប្រាស់បណ្តាញសង្គមហ្វេសប៊ុកបន្ទាប់ពីអួតក្តែងៗថា ខ្លួនចុះកុងត្រាថតឲ្យសម្អាងការរយៈពេល១ខែក្នុងតម្លៃខ្លួន៣ម៉ឺនដុល្លារ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ករណីនេះត្រូវបានគេយល់ថា ជាការអួតដោយលើកតម្កើងខ្លួនឯងជ្រុលហួសហេតុពេក ខណ:តារាអាជីពល្បីៗលំដាប់ប្រទេស(Grad A)មានដូចជា,កំពូលតារាចម្រៀងលោក ព្រាប សុវត្ថិ ,លោក ខេមរៈសិ រីមន្ដ និង ឱក សុគន្ធកញ្ញា ,ពេជ្រ សោភា ,សុខ ពិសី ជាដើមក៏ពុំមានតម្លៃខ្លួនដល់ថ្នាក់នេះដែរ។

ទន្ទឹមគ្នាដែលល្បីរឿង អាជី ព្រោះតម្លៃខ្លួនខ្ពស់នេះដែរ ក៏មានតារាប្រុស-ស្រី២ដួងបានបង្ហាញនូវអារម្មណ៍ហួសចិត្តផងដែរ។ ជាក់ស្តែងតារាស្រី ឈឹម អារីយ៉ា បានលើកឡើងដោយខ្លីថា ៣,០០០០ដុល្លារខ្លាំងជាងតារាទៀត។

ចំណែកតារាប្រុសរូបសង្ហាលោក ហេង នរ:កក្កដា វិញក៏បានបញ្ចេញមតិថា ហ៊ឺ,ថតសម្អាងការ៣ម៉ឺន ដុល្លារតួរស្រីៗធំៗលំដាប់Aនៅខ្មែរតាមខ្ញុំដឹងអស់ធំហើយ១ពាន់ដុល្លារ អាជីអើយអាជី។សូមជម្រាបថា អ្នកលក់ឡេអនឡាញកញ្ញា អាជី ថ្មីៗនេះបានលើកឡើងតាមរយ:កិច្ចសម្ភាសន៍ផេកសិល្បករកម្ពុជារបស់លោក អ៊ឹម ជីវ៉ា បែបនេះថា ដោយមានអំណោយផលពីធម្មជាតិរូបនាងស្លៀកពាក់អ្វីក៏ស្រស់ស្អាត សូម្បីតែក្រោកពីគេងឡើងមិនទាន់ងូតទឹកក៏នាងគិតថានាងស្រស់ស្អាតជាងនារី៩នាក់ក្នុងចំណោម១០នាក់៕

អត្ថបទ៖ ចាន់រ៉ា